Tripti Dimri: సౌత్ డెబ్యూ మూవీ ఎన్టీఆర్‌తో చేయాల‌నుంది - యానిమ‌ల్ బ్యూటీ త్రిప్తి డిమ్రి కామెంట్స్ వైరల్
Tripti Dimri: సౌత్ ఎంట్రీపై యానిమ‌ల్ బ్యూటీ త్రిప్తి డిమ్రి ఇంట్రెస్టింగ్ కామెంట్స్ చేసింది. డెబ్యూ మూవీ ఎన్టీఆర్‌తో అయితే బాగుంటుంద‌ని త‌న మ‌న‌సులో మాట‌ను బ‌య‌ట‌పెట్టింది.
Tripti Dimri: ర‌ణ్‌బీర్‌క‌పూర్ హీరోగా సందీప్ రెడ్డి వంగా ద‌ర్శ‌క‌త్వంలో రూపొందిన యానిమ‌ల్ మూవీతో హాట్ బ్యూటీ త్రిప్తి డిమ్రి ఫేమ‌స్ అయ్యింది. జోయాగా బోల్డ్ రోల్‌లో మెరిసింది. యానిమ‌ల్ లోర‌ణ్‌బీర్ క‌పూర్‌తో త్రిప్తి డిమ్రి చేసిన బోల్డ్ సీన్స్ సినిమాకు హైలైట్‌గా నిలిచాయి. యానిమ‌ల్‌తో యూత్ సెన్సేష‌న్‌గా త్రిప్తి డిమ్రి మారిపోయింది. సోష‌ల్ మీడియాలో ఆమెకు భారీగా ఫ్యాన్ ఫాలోయింగ్ పెరిగింది. యానిమ‌ల్ త‌ర్వాత త్రిప్తికి బాలీవుడ్, టాలీవుడ్ నుంచి ఆఫ‌ర్లు క్యూ క‌డుతోన్నాయి.
తాజాగా సౌత్ ఎంట్రీపై త్రిప్తి డిమ్రి ఆస‌క్తిక‌ర కామెంట్స్ చేసింది. ఎన్టీఆర్‌తో సినిమా చేయాల‌నుంద‌ని చెప్పింది. ఓ బాలీవుడ్ మీడియాకు ఇచ్చిన ఇంట‌ర్వ్యూలో మీరు ఒక‌వేళ సౌత్‌లోకి డెబ్యూ ఇవ్వాల్సివ‌స్తే ఏ హీరోతో సినిమా చేస్తార‌ని అడిగిన ప్ర‌శ్న‌కు ఎన్టీఆర్ అని స‌మాధానం ఇచ్చింది త్రిప్తి డిమ్రి. యానిమ‌ల్ బ్యూటీ ఎన్టీఆర్ పేరు చెప్పిన వీడియో సోష‌ల్ మీడియాలో తెగ వైరల్ అవుతోంది. ఎన్టీఆర్ అభిమానులు త్రిప్తి డిమ్రి వీడియోను షేర్ చేస్తున్నారు.
శ్రీదేవి మామ్ సినిమాతో బాలీవుడ్‌లోకి ఎంట్రీ ఇచ్చింది త్రిప్తి డిమ్రి. యానిమ‌ల్ కంటే ముందు లైలా మ‌జ్జు, ఖాలా, బుల్‌బుల్ సినిమాలు చేసింది. మ‌రోవైపు ఎన్టీఆర్ దేవ‌ర మూవీ షూటింగ్‌తో బిజీగా ఉన్నాడు. కొర‌టాల శివ ద‌ర్శ‌క‌త్వం వ‌హిస్తోన్న ఈ సినిమా వ‌చ్చే ఏడాది ఏప్రిల్‌లో రిలీజ్ కానుంది. ఈ సినిమాతో పాటు ప్ర‌శాంత్ నీల్‌లో ఎన్టీఆర్ ఓ సినిమా చేయ‌బోతున్నాడు.
