Skanda OTT: ప్రముఖ ఓటీటీలో స్కంద విడుదల.. భారీ ధరకు కొనుగోలు.. ఆరోజే స్ట్రీమింగ్
Skanda Movie OTT: ఉస్తాద్ రామ్ పోతినేని తాజాగా ప్రేక్షకుల ముందుకు వచ్చిన సినిమా స్కంద. సెప్టెంబర్ 28న ప్రపంచవ్యాప్తంగా భారీగా విడుదలైన స్కంద మూవీ ఓటీటీ రిలీజ్ డేట్, డిజిటల్ రైట్స్ ఇంట్రెస్టింగ్‍గా మారాయి.
అఖండ తర్వాత మరోసారి హిట్ కొట్టేందుకు బోయపాటి శ్రీను మెగా ఫోన్ పట్టిన చిత్రం స్కంద. ది వారియర్ మూవీతో ప్లాప్ టాక్ తెచ్చుకున్న ఉస్తాద్ రామ్ పోతినేని హీరోగా బోయపాటి కాంబినేషన్‍లో వచ్చిన స్కంద మూవీపై ముందు నుంచి భారీ అంచనాలు నెలకొన్నాయి. హై ఓల్టేజ్ యాక్షన్, ఫ్యామిలీ డ్రామా, లవ్ ట్రాక్ వంటి అంశాలతో బోయపాటి శ్రీను తన మార్క్ తో స్కంద తెరకెక్కించినట్లు ఇదివరకు విడుదలైన ట్రైలర్, సాంగ్స్ చూస్తే అర్థం అవుతోంది.
బోయపాటి మార్క్
స్కంద సినిమాను శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి భారీ బడ్జెట్‍తో నిర్మించారు. స్కంద మూవీకి దాదాపుగా రూ. 50 కోట్ల బడ్జెట్ అయినట్లు సమాచారం. రెండు గంటల 47 నిమిషాల రన్ టైమ్ ఉన్న స్కంద సినిమా ఎట్టకేలకు వరల్డ్ వైడ్‍గా గురువారం (సెప్టెంబర్ 28) తెలుగుతోపాటు తమిళం, హిందీ, కన్నడ, మలయాళం భాషల్లో విడుదలైంది. స్కంద మూవీకి ఇప్పటికి పాజిటివ్ టాక్ అయితే వస్తోంది. బోయపాటి మార్క్ యాక్షన్ ఎంటర్టైనర్ అని చెబుతున్నారు.
భారీ ధర వెచ్చించి
అంతేకాకుండా స్కంద మూవీకి సీక్వెల్‍గా స్కంద 2 కూడా తెరకెక్కించనున్నట్లు వార్తలు వస్తున్నాయి. ఇదిలా ఉంటే స్కంద సినిమా థియేటర్లలో గురువారం రాగా.. అప్పుడే ఓటీటీ రిలీజ్ డేట్ గురించి ఆసక్తిగా చర్చ నడుస్తోంది. స్కంద మూవీ ఓటీటీ రైట్స్ ను ప్రముఖ తెలుగు డిజిటల్ ప్లాట్ ఫామ్ డిస్నీ ప్లస్ హాట్ స్టార్ భారీ ధర వెచ్చించి కొనుగోలు చేసింది. స్కంద సినిమాను 30 నుంచి 45 రోజుల్లో ఓటీటీ స్ట్రీమింగ్ చేసే ఆలోచనలో ఉన్నారట మేకర్స్.
మార్పులు జరిగే ఛాన్స్
అక్టోబర్ చివరి వారంలో లేదా నవంబర్ మొదటి వారంలో స్కంద మూవీ ఓటీటీలో విడుదల కానుంది. అయితే, మూవీ టాక్, కలెక్షన్స్ విషయాలను దృష్టిలో ఉంచుకుని ఓటీటీ స్ట్రీమింగ్ డేట్ మార్చే అవకాశం ఉంది. కాగా స్కంద సినిమాలో ముద్దుగుమ్మలు శ్రీలీల, సాయి మంజ్రేకర్ హీరోయిన్లుగా చేశారు. ఊర్వశీ రౌతెలా ఐటమ్ సాంగ్ చేసింది. ప్రిన్స్ సిసిల్ విలన్ అని టాక్. వీళ్లతోపాటు శ్రీకాంత్, ఇంద్రజ, శరత్ లోహితాశ్వ కీలక పాత్రలు చేశారు.
టాపిక్