Raayan Day 3 Collections: భారీ కలెక్షన్లతో దుమ్మురేపిన రాయన్ సినిమా.. ధనుష్ కెరీర్‌లో ఫస్ట్ వీకెండ్ రికార్డ్

తమిళ స్టార్ హీరో ధనుష్ 50వ సినిమా ‘రాయన్’ భారీ కలెక్షన్లతో అదరగొడుతోంది. ఈ చిత్రానికి కథతో పాటు దర్శకత్వం కూడా ధనుషే చేశారు. రివేంజ్ యాక్షన్ థ్రిల్లర్‌గా ఈ చిత్రాన్ని ధనుష్ తెరకెక్కించారు. మరోసారి తన రస్టిక్ యాక్టింగ్ పర్ఫార్మెన్స్‌తో మెప్పించారు. రాయన్‍తో నటుడి, దర్శకుడిగా మెప్పించారు. గత శుక్రవారం (జూలై 26) థియేటర్లలో రిలీజైన ఈ మూవీ బాక్సాఫీస్ వద్ద భారీ కలెక్షన్లను దక్కించుకుంది. తొలి వీకెండ్ (మూడు రోజులు) దుమ్మురేపింది.

మూడు రోజుల కలెక్షన్లు ఇవే

రాయన్ సినిమా ప్రపంచవ్యాప్తంగా మూడు రోజుల్లో రూ.75.42 కోట్ల గ్రాస్ కలెక్షన్లను సాధించింది. దీంతో ఫస్ట్ వీకెండ్ ఈ చిత్రం సూపర్ సక్సెస్ అయింది. ధనుష్ కెరీర్లో ఇదే బెగ్గెస్ట్ ఫస్ట్ వీకెండ్‍గా ఉంది. రాయన్ చిత్రం రూ.100 కోట్లను దాటే అవకాశాలు పుష్కలంగా కనిపిస్తున్నాయి.

ధనుష్ గత మూవీ కెప్టెన్ మిల్లర్ లైఫ్ ఫస్ట్ వీకెండ్ వసూళ్లను రాయన్ భారీ తేడాతో దాటేసింది. ధనుష్‍కు ఈ మూవీ హయ్యెస్ట్ కలెక్షన్స్ మూవీగా నిలిచే అవకాశం స్పష్టంగా కనిపిస్తోంది. రాయన్ మూవీ తమిళంతో పాటు తెలుగులోనూ రిలీజ్ అయింది.

తెలుగులోనూ మంచి వసూళ్లు

రాయన్ చిత్రానికి తమిళనాడులో భారీ వసూళ్లు రాగా.. తెలుగులోనూ మంచి పర్ఫార్మెన్స్ చేస్తోంది. తమిళనాడులోనే తొలి మూడు రోజుల్లో ఈ మూవీకి రూ.33 కోట్ల కలెక్షన్లు రాగా.. విదేశాల్లో రూ.21కోట్లు వచ్చినట్టు అంచనా. తెలుగు రాష్ట్రాల్లో సుమారు రూ.8కోట్లు దక్కాయని తెలుస్తోంది.

రాయన్ సినిమాలో ధనుష్‍తో పాటు టాలీవుడ్ హీరో సందీప్ కిషన్, కాళి దాసు జయరాం మెయిన్ రోల్స్ చేశారు. ఎస్‍జే సూర్య, దసరా విజయన్, అపర్ణా బాలమురళి, శరవణన్, సెల్వరాఘవన్, ప్రకాశ్ రాజ్, దిలీపన్ కీలకపాత్రలు పోషించారు.

రాయన్ చిత్రంలో ధనుష్ మరోసారి తన మార్క్ యాక్షన్‍తో అదరగొట్టారు. రస్టిక్ లుక్‍లో యాక్షన్ సీక్వెన్సుల్లో దుమ్మురేపారు. నటుడిగానూ.. దర్శకుడిగానూ ఈ మూవీతో మెప్పించారు ధనుష్. తన 50వ చిత్రాన్ని మరింత స్పెషల్ చేసుకున్నారు. ఆస్కార్ విన్నర్ ఏఆర్ రహమాన్ అందించిన బ్యాక్‍గ్రౌండ్ మ్యూజిక్ ఈ సినిమాకు పెద్ద ప్లస్ అయింది.

రాయన్ చిత్రాన్ని సన్ పిక్చర్స్ పతాకంపై కళానిధి మారన్ నిర్మించారు. సుమారు రూ.90బడ్జెట్‍తో ఈ చిత్రాన్ని రూపొందించినట్టు తెలుస్తోంది. ఈ మూవీ కమర్షియల్‍గా బ్లాక్‍బస్టర్ అయ్యే అవకాశాలు స్పష్టంగా కనిపిస్తున్నాయి.

రాయన్ మూవీ స్టోరీలైన్

చిన్నతనంలో తల్లిదండ్రులను కోల్పోయే రాయన్ (ధనుష్), అతడి తమ్ముళ్లు ముత్తువేలరాయన్ (సందీప్ కిషన్), మాణిక్యరాయన్ (కాళిదాస్) జయరాం అనుకోని పరిస్థితుల్లో గొడవల్లోకి దిగాల్సి వస్తుంది. వారితో పాటు చెల్లి (దసరా విజయన్) కూడా ఉంటారు. లోకల్ గ్యాంగ్‍స్టర్ దురై (శవరణన్)తో ముత్తు గొడవ పడతారు. ఆ తర్వాత సవాళ్లు అధికమవుతాయి. మరో గ్యాంగ్‍స్టర్ సేతురామ్ (ఎస్‍జే సూర్య) కూడా రాయన్‍ను చంపాలని ప్రయత్నిస్తాడు. ఆ గ్యాంగ్‍స్టర్లతో రాయన్‍కు గొడవలు ఎలా తీవ్రమయ్యాయి? దానికి నిజమైన కారణాలేంటి? రాయన్ కుటుంబం వారిని ఎలా ఎదుర్కొందనే విషయాల చుట్టూ రాయన్ సినిమా సాగుతుంది.