Yashoda Streaming On Amazon prime: ఓటీటీలోకి వ‌చ్చేసిన స‌మంత య‌శోద
Yashoda Streaming On Amazon prime: స‌మంత (Samantha) హీరోయిన్‌గా న‌టించిన య‌శోద సినిమా అమెజాన్ ప్రైమ్ ద్వారా ఓటీటీ ప్రేక్ష‌కుల ముందుకొచ్చింది. తెలుగుతో పాటు త‌మిళం, మ‌ల‌యాళం, క‌న్న‌డ హిందీ భాష‌ల్లో శుక్ర‌వారం ఈ సినిమా రిలీజైంది.
Yashoda Streaming On Amazon prime: స‌మంత క‌థానాయిక‌గా న‌టించిన య‌శోద సినిమా ఓటీటీలోకి వ‌చ్చేసింది. శుక్ర‌వారం నుంచి ఈ సినిమా అమెజాన్ ప్రైమ్‌లో స్ట్రీమింగ్ అవుతోంది. 2022లో టాలీవుడ్ లో బిగ్గెస్ట్ హిట్‌ల‌లో ఒక‌టిగా య‌శోద సినిమా నిలిచింది.
స‌రోగ‌సీ బ్యాక్‌డ్రాప్‌లో డిఫ‌రెంట్ క్రైమ్ యాక్ష‌న్ థ్రిల్ల‌ర్‌గా ద‌ర్శ‌క‌ద్వ‌యం హ‌రీ- హ‌రీష్ ఈ సినిమాను తెర‌కెక్కించారు. ఆర్థిక అవ‌స‌రాల కోసం అద్దె గ‌ర్భానికి అంగీక‌రించిన య‌శోద అనే యువ‌తిగా స‌మంత ఈ సినిమాలో న‌టించింది. తాను చేరిన స‌రోగ‌సీ సెంట‌ర్‌లో పెద్ద ఎత్తున క్రైమ్‌జ‌రుగుతోంద‌ని భావించిన య‌శోద ఆ మిస్ట‌రీని ఎలా ఛేదించింద‌న్న‌దే ఈ సినిమా క‌థ.
స‌మంత న‌ట‌న‌తో పాటు క్యారెక్ట‌రైజేష‌న్ థియేట‌ర్ల‌లో ప్రేక్ష‌కుల్ని అల‌రించాయి. న‌వంబ‌ర్ 11న పాన్ ఇండియ‌న్ స్థాయిలో రిలీజైన ఈ సినిమా 37 కోట్ల‌కుపైగా క‌లెక్ష‌న్స్ రాబ‌ట్టి నిర్మాత‌ల‌కు భారీగా లాభాల్ని మిగిల్చింది. థియేట్రిక‌ల్ రిలీజ్‌కు ముందే ఈ సినిమా ఓటీటీ రైట్స్‌ను దాదాపు 24 కోట్ల‌కు అమెజాన్ ప్రైమ్ ద‌క్కించుకున్న‌ట్లు తెలిసింది.
స‌మంత‌కు పాన్ ఇండియ‌న్ స్థాయిలో ఉన్న ఇమేజ్‌ను దృష్టిలో పెట్టుకొని అమెజాన్ ప్రైమ్ భారీ మొత్తాన్ని చెల్లించిన‌ట్లు చెబుతున్నారు. య‌శోద సినిమాకు సీక్వెల్‌ను తెర‌కెక్కించ‌బోతున్న‌ట్లు ఇటీవ‌లే ద‌ర్శ‌క‌ద్వ‌యం హ‌రీ, హ‌రీష్ ప్ర‌క‌టించారు. ఈ సినిమాలో వ‌ర‌ల‌క్ష్మి శ‌ర‌త్‌కుమార్, ఉన్ని ముకుంద‌న్ కీల‌క పాత్ర‌ల్లో న‌టించారు.
