Sunitha Boya Bunny Vasu: గీతా ఆర్ట్స్ ముందు న‌గ్నంగా ధ‌ర్నా చేసిన జూనియ‌ర్ ఆర్టిస్ట్ సునీత బోయ‌

Sunitha Boya : జూనియ‌ర్ ఆర్టిస్ట్ సునీత బోయ టాలీవుడ్ నిర్మాత బ‌న్నీవాస్‌పై మ‌రోసారి తీవ్ర ఆరోప‌ణ‌లు చేసింది. గురువారం రాత్రి గీతా ఆర్ట్స్ ఆఫీస్ ముందు న‌గ్నంగా ధ‌ర్నా చేసింది. పోలీసులు ఆమెకు స‌ర్ధి చెప్పి పంపించిన‌ట్లు స‌మాచారం. సినిమాల్లో అవ‌కాశాలు ఇస్తాన‌ని చెప్పి త‌న‌ను బన్నీ మోసం చేశాడ‌ని, శారీరకంగా వాడుకున్నాడని చాలా కాలంగా సునీత బోయ ఆరోప‌ణ‌లు చేస్తోంది.

గ‌తంలో ప‌లుమార్లు గీతా ఆర్ట్స్ ఆఫీస్‌తో పాటు ఛాంబ‌ర్ వ‌ద్ద ధ‌ర్నాకు దిగింది. బ‌న్నీవాస్‌పై సునీత బోయ కేసు పెట్టినా స‌రైన సాక్ష్యాలు లేక‌పోవ‌డంతో కోర్టు ఈ కేసును కొట్టివేసింది. అంతేకాకుండా సునీత మెంట్ కండీష‌న్ బాగాలేద‌ని తీర్పు ఇచ్చిన కోర్టు కొన్నాళ్లు ఆమెను మాన‌సిక వైద్యుల‌ సంర‌క్ష‌ణ‌లో ఉంచాల‌ని తీర్పు ఇచ్చింది. కోర్టు తీర్పు త‌ర్వాత చాలా రోజుల పాటు సైలెంట్‌గా ఉన్న సునీత బోయ మ‌రోసారి గీతా ఆర్ట్స్ ఆఫీస్ ముందు ధ‌ర్నా చేయ‌డం చ‌ర్చ‌నీయాంశంగా మారింది.

బ‌న్నీవాస్ ఇప్ప‌టికీ త‌న‌పై వేధింపుల‌కు పాల్ప‌డుతున్నాడ‌ని ఆమె అన్న‌ది. అత‌డి వేధింపులు, దాడుల కార‌ణంగా త‌న ఆరోగ్య ప‌రిస్థితి క్షీణించిన‌ట్లు, న‌రాల‌న్నీ బ‌ల‌హీనంగా మారిపోయిన‌ట్లు పేర్కొన్న‌ది. త‌న‌ను చంప‌డానికి బ‌న్నీవాసు నాలుగు సార్లు ప్ర‌య‌త్నించిన‌ట్లు ఆరోపించింది. చాలా స‌మ‌యం వ‌ర‌కు గీతా ఆర్ట్స్ ముందు ధ‌ర్నా చేసిన సునీత బోయ‌ పోలీసులు స‌ర్ధి చెప్ప‌డంతో అక్క‌డి నుంచి వెళ్లిపోయిన‌ట్లు తెలిసింది.