Southwest Monsoon 2024: గుడ్​ న్యూస్​.. ఇంకొన్ని రోజుల్లో దేశాన్ని తాకనున్న నైరుతి రుతుపవనాలు!-southest monsoon 2024 to enter south andaman sea nicobar on may 19 ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Southwest Monsoon 2024: గుడ్​ న్యూస్​.. ఇంకొన్ని రోజుల్లో దేశాన్ని తాకనున్న నైరుతి రుతుపవనాలు!

Southwest Monsoon 2024: గుడ్​ న్యూస్​.. ఇంకొన్ని రోజుల్లో దేశాన్ని తాకనున్న నైరుతి రుతుపవనాలు!

Sharath Chitturi HT Telugu
May 13, 2024 04:07 PM IST

Southwest Monsoon : దేశ ప్రజలకు ఐఎండీ గుడ్​ న్యూస్​ ఇచ్చింది! నైరుతి రుతుపవనాలు.. ఇంకొన్ని రోజుల్లో దక్షిణ అండమాన్​ సముద్రం, నికోబార్​ దీవులను తాకనున్నాయి. కేరళను ఎప్పుడు తాకుతాయంటే..

ఇంకొన్ని రోజుల్లో దేశాన్ని తాకనున్న రుతుపవనాలు
ఇంకొన్ని రోజుల్లో దేశాన్ని తాకనున్న రుతుపవనాలు

Southest Monsoon 2024 : ఎండలతో అల్లాడిపోతున్న దేశ ప్రజలకు.. నైరుతి రుతుపవనాల విషయంలో గుడ్​ న్యూస్​ చెప్పింది భారత వాతావరణశాఖ ఐఎండీ. నైరుతి రుతుపవనాలు.. మే 22కు బదులు.. మే 19నే దక్షిణ అండమాన్​ సముద్రం, నికోబార్​ దీవులతో పాటు ఆగ్నేయ బంగాళాఖాతంలోని పలు ప్రాంతాలను తాకుతుందని వెల్లడించింది. ఈ మేరకు.. సోమవారం ఓ ప్రకటన విడుదల చేసింది.

జూన్​ 1న.. కేరళను తాకనున్న నైరుతి రుతుపవనాలు..!

ఈ ఏడాది జూన్​ 1కి అటు ఇటుగా, అంటే ఇంకొన్ని రోజుల్లో నైరుతి రుతుపవనాలు.. కేరళను తాకుతాయని, జులై 15 నాటికి దేశవ్యాప్తంగా వర్షాల ప్రభావం ఉంటుందని ఐఎండీ వెల్లడించింది.

జూన్​- సెప్టెంబర్​ మధ్య వచ్చే వర్షాకాలం.. దేశానికి చాలా ముఖ్యం. గతేడాది.. జూన్​ రెండో వారం వరకు.. నైరుతి రుతుపవనాలు కేరళను తాకలేదు. ఎల్​నీనో ఇందుకు కారణం. కానీ ఇప్పుడు.. జూన్​ 1 నాటికే, అంటే సాధారణ సమయానికే నైరుతి రుతుపవనాలు.. కేరళను తాకుతాయంటుండటం గుడ్​ న్యూస్​!

Southest Monsoon in India : కాగా.. ఈ ఏడాది నైరుతి రుతుపవనాల ప్రభావం సాధారణం కన్నా ఎక్కువ ఉంటుందని ఐఎండీ, గత నెలలో వెల్లడించింది. ఎల్​పీఏ (లాంగ్​ పీరియడ్​ యావరేజ్​)లో 106శాతం వర్షపాతం నమోదయ్యే అవకాశం ఉందని వెల్లడించింది.

ఇక.. నైరుతి రుతుపవనాల కదలికలపై ఎప్పటికప్పుడు అప్డేట్స్​ ఇస్తూనే ఉంటుందని ఐఎండీ. మే నెల చివరిలో వెలువడే అప్డేట్​ చాలా కీలకంగ మారనుంది. దేశవ్యాప్తంగా ఎక్కడెక్కడ వర్షాలు ఎలా ఉంటాయో ఓ క్లారిటీ వస్తుంది.

1971-2020 వరకు ఎల్​పీఏ 87సెంటీమీటర్లుగా ఉంది. గతేడాది రుతుపవనాల ప్రభావం.. సాధారణం కన్నా తక్కువగా నమోదైంది. ఎల్​పీఏలో 94.4శాతమే నమోదు చేసింది.

Southest Monsoon 2024 prediction : మరోవైపు.. రానున్న 5 రోజుల్లో.. మధ్యప్రదేశ్​, విదర్భ, ఛత్తీస్​గఢ్​, మధ్య మహారాష్ట్ర, మారాఠ్వాడాలలో ఈదురుగాలులతో కూడిన వర్షాలు పడతాయని ఐఎండీ పేర్కొంది. ఆయా ప్రాంతంలో కనిపిస్తున్న అల్పపీడణ ద్రోణి ఇందుకు కారణం అని వివరించింది.

Southest Monsoon start date : ఐఎండీ ప్రకారం.. మే 14న మధ్యప్రదేశ్​లో భారీ వర్షాలు కురుస్తాయి. రానున్న 7 రోజుల్లో పశ్చిమ్​ బెంగాల్​లోని హిమాలయ ప్రాంతాలు, సిక్కిం, అండామన్​-నికోబార్​ దీవుల్లో ఉరుములతో కూడిన మోస్తరు వర్షాలు పడొచ్చు. కానీ.. మే 16 నుంచి వాయువ్య భారతంపై వడగాల్పుల ప్రభావం ఉంటుంది. ఉష్ణోగ్రతలు ఎప్పటికప్పుడు పెరుగుతూనే ఉంటాయి. ఆయా ప్రాంతాల్లో ఉన్న ప్రజలు అప్రమత్తంగా ఉండాలి.

IPL_Entry_Point

సంబంధిత కథనం