Samantha | ‘శాకుంతలం’ ఫస్ట్ లుక్ రిలీజ్... దేవకన్యలా మెరిసిపోతున్న సమంత

కెరీర్ ఆరంభంలో గ్లామ‌ర్ పాత్ర‌ల‌కు ఎక్కువ‌గా ప్రాధాన్య‌మిచ్చింది స‌మంత‌. గ‌త కొన్నేళ్లుగా సినిమాల ఎంపికలో త‌న స్టైల్ ను మార్చిన ఆమె ప్ర‌యోగాలు, లేడీ ఓరియెంటెడ్ స్టోరీస్ పై దృష్టిపెడుతోంది. తొలిసారి స‌మంత పౌరాణిక క‌థాంశంతో చేసిన చిత్రం ‘శాకుంత‌లం’. మ‌హాభారతంలోని శ‌కుంత‌ల‌, దుష్యంతుల ప్ర‌ణ‌య‌గాథ‌తో ద‌ర్శ‌కుడు గుణ‌శేఖ‌ర్ ఈ సినిమాను తెర‌కెక్కించారు. శ‌కుంత‌ల‌గా స‌మంత  లుక్ ఎలా ఉండ‌బోతుందోన‌ని సినిమా మొదలైనప్పటికీ నుంచి అభిమానులు ఆసక్తిగా ఎదురుచూస్తున్నారు. ఆ స‌స్పెన్స్ కు సోమ‌వారం నాటితో తెర‌ప‌డింది. ‘శాకుంత‌లం’ ఫ‌స్ట్ లుక్ ను విడుద‌ల‌చేశారు. త‌న లుక్ ను ట్విట్ట‌ర్  ద్వారా సోమవారం ఫ్యాన్స్ తో పంచుకొంది సమంత. అడ‌విలో జింక‌లు, నెమళ్ల మ‌ధ్య శ‌కుంత‌ల‌గా స‌మంత క‌నిపిస్తోంది. వైట్ క‌ల‌ర్ సారీలో ఆమె లుక్ కొత్త‌గా ఉంది. ‘అంత్యంత సుకుమార‌మైన‌ది, ప్ర‌కృతిని ఆరాధిస్తుంది ఈ శ‌కుంత‌ల’ అంటూ ఈ పోస్టర్ ను ఉద్దేశించి వ్యాఖ్యానించింది. ఈ ఫ‌స్ట్ లుక్ అభిమానుల‌ను ఆక‌ట్టుకుంటుంది. ఇందులో దుష్య‌తుండిగా మ‌ల‌యాళ న‌టుడు దేవ్ మోహ‌న్ క‌నిపిస్తున్నారు. గుణ‌శేఖ‌ర్ కూతురు నీలిమ గుణ ఈ సినిమాను నిర్మిస్తున్నారు. దిల్ రాజు స‌మ‌ర్ప‌కుడిగా వ్య‌వ‌హ‌రిస్తున్నారు. శకుంతల పాత్ర కోసం సమంత ప్రత్యేకంగా క్లాసికల్ డ్యాన్స్ లో శిక్షణ తీసుకున్నది. ఛాలెంజింగ్ భావించి ఈ సినిమా చేసింది. ఈ ఏడాదిలోనే సినిమా ప్రేక్షకుల ముందుకు రాబోతున్నది. ఈ పౌరాణిక  చిత్రానికి మణిశర్మ సంగీతాన్ని అందిస్తున్నారు. ‘శాకుంతలం’తో పాటు ‘యశోద’ అనే మహిళా ప్రధాన చిత్రంలో సమంత నటిస్తోంది. హరి- హరీష్ దర్శకత్వం వహిస్తున్నఈ సినిమా చిత్రీకరణ ప్రస్తుతం హైదరాబాద్ లో జరుగుతోంది. అలాగే డ్రీమ్ వారియర్ సంస్థలో ఓ ద్విభాషా చిత్రానికి గ్రీన్ సిగ్నల్ ఇచ్చింది. సమంత.