Mizoram assembly elections : ‘మోదీకి.. మణిపూర్​ కన్నా ఇజ్రాయెల్​పైనే ధ్యాస ఎక్కువ!’

Rahul Gandhi in Mizoram : ప్రధానమంత్రి నరేంద్ర మోదీపై తీవ్రస్థాయిలో ఆరోపణలు చేశారు కాంగ్రెస్​ సీనియర్​ నేత రాహుల్​ గాంధీ. మణిపూర్​ కన్నా.. ఇజ్రాయెల్​ గురించే ప్రధానికి ధ్యాస ఎక్కువ అని మండిపడ్డారు.

ఎన్నికల నేపథ్యంలో రెండు రోజుల మిజోరం పర్యటనలో భాగంగా.. సోమవారం ఉదయం 2.కి.మీల పాదయాత్ర చేపట్టారు రాహుల్​ గాంధీ. అనంతరం ఏర్పాటు చేసిన సభలో ఈ మేరకు వ్యాఖ్యానించారు కాంగ్రెస్​ నేత.

"ఇజ్రాయెల్ (హమాస్​తో యుద్ధం నేపథ్యంలో)​లో ఏం జరుగుతోంది? అన్న విషయంపై ప్రధాని, భారత ప్రభుత్వం చాలా ఆసక్తిగా ఉండటం నాకు ఆశ్చర్యాన్ని కలిగిస్తోంది. మణిపూర్​లో ఏం జరుగుతోందన్న విషయంపై మాత్రం వీరికి ఆసక్తి లేదు. ఇక్కడి ప్రజలు హత్యకు గురైనా, మహిళలపై అత్యాచారాలు జరిగినా, చిన్నారులు ప్రాణాలు కోల్పోయినా.. ప్రభుత్వం పట్టించుకోవడం లేదు," అని మండిపడ్డారు రాహుల్​ గాంధీ.

Rahul Gandhi latest news : "ఇతరుల ఆలోచనలు, మతాలు, భాషల నుంచి నేర్చుకునే గొప్ప దేశం ఇండియా. కానీ బీజేపీ పాలనలో ఈ ఆలోచనలపై దాడి జరుగుతోందని," రాహుల్​ గాంధీ అన్నారు.

"వివిధ సమాజాలు, మతాలు, భాషలపై వారు (బీజేపీ) దాడి చేస్తారు. విద్వేషాన్ని రెచ్చగొడతారు. దేశ నలుమూలల హింసకు పాల్పడతారు. ఇండియా ఆలోచనలకు వీరు వ్యతిరేకంగా ఉన్నారు," అని రాహుల్​ గాంధీ అభిప్రాయపడ్డారు.

ఎన్నికల్లో గెలుపెవరిది..?

ఈశాన్య భారత దేశంలో భాగమైన మిజోరంలో మొత్తం 40 సీట్లు ఉన్నాయి. మ్యాజిక్​ ఫిగర్​ 21. 2018లో జరిగిన ఎన్నికల్లో.. ఇక్కడ ఎన్​డీఏ కూటమి విజయం సాధించింది. మొత్తం 26 స్థానాల్లో గెలిచింది. కాంగ్రెస్​ పార్టీ కేవలం 5 చోట్లే ఖాతా తెరవగలిగింది.

Mizoram election schedule : ఇక ఇప్పుడు.. నవంబర్​ 7న మిజోరం ఎన్నికలు జరగనున్నాయి. డిసెంబర్​ 3న ఫలితాలు వెలువడనున్నాయి.

మిజోరంతో పాటు మరో నాలుగు రాష్ట్రాల్లో కూడా ఎన్నికలు జరగనున్నాయి. అవి తెలంగాణ, మధ్యప్రదేశ్​, రాజస్థాన్​, ఛత్తీస్​గఢ్​. ఆయా రాష్ట్రాల్లో కాంగ్రెస్​ పరిస్థితి ఏంటి? విజయం సాధింస్తుందా? వంటి ప్రశ్నలకు విశ్లేషణాత్మక సమాధానాలు తెలుకునేందుకు ఇక్కడ క్లిక్​ చేయండి.