Virupaksha Tv Premiere: బుల్లితెరలోకి విరూపాక్ష - టీవీ ప్రీమియ‌ర్ డేట్ ఇదే

Virupaksha Tv Premiere: థియేట‌ర్ల‌తో పాటు ఓటీటీలోనూ దుమ్మురేపిన విరూపాక్ష మూవీ టీవీలోకి రాబోతున్న‌ది. ఈ సినిమా టీవీ ప్రీమియ‌ర్ డేట్‌ను ఫిక్స్‌చేశారు. జూన్ 25న సాయంత్రం ఆరు గంట‌ల‌కు స్టార్‌మా ఛానెల్‌లో ఈ మూవీ టెలికాస్ట్ కానుంది. ఇదే ఫ‌స్ట్ తెలుగు టీవీ ప్రీమియ‌ర్ కావ‌డం గ‌మ‌నార్హం. ఈ సినిమా తెలుగు, త‌మిళం, మ‌ల‌యాళం, క‌న్న‌డ‌, హిందీ భాష‌ల‌కు సంబంధించిన శాటిలైట్ రైట్స్‌ను స్టార్ గ్రూప్ సొంతం చేసుకున్న‌ది.

ఈ శాటిలైట్ హ‌క్కుల కోసం దాదాపు ప‌దికోట్ల‌కుపైనే స్టార్‌మా వెచ్చించిన‌ట్లు స‌మాచారం. హార‌ర్ థ్రిల్ల‌ర్ క‌థాంశంతో రూపొందిన ఈ సినిమాలో సాయిధ‌ర‌మ్‌తేజ్ సంయుక్త‌మీన‌న్ హీరోహీరోయిన్లుగా న‌టించారు. కార్తీక్ దండు ద‌ర్శ‌క‌త్వం వ‌హించాడు. మోస్తారు అంచ‌నాల‌తో ఏప్రిల్ 21న థియేట‌ర్ల‌లో రిలీజైన ఈ సినిమా వంద కోట్ల‌కుపైగా వ‌సూళ్ల‌ను రాబ‌ట్టి ఈ ఏడాది బిగ్గెస్ట్ బ్లాక్‌బ‌స్ట‌ర్ హిట్‌ల‌లో ఒక‌టిగా నిలిచింది.

సాయిధ‌ర‌మ్‌తేజ్ కెరీర్‌లోనే హ‌య్యెస్ట్ క‌లెక్ష‌న్స్ రాబ‌ట్టిన సినిమాగా రికార్డ్ క్రియేట్ క్రియేట్ చేసింది. ఓటీటీలో నెట్‌ఫ్లిక్స్‌లో రిలీజైన ఈ మూవీ అదిరిపోయే రెస్పాన్స్‌ను ద‌క్కించుకొంది.

విరూపాక్ష కథేమిటంటే...

రుద్ర‌వ‌నం అనే ఊరి బ్యాక్‌డ్రాప్‌లో సాగే సినిమా ఇది. ఆ ఊరిలో జ‌రిగే వ‌రుస హ‌త్య‌ల మిస్ట‌రీని ఓ యువ‌కుడు ఎలా ఛేదించాడ‌న్న‌ది ఈ సినిమా క‌థ‌. ఇందులో నెగెటివ్ షేడ్స్‌తో కూడిన పాత్ర‌లో సంయుక్త‌మీన‌న్ న‌ట‌న‌కు ప్ర‌శంస‌లు ద‌క్కాయి. విరూపాక్ష‌తో దాదాపు రెండేళ్ల విరామం త‌ర్వాత సాయిధ‌ర‌మ్‌తేజ్ టాలీవుడ్‌లోకి రీఎంట్రీ ఇచ్చాడు. బ్ర‌హ్మాజీ, సునీల్‌, రాజీవ్ క‌న‌కాల, శ్యామ‌ల కీల‌క పాత్ర‌లు పోషించారు.