Rashmika Mandanna: అక్కినేని హీరోతో రొమాన్స్ చేయ‌నున్న ర‌ష్మిక‌

ప్ర‌స్తుతం బాలీవుడ్ చిత్రాలతో బిజీగా ఉన్న ర‌ష్మిక మంద‌న్న టాలీవుడ్ లో సినిమాల ఎంపిక‌లో నిదానంగా ఆడుగులు వేస్తోంది. పుష్ప, సీతారామం సక్సెస్ ల త‌ర్వాత తెలుగు కొత్త సినిమాలేవీ అంగీక‌రించ‌లేదు. లాంగ్ గ్యాప్ త‌ర్వాత తెలుగులో ర‌ష్మిక ఓ సినిమాకు గ్రీన్‌సిగ్న‌ల్ ఇచ్చిన‌ట్లు తెలిసింది.

స‌ర్కారువారి పాట సక్సెస్ అనంతరం నాగ‌చైత‌న్య‌తో (Naga Chaitanya)ఓ సినిమా చేయ‌బోతున్నారు ద‌ర్శ‌కుడు ప‌ర‌శురామ్‌(Parasuram). ల‌వ్ ఎంట‌ర్‌టైన‌ర్‌గా రూపొందుతున్న ఈ సినిమాకు నాగేశ్వ‌ర‌రావు అనే వ‌ర్కింగ్ టైటిల్‌ను నిర్ణ‌యించిన‌ట్లు తెలిసింది. ఈ సినిమా స్క్రిప్ట్ వ‌ర్క్ తుదిద‌శ‌కు చేరుకున్న‌ట్లు స‌మాచారం. త్వ‌ర‌లో సెట్స్‌పైకి తీసుకొచ్చేందుకు స‌న్నాహాలు చేస్తున్నారు.

ఈ సినిమాలో నాగ‌చైత‌న్య‌కు జోడీగా ర‌ష్మిక మంద‌న్న హీరోగా న‌టించ‌నున్న‌ట్లు స‌మాచారం. ప‌ర‌శురామ్ తెర‌కెక్కించిన గీతాగోవిందం సినిమాలో ర‌ష్మిక మంద‌న్న హీరోయిన్‌గా న‌టించింది. ఈ సినిమాతోనే ర‌ష్మిక టాలీవుడ్‌లో టాప్‌స్టార్‌గా మారిపోయింది. త‌న‌కు ఫ‌స్ట్ బ్లాక్‌బ‌స్ట‌ర్ హిట్ ఇచ్చిన ద‌ర్శ‌కుడిపై ఉన్న న‌మ్మ‌కంతోనే ర‌ష్మిక మంద‌న్న ఈ సినిమాను అంగీక‌రించిన‌ట్లు స‌మాచారం.

నాగేశ్వ‌ర‌రావుతోనే నాగ‌చైత‌న్య‌తో తొలిసారి జోడీగా ర‌ష్మిక మంద‌న్న న‌టించ‌బోతున్న‌ది. కాగా గుడ్‌బై సినిమాతో ర‌ష్మిక మంద‌న్న బాలీవుడ్‌లో అరంగేట్రం చేస్తోంది. అక్టోబ‌ర్ 7న ఈ సినిమా రిలీజ్‌కానుంది. గుడ్ బై తో పాటుగా హిందీలో మిష‌న మ‌జ్ను, , యానిమ‌ల్ సినిమాలు చేస్తోంది. తెలుగులో పుష్ప‌-2లో ర‌ష్మిక మంద‌న్న హీరోయిన్ గా న‌టిస్తోంది. అల్లు అర్జున్ హీరోగా సుకుమార్ ద‌ర్శ‌క‌త్వంలో రూపొందుతున్న ఈ చిత్రం సెప్టెంబ‌ర్‌లో సెట్స్‌పైకిరానుంది.