UGC NET June 2024: యూజీసీ నెట్ జూన్ సెషన్ కు రిజిస్ట్రేషన్స్ ప్రారంభం; లాస్ట్ డేట్ ఎప్పుడంటే..?

యూజీసీ నెట్ 2024 జూన్ సెషన్ కోసం రిజిస్ట్రేషన్స్ ప్రారంభమ య్యాయి. ఈ పరీక్షను నేషనల్ టెస్టింగ్ ఏజెన్సీ నిర్వహిస్తుంది. ఆసక్తి, అర్హత ఉన్న విద్యార్థులు యూజీసీ నెట్ 2024 (UGC NET June 2024) జూన్ సెషన్ కోసం ఏప్రిల్ 20 వ తేదీ నుంచి ugcnet.nta.nic.in వెబ్ సైట్ ద్వారా దరఖాస్తు చేసుకోవచ్చు.

యూజీసీ నెట్ జూన్ 2024 అర్హత

నాలుగు సంవత్సరాల బ్యాచిలర్స్ డిగ్రీ లేదా 8 సెమిస్టర్స్ బ్యాచిలర్స్ డిగ్రీ చదువుతున్న వారి తో పాటు, చివరి సంవత్సరం లేదా చివరి సెమిస్టర్ లో ఉన్న విద్యార్థులు కూడా ఈ యూజీసీ నెట్ కోసం దరఖాస్తు చేసుకోవచ్చు. నాలుగేళ్ల బ్యాచిలర్స్ డిగ్రీ చదివిన విద్యార్థులు.. డిగ్రీలో వారు చదివిన ఏ సబ్జెక్ట్ లో అయినా పీహెచ్ డీ చేసేందుకు ఈ యూజీసీ నెట్ పరీక్ష రాయవచ్చు.

UGC NET జూన్ 2024: పరీక్ష విధానం

యూజీసీ నెట్ జూన్ 2024 కంప్యూటర్ బేస్డ్ టెస్ట్ (CBT) మోడ్ లో మాత్రమే నిర్వహిస్తారు. ఈ యూజీసీ నెట్ పరీక్షలో రెండు పేపర్లు ఉంటాయి. ఈ రెండింటిలోనూ ఆబ్జెక్టివ్ తరహా, మల్టిపుల్ చాయిస్ ప్రశ్నలు ఉంటాయి. 150 ప్రశ్నలున్న రెండు పేపర్లకు కలిపి మొత్తం మూడు గంటల వ్యవధి ఉంటుంది.

యూజీసీ నెట్ జూన్ 2024 కు ఇలా అప్లై చేయండి

• ముందుగా విద్యార్థులు ఎన్టీఏ అధికారిక వెబ్ సైట్ ugcnet.nta.nic.in ను ఓపెన్ చేయాలి.
• హోమ్ పేజీలోని 'న్యూ రిజిస్ట్రేషన్' బటన్ పై క్లిక్ చేయాలి.
• ఆ తరువాత, రిజిస్ట్రేషన్ క్రెడెన్షియల్స్ ఉపయోగించి లాగిన్ అవ్వాలి.
• కొత్త విండో ఓపెన్ అవుతుంది.
• అందులో కనిపించే అప్లికేషన్ ఫామ్ ను నింపండి.
• అవసరమైన డాక్యుమెంట్లను అప్లోడ్ చేయండి.
• అప్లికేషన్ ఫామ్ ను సబ్మిట్ చేయండి.
• సబ్మిట్ చేసిన అప్లికేషన్ ఫామ్ ను డౌన్ లోడ్ చేసుకుని, భవిష్యత్ అవసరాల కోసం ప్రింటౌట్ తీసుకోండి.