RRR MOVIE | త్రీడీలో ‘ఆర్ఆర్ఆర్’ అద్భుతం అంటున్న వీఎఫ్ఎక్స్ డిజైనర్ శ్రీనివాస్ మోహన్

ఎన్టీఆర్, రామ్ చరణ్ హీరోలుగా రాజమౌళి దర్శకత్వంలో రూపొందుతున్న ‘ఆర్ఆర్ఆర్’ సినిమా మరో ఐదు రోజుల్లో ప్రేక్షకుల ముందుకు రాబోతున్నది. ఈ నెల 25న ఈ సినిమా రిలీజ్ కానుంది. పీరియాడికల్ యాక్షన్ ఎంటర్ టైనర్ గా రూపొందుతున్న ఈ భారీ మల్టీస్టారర్ సినిమాపై దేశవ్యాప్తంగా భారీ అంచనాలు నెలకొన్నాయి. తొలితరం స్వాతంత్ర్య సమరయోధులు అల్లూరి సీతారామరాజుగా రామ్ చరణ్, కొమురం భీమ్ గా ఎన్టీఆర్ ఈ సినిమాలో కనిపించబోతున్నారు. పూర్తిగా ఫిక్షనల్ అంశాలతో దర్శకుడు రాజమౌళి ఈ చిత్రాన్ని తెరకెక్కించారు.

ఈ సినిమాను త్రీడీ, ఐమాక్స్ ఫార్మెట్ లలో విడుదలచేయబోతున్నారు. త్రీడీ వెర్షన్ ప్రేక్షకులకు అద్భుతమైన అనుభూతిని పంచుతుందని విఎఫ్ఎక్స్ నిపుణుడు శ్రీనివాస్ మోహన్ తెలిపారు. తన టీమ్ తో కలిసి త్రీడీలో ‘ఆర్ఆర్ఆర్’ సినిమాను శ్రీనివాస్ మోహన్ వీక్షించారు. చెక్‌డ్‌,అమేజ్‌డ్‌,డెలివ‌ర్‌డ్‌ అంటూ మూడు డీ లెటర్స్ వచ్చేలా ట్వీట్ చేశారు. త్రీడీలో నటీనటులు మరింత దగ్గరగా కనిపిస్తారని, వారిని టచ్ చేయడానికి ప్రయత్నం చేయవద్దని శ్రీనివాస్ మోహన్ అన్నారు. త్రీడీలో సినిమాలో టెరిఫిక్ ఎక్స్ పీరియన్స్ ఇస్తుందని ప్రామిస్ చేశారు. ఆయన ట్వీట్ సోషల్ మీడియాలో వైరల్ అవుతోంది. దాదాపు 600 త్రీడీస్ర్కీన్స్  లో ఈ సినిమా విడుదలకాబోతున్నట్లు సమాచారం.

ప్రస్తుతం సినిమా ప్రమోషన్స్ లో రామ్ చరణ్, తారక్, రాజమౌళి బిజీగా ఉన్నారు. రానున్న నాలుగు రోజుల్లో దేశంలోని ఆరు ప్రధాన నగరాల్లో పర్యటించబోతున్నారు. అలియాభట్, శ్రియ, అజయ్ దేవ్ గణ్ ప్రధాన పాత్రల్లో నటిస్తున్నారు.