Leo Telugu Trp: థియేట‌ర్ల‌లో బ్లాక్‌బ‌స్ట‌ర్ - బుల్లితెర‌పై డిజాస్ట‌ర్ - ద‌ళ‌ప‌తి విజ‌య్ లియోకు షాకింగ్ టీఆర్‌పీ రేటింగ్

Leo Telugu Trp: బుల్లితెర‌పై ద‌ళ‌ప‌తి విజ‌య్ లియో మూవీ డిజాస్ట‌ర్‌గా నిలిచింది. సంక్రాంతి కానుక‌గా ఇటీవ‌ల జెమిని టీవీలో లియో మూవీ టెలికాస్ట్ అయ్యింది. ఈ వ‌ర‌ల్డ్ టెలివిజ‌న్ ప్రీమియ‌ర్‌కు 3.0 టీఆర్‌పీ రేటింగ్ వ‌చ్చింది. థియేట‌ర్ల‌లో బ్లాక్‌బ‌స్ట‌ర్ హిట్‌గా నిలిచిన ఈ మూవీ బుల్లితెర‌పై మాత్రం డిజాస్ట‌ర్ టాక్ తెచ్చుకున్న‌ది. విజ‌య్ తెలుగు డ‌బ్బింగ్ మూవీస్‌లో లోయెస్ట్ టీఆర్‌పీ రేటింగ్ వ‌చ్చిన మూవీగా లియో నిలిచింది.

విజ‌య్ గ‌త సినిమాలు మెర్స‌ల్ 7.18, వార‌సుడు 4.12 టీఆర్‌పీ రేటింగ్‌ను ద‌క్కించుకున్నాయి. వాటితో పోలిస్తే లియో భారీ వ‌సూళ్ల‌తో క‌మ‌ర్షియ‌ల్‌గా పెద్ద హిట్‌గా నిలిచింది. కానీ బుల్లితెర‌పై మాత్రం రిజ‌ల్ట్ రివ‌ర్స్‌గా వ‌చ్చింది. లియోతో పాటు పండుగ రోజు ఈటీవీలో టెలికాస్ట్ అయిన టాలీవుడ్ మూవీ మ్యాడ్‌కు 4.70 టీఆర్‌పీ రేటింగ్ వ‌చ్చింది. లియో కంటే మ్యాడ్‌కే ఎక్కువ టీఆర్‌పీ రేటింగ్ రావ‌డం ఆస‌క్తిక‌రంగా మారింది.

టాప్ టెన్ సినిమాల్లో ఒక‌టి...

లియో సినిమాకు లోకేష్ క‌న‌గ‌రాజ్ ద‌ర్శ‌క‌త్వం వ‌హించాడు. ద‌స‌రా కానుక‌గా అక్టోబ‌ర్ 18న రిలీజైన ఈ మూవీ కోలీవుడ్‌లో ఇండ‌స్ట్రీ హిట్‌గా నిలిచింది. 600 కోట్ల వ‌సూళ్ల‌ను రాబ‌ట్టింది. 2023లో ఇండియా వైడ్‌గా హ‌య్యెస్ట్ క‌లెక్ష‌న్స్ రాబ‌ట్టిన టాప్ టెన్ సినిమాల్లో లియో ఏడో స్థానంలో నిలిచింది.

తెలుగులో రికార్డ్ క‌లెక్ష‌న్స్‌...

లియో సినిమాను తెలుగులో సితార ఎంట‌ర్‌టైన్‌మెంట్స్ సంస్థ రిలీజ్ చేసింది. తెలుగు వెర్ష‌న్ 48 కోట్ల వ‌ర‌కు గ్రాస్‌, ఇర‌వై ఆరు కోట్ల‌కుపైగా షేర్ క‌లెక్ష‌న్స్‌ను సొంతం చేసుకున్న‌ది. 17 కోట్ల బ్రేక్ ఈవెన్ టార్గెట్‌తో రిలీజైన ఈ మూవీ నిర్మాత‌ల‌కు ప‌ది కోట్ల వ‌ర‌కు లాభాల‌ను తెచ్చిపెట్టింది. వ‌ర‌ల్డ్ వైడ్‌గా 217 కోట్ల బ్రేక్ ఈవెన్ టార్గెట్‌తో రిలీజైన ఈ మూవీ 90 కోట్ల వ‌ర‌కు లాభాల‌ను మిగిల్చింది. త‌మిళ వెర్ష‌న్ ఒక్క‌టే 250 కోట్లకుపైగా వ‌సూళ్ల‌ను సాధించింది.

లోకేష్ సినిమాటిక్ యూనివ‌ర్స్‌...

లోకేష్ సినిమాటిక్ యూనివ‌ర్స్‌లో భాగంగా లియో మూవీని లోకేష్ క‌న‌గ‌రాజ్ తెర‌కెక్కించాడు. ఇందులో పార్తిబ‌న్‌, లియోదాస్‌గా డ్యూయ‌ల్ షేడ్ క్యారెక్ట‌ర్‌లో విజ‌య్ యాక్టింగ్‌కు ప్ర‌శంస‌లు వ‌చ్చాయి. విజ‌య్ హీరోయిజం, ఎలివేష‌న్స్‌తో పాటు యాక్ష‌న్ సీక్వెన్స్ ఫ్యాన్స్‌ను మెప్పించాయి. లియోలో సంజ‌య్‌ద‌త్‌, అర్జున్ కీల‌క పాత్ర‌లు పోషించారు. త్రిష హీరోయిన్‌గా న‌టించింది. లియో సినిమాకు అనిరుధ్ మ్యూజిక్ అందించాడు.

మాస్ట‌ర్ త‌ర్వాత విజ‌య్‌, లోకేష్ క‌న‌గ‌రాజ్ కాంబినేష‌న్‌లో లియో మూవీ రూపొందింది. లియో త‌ర్వాత వెంక‌ట్ ప్ర‌భు ద‌ర్శ‌క‌త్వంలో ది గ్రేటెస్ట్ ఆఫ్ ఆల్ టైమ్ అనే మూవీ చేస్తున్నాడు విజ‌య్‌. ఇందులో విజ‌య్ డ్యూయ‌ల్ రోల్‌లో క‌నిపించ‌బోతున్నాడు. అలాగే కార్తిక్ సుబ్బ‌రాజుతో ఓ మూవీకి విజ‌య్ గ్రీన్‌సిగ్న‌ల్ ఇచ్చాడు. మ‌రోవైపు లియో త‌ర్వాత త‌లైవ‌ర్ ర‌జ‌నీకాంత్‌తో లోకేష్ క‌న‌క‌రాజ్ మూవీ చేయ‌బోతున్నాడు. త్వ‌ర‌లో ర‌జ‌నీకాంత్‌, లోకేష్ క‌న‌గ‌రాజ్ మూవీ రెగ్యుల‌ర్ షూటింగ్ త్వ‌ర‌లో ప్రారంభం కానుంది.