Writer Padmabhushan Release date: రైటర్‌ పద్మభూషణ్‌గా సుహాస్.. రిలీజ్‌కు ముహూర్తం ఫిక్స్

Writer Padmabhushan Release date: కలర్ ఫొటో సినిమాతో అద్భుత విజయాన్ని సొంతం చేసుకున్నాడు యాక్టర్ సుహాస్. నటుడిగా తన పర్ఫార్మెన్స్‌లో ఎలాంటి రాజీ పడకుండా మంచి గుర్తింపు తెచ్చుకున్నాడు. కలర్ ఫొటో సక్సెస్ తర్వాత అతడు నటిస్తున్న సోలో హీరో చిత్రం 'రైటర్ పద్మభూషణ్'. ఇప్పటికే ఈ సినిమా నుంచి కన్నుల్లో నీ రూపమే అనే సాంగ్ విడుదలైంది. ఈ పాటకు ప్రేక్షకుల నుంచి మంచి రెస్పాన్స్ వచ్చింది. తాజాగా ఈ చిత్రం నుంచి సరికొత్త అప్డేట్ ఇచ్చింది చిత్రబృందం. ఈ సినిమా విడుదల తేదీని ప్రకటించింది.

సుహాస్ నటించిన కలర్ ఫొటో చిత్రాన్ని ఫిబ్రవరి 3న ప్రపంచ వ్యాప్తంగా ప్రేక్షకుల ముందుకు తీసుకొచ్చేందుకు చిత్రబృందం సన్నాహాలు చేస్తోంది. ఇందుకు సంబంధించిన పోస్టర్‌ను విడుదల చేసింది.ఈ పోస్టర్‌లో సుహాస్ విజయవాడ ప్రకాశం బ్యారెజ్ వద్ద నిలుచుని నవ్వుతూ ఫోజిస్తాడు.

సుహాస్ ట్విటర్ వేదికగా సినిమా విడుదల తేదీని తెలియజేశాడు. “అమ్మ చెప్పని చందమామ కథ” అంటూ ఫొటోను షేర్ చేశాడు. ఈ సినిమాలో ఆశిశ్ విద్యార్థి, రోహిణి తదితరులు కీలక పాత్రలు పోషించారు. ప్రపంచ వ్యాప్తంగా ఈ సినిమా ఫిబ్రవరి 3న ప్రేక్షకుల ముందుకు రానుంది.

ఈ చిత్రంలో సుహాస్ సరసన టీనా శిల్పరాజ్ హీరోయిన్‌గా చేస్తోంది. ఫ్యామిలీ ఎంటర్‌టైనర్‌గా రానున్న ఈ చిత్రానికి షణ్ముఖ ప్రశాంత్ దర్శకత్వం వహిస్తున్నాడు. విజయవాడ నేపథ్యంలో ఈ సినిమా సాగుతున్నట్లు తెలుస్తోంది. చాయ్ బిస్కెట్ ఫిల్మ్స్, లహరి ఫిల్మ్స్ బ్యానర్‌లో ఈ సినిమా రుపొందుతోంది.