Delhi crime news : దిల్లీలో దారుణం.. 85ఏళ్ల వృద్ధురాలిపై అత్యాచారం!

Delhi crime news : దిల్లీలో దారుణ ఘటన వెలుగులోకి వచ్చింది. 85ఏళ్ల వృద్ధురాలిపై ఓ వ్యక్తి అత్యాచారానికి పాల్పడ్డాడు. అనంతరం ఆమెను చంపేందుకు విఫలయత్నం చేశాడు.

ఇదీ జరిగింది..

దిల్లీలోని షకూర్​పూర్​ ప్రాంతానికి చెందిన ఓ మురికివాడలో శుక్రవారం తెల్లవారుజామున ఈ ఘటన జరిగింది. బాధితురాలు ఒంటరిగా ఆ స్లమ్​లో జీవిస్తోంది. తెల్లవారుజామున 4 గంటలకు.. 27ఏళ్ల వ్యక్తి, ఆమె ఇంట్లోకి చొరబడ్డాడు. అనంతరం ఆమెను రేప్​ చేశాడు.

ఘటనపై సమాచారం అందుకున్న పోలీసులు వృద్ధురాలిని ఆసుపత్రికి తరలించారు. ఘటనపై కేసు నమోదు చేసుకుని దర్యాప్తును ముమ్మరం చేశారు. ఈ క్రమంలోనే శుక్రవారం సాయంత్రం నాటికి నిందితుడిని పట్టుకున్నారు. అతని పేరు అకాశ్​ అని వివరించారు.

హత్య చేసేందుకు విఫలయత్నం..!

85 year old woman raped in Delhi : దిల్లీలో వృద్ధురాలి రేప్​ ఘటనపై డీసీడబ్ల్యూ (దిల్లీ మహిళా కమిషన్​) తీవ్రస్థాయిలో ఆందోళన వ్యక్తం చేసింది. బాధితురాలిని, నిందితుడు చంపేందుకు సైతం ప్రయత్నించాడని వివరించింది.

"ఒంటరిగా ఉన్న వృద్ధురాలి ఇంట్లోకి చొరబడ్డాడు. రేప్​ చేశాడు. వృద్ధురాలి ముఖాన్ని కొట్టినట్టు, పెదాలను బ్లేడ్​తో కట్​ చేసినట్టు ఆమె మాకు చెప్పింది. గొంతు నులిమి చంపేందుకు ప్రయత్నించాడని వివరించింది. ఆమె శరీరంపై గాయాలు ఉన్నాయి. ఇది హృదయవిదారక ఘటన. మనం అసలు ఎలాంటి సమాజంలో జీవిస్తున్నాము?," డీసీడబ్ల్యూ ప్యానెల్​ పేర్కొంది.

85 year old woman raped : ఈ ఘటనకు సంబంధించి వాయువ్య దిల్లీ డీసీపీకి నోటీసులు ఇచ్చింది దిల్లీ మహిళా కమిషన్​. కేసుకు సంబంధించిన ఎఫ్​ఐఆర్​ కాపీని ఇవ్వాలని స్పష్టం చేసింది. నగరంలో జీవిస్తున్న వృద్ధుల డేటా ఉందా? అని ప్రశ్నించింది. నిందితుడిపై చేపట్టిన చర్యలకు సంబంధించిన నివేదికను ఈ నెల 5లోగా సమర్పించాలని తేల్చిచెప్పింది.

మహిళను నగ్నంగా చేసి.. ఊరేగించి..!

Woman paraded naked : దేశంలో మహిళలపై నేరాలు రోజురోజుకు పెరిగిపోతున్నాయి. ఓ మహిళను తన భర్త నగ్నంగా చేసి, ఊరంతా ఊరేగించిన ఘటన తాజాగా రాజస్థాన్​లో కలకలం సృష్టించింది. ఇందుకు అతని కుటుంబసభ్యులు సాయం చేశారు. పూర్తి వివరాల కోసం ఇక్కడ క్లిక్​ చేయండి.