Sanjay Dutt Role in Prabhas Movie: ప్ర‌భాస్ - మారుతి సినిమాలో సంజ‌య్ ద‌త్ - రోల్ ఇదే

Sanjay Dutt Role in Prabhas Movie: ప్ర‌భాస్ , ద‌ర్శ‌కుడు మారుతి కాంబినేష‌న్‌లో రూపొందుతోన్న సినిమాలో బాలీవుడ్ అగ్ర న‌టుడుసంజ‌య్ ద‌త్ కీల‌క పాత్ర‌లో క‌నిపించ‌బోతున్నారు. సూప‌ర్ నాచుర‌ల్ హార‌ర్ క‌థాంశంతో ఈ సినిమా రూపొందుతోంది. ప్ర‌స్తుతం హైద‌రాబాద్‌లో షూటింగ్‌ జ‌రుగుతోంది. ప్ర‌భాస్‌తో పాటు ప్ర‌ధాన తారాగ‌ణంపై కీల‌క స‌న్నివేశాల‌ను చిత్రీక‌రిస్తున్నారు.

ఈ సినిమాలో బాలీవుడ్ న‌టుడు సంజ‌య్ ద‌త్ ముఖ్య పాత్ర‌ను పోషించ‌నున్నాడు. ఈ సినిమాలో ప్ర‌భాస్ తాత‌గా సంజ‌య్‌ద‌త్ క‌నిపించ‌బోతున్న‌ట్లు స‌మాచారం. తాతామ‌న‌వ‌ళ్ల బ్యాక్‌డ్రాప్‌లో సాగే క‌థ ఇద‌ని తెలిసింది. తాత క్యారెక్ట‌ర్‌కు ఇంపార్టెన్స్ ఉండ‌టంతోనే సంజ‌య్‌ద‌త్‌ను ఎంపిక‌చేసిన‌ట్లు చెబుతున్నారు.

తాత‌గా సంజ‌య్ ద‌త్ క్యారెక్ట‌ర్ డిఫ‌రెంట్‌గా ఉండ‌బోతున్న‌ట్లు స‌మాచారం. క్యారెక్ట‌ర్ న‌చ్చ‌డంతో సంజ‌య్ ద‌త్ ఈ సినిమాకు గ్రీన్ సిగ్న‌ల్ ఇచ్చిన‌ట్లు చెబుతున్నారు. ఫిబ్ర‌వ‌రిలో సంజయ్ దత్ ఈ సినిమా షూటింగ్‌లో జాయిన్ కాబోతున్న‌ట్లు చెబుతున్నారు. ప్ర‌భాస్ గ్రాండ్ మ‌ద‌ర్ పాత్ర‌లో జ‌రీనా వ‌హాబ్ క‌నిపించ‌బోతున్న‌ట్లు వార్త‌లు వినిపిస్తున్నాయి.

ఈ సినిమాలో నిధి అగ‌ర్వాల్‌, మాళ‌వికా మోహ‌న‌న్ హీరోయిన్లుగా న‌టించ‌నున్న‌ట్లు స‌మాచారం. పీపుల్స్ మీడియా ఫ్యాక్ట‌రీ ప‌తాకంపై టీజీ విశ్వ‌ప్ర‌సాద్ ఈ సినిమాను నిర్మిస్తున్నారు. కాగా ఈ ఏడాది య‌శ్ హీరోగా ప్ర‌శాంత్ నీల్ కాంబినేష‌న్‌లో రూపొందిన కేజీఎఫ్ -2 సినిమాలో సంజ‌య్‌ద‌త్ విల‌న్‌గా క‌నిపించాడు.

కేజీఎఫ్ -2 త‌ర్వాత తెలుగులో ప్ర‌భాస్ సినిమాను అంగీక‌రించ‌డం ఆస‌క్తిక‌రంగా మారింది. ఈ సినిమాతోనే సంజ‌య్‌ద‌త్ తెలుగులోకి ఎంట్రీ ఇవ్వ‌బోతున్నాడు. గ‌తంలో నాగార్జున చంద్ర‌లేఖ సినిమాలో అతిథి పాత్ర‌లో న‌టించాడు.