Sharukh Khan | వావ్‌.. కింగ్‌ ఖాన్ ఇంత ఫిట్‌గా ఉన్నాడేంటి.. డంకీ సెట్స్ పిక్ వైరల్
బాలీవుడ్ బాద్‌షా షారుక్‌ఖాన్‌కు చెందిన లేటెస్ట్‌ పిక్ ఒకటి ఇప్పుడు వైరల్‌గా మారింది. ఆ ఫొటో చూసి చాలా మంది నెటిజన్లు ఆశ్చర్యపోతున్నారు.
బాలీవుడ్‌లో మరో క్రేజీ కాంబినేషన్‌లో వస్తున్న మూవీ డంకీ. తొలిసారి డైరెక్టర్‌ రాజ్‌కుమార్‌ హిరానీతో సూపర్‌ స్టార్‌ షారుక్ ఖాన్ చేస్తున్న మూవీ ఇది. ఈ మధ్యే ఓ వీడియో ద్వారా తాము తొలిసారి కలిసి పని చేయబోతున్నట్లు హిరానీ, షారుక్ ప్రకటించిన విషయం తెలిసిందే. ఆ వీడియో వైరల్‌గా మారింది. కాస్త ఫన్నీగా, ఫ్యాన్స్‌ను ఆకర్షించేలా ఈ మూవీని అనౌన్స్‌ చేశారు.
తాజాగా ఇదే మూవీకి సంబంధించిన మరో ఫొటో కూడా వైరల్ అవుతోంది. ఈ ఫొటో డంకీ మూవీ సెట్స్‌లోనిది. ఇందులో షారుక్, హిరానీతోపాటు కొంతమంది ఇతర వ్యక్తులు కూడా ఉన్నారు. అయితే ఈ ఫొటోలో షారుక్ లుక్‌ చూసి ఫ్యాన్స్ ఆశ్చర్యపోతున్నారు. పూర్తి బ్లాక్‌ డ్రెస్‌లో కనిపించిన కింగ్‌ ఖాన్ చాలా ఫిట్‌గా కనిపించాడు. షారుక్ ఖాన్ వారియర్స్‌ ఫ్యాన్‌ క్లబ్‌ ఈ ఫొటోను ట్వీట్‌ చేసింది.
ఆ వెంటనే ఇది వైరల్‌గా మారింది. ఎప్పుడో 18 ఏళ్ల కిందట వచ్చిన వీర్‌జారా మూవీలో ఎలా ఉన్నాడో ఇప్పుడూ అలాగే ఉన్నాడంటూ కొంతమంది ఫ్యాన్స్ కామెంట్‌ చేశారు. ఇక ఇప్పటికే ఆమిర్‌ఖాన్‌, సంజయ్‌ దత్‌, రణ్‌బీర్‌ కపూర్‌లాంటి వాళ్లతో హిట్‌ మూవీస్‌ చేసిన రాజ్‌కుమార్‌ హిరానీతో షారుక్ తొలిసారి సినిమా చేస్తుండటం ఫ్యాన్స్‌ను తెగ ఆనందానికి గురి చేస్తోంది.
గత నెలలోనే డంకీ మూవీ షూటింగ్‌ మొదలైంది. ఈ సినిమాలో షారుక్ సరసన తాప్సీ పన్ను నటిస్తోంది. తాను ఎప్పటి నుంచో షారుక్‌తో కలిసి సినిమా చేయాలని అనుకుంటున్నానని, ఇప్పుడా అవకాశం వచ్చిందని హిరానీ చెప్పాడు. ఈ సినిమా వచ్చే ఏడాది రిలీజ్‌ కానుంది. ఇది కాకుండా పఠాన్‌, అట్లీలాంటి సినిమాల్లోనూ షారుక్ నటిస్తున్నాడు.
టాపిక్