Michael OTT Release Date: ఇర‌వై రోజుల్లోనే ఓటీటీలోకి రాబోతున్న‌ సందీప్ కిష‌న్ మైఖేల్‌

Michael OTT Release Date: సందీప్‌కిష‌న్ మైఖేల్ సినిమా ఇర‌వై రోజుల్లోనే ఓటీటీలోకి రాబోతున్న‌ది. ఫిబ్ర‌వ‌రి 24 నుంచి ఆహా ఓటీటీలో ఈ సినిమా స్ట్రీమింగ్ కానుంది. గ్యాంగ్‌స్ట‌ర్ క‌థాంశంతో తెర‌కెక్కిన మైఖేల్ మూవీ ఫిబ్ర‌వ‌రి 3న థియేట‌ర్ల‌లో విడుద‌లైంది. కేవ‌లం ఇర‌వై రోజుల గ్యాప్‌లోనే ఈ సినిమా ఓటీటీలో రిలీజ్ కానుండ‌టం టాలీవుడ్‌లో హాట్‌టాపిక్‌గా మారింది.

రంజిత్‌ జ‌య‌కోడి ద‌ర్శ‌క‌త్వం వ‌హించిన ఈ సినిమాలో త‌మిళ అగ్ర న‌టుడు విజ‌య్ సేతుప‌తి కీల‌క పాత్ర‌లో న‌టించారు. దివ్యాంశ కౌషిక్ హీరోయిన్‌గా న‌టించింది. గ్యాంగ్‌స్ట‌ర్ కావాల‌నే ల‌క్ష్యంతో ముంబాయిలో అడుగుపెట్టిన ఓ యువ‌కుడి క‌థ‌తో మైఖేల్ సినిమా తెర‌కెక్కింది. ప్రేమ కార‌ణంగా మైఖేల్‌ జీవితం ఎలా ప్ర‌మాదంలో ప‌డింది? ఆ పోరాటం నుంచి ప్రియురాలిని అత‌డు ఎలా కాపాడుకున్నాడ‌న్న‌దే ఈ సినిమా క‌థ‌.

కేజీఎఫ్, నాయకుడు స్ఫూర్తితో…

కేజీఎఫ్, నాయ‌కుడుతో పాటు ప‌లు గ్యాంగ్‌స్ట‌ర్ సినిమాల స్ఫూర్తితో మైఖేల్‌ను తెర‌కెక్కించారు. క‌థ‌లో కొత్త‌ద‌నం లేక‌పోవ‌డంతో ఈ సినిమా ప్రేక్ష‌కుల్ని మెప్పించ‌లేక‌పోయింది.

ఇందులో గౌత‌మ్‌మీన‌న్‌, అన‌సూయ భ‌ర‌ద్వాజ్‌, వ‌రుణ్ సందేశ్ ప్ర‌ధాన పాత్ర‌ల్ని పోషించారు. సందీప్‌కిష‌న్ హీరోగా న‌టించిన తొలి పాన్ ఇండియ‌న్ సినిమా ఇది. తెలుగు, త‌మిళ భాష‌ల్లో మోస్తారు క‌లెక్ష‌న్స్ రాబ‌ట్టిన ఈ సినిమా మిగిలిన లాంగ్వేజ్‌ల‌లో డిజాస్ట‌ర్ టాక్‌ను తెచ్చుకున్న‌ది.