Telugu Serial: బుల్లితెర మెగాస్టార్ ప్రభాకర్ కొత్త సీరియల్ టైటిల్ ఇదే - ఏ ఛానెల్‌లో టెలికాస్ట్ అంటే?

Telugu Serial: ఇల్లు ఇల్లాలు పిల్ల‌లు త‌ర్వాత బుల్లితెర మెగాస్టార్ ప్ర‌భాక‌ర్ మ‌రో కొత్త సీరియ‌ల్‌తో త్వ‌ర‌లో తెలుగు ప్రేక్ష‌కుల‌ను ప‌ల‌క‌రించ‌బోతున్నాడు. ఈ సీరియ‌ల్ టైటిల్‌తో పాటు ప్ర‌ధాన పాత్ర‌ధారులు ఎవ‌ర‌న్న‌ది రివీలైంది. తండ్రీకూతుళ్ల అనుబంధం నేప‌థ్యంలో తెర‌కెక్కుతోన్న ఈ సీరియ‌ల్‌కు చామంతి అనే పేరును ఖ‌రారు చేశారు. త్వ‌ర‌లో జీ తెలుగు ఛానెల్‌లో ఈ సీరియ‌ల్ టెలికాస్ట్ కాబోతోంది.

చామంతి సీరియ‌ల్‌లో ప్ర‌భాక‌ర్‌తో పాటు మేఘ‌నా లోకేష్, ఐశ్వ‌ర్య వ‌ర్మ‌, భార్గవ రామ్ కీల‌క పాత్ర‌ల్లో క‌నిపించ‌బోతున్నారు.

మ‌ట్టి క‌థ‌...

చామంతి సీరియ‌ల్ ప్రోమోను సోష‌ల్ మీడియా ద్వారా ప్ర‌భాక‌ర్ అభిమానుల‌తో పంచుకున్నారు. ఒక మ‌ట్టి క‌థ మీ మ‌న‌సులో విర‌బూయ‌బోతుంది అని పోస్ట్ పెట్టారు. ఈ ప్రోమోలో ప‌నోళ్లు కుట్టిన‌వి, నోటితో ముట్టిన‌వి...గుండెల‌పై వేసుకునే కోటు అయినా...గుండెల్లో నిండిన జ్ఞాప‌క‌మైనా కాలిపోవాల్సిందే అంటూ ఓ గొప్పింటి మ‌హిళ ఇచ్చే వార్నింగ్‌తో ప్రోమో ప్రారంభ‌మైంది.

మ‌ట్టి మ‌నుషులు...బ‌ట్టి బ్ర‌తుకులు...అందుకే నాకు మ‌ట్టి అంటే గిట్ట‌దు అని ఆమె చెప్ప‌డం ఆస‌క్తిని పంచుతుంది. ఆ గొప్పింటి లోకి ప‌ల్లెటూరి అమ్మాయి అడుగుపెట్టిన‌ట్లుగా ప్రోమోలో చూపించారు. ఆ త‌ర్వాత వేల కోట్ల వార‌సురాలు...ఈ ఇంటికి కాబోయే పెద్ద కోడ‌లు రాబోతుంది అని ఇంటి యాజ‌మాని చెప్ప‌డం...ఆ త‌ర్వాత కారు దిగిన అమ్మాయిని...ప‌ల్లెటూరి యువ‌తి..అక్క అని పిల‌వ‌డంతో చిన్న స‌స్పెన్స్‌తో సీరియ‌ల్ ప్రోమోను ఎండ్ చేశారు.

అక్క భ‌విష్య‌త్తు కోసం అబ‌ద్ధాన్ని నిజం చేస్తుందా...లేదంటే అస‌లు నిజాన్ని బ‌య‌ట‌పెడుతుందా అంటూ ప్రోమో చివ‌ర‌లో వాయిస్ ఓవ‌ర్ వినిపించింది.

జ‌యంత్ రాఘ‌వ‌న్‌...

చామంతి సీరియ‌ల్‌కు జ‌యంత్ రాఘ‌వ‌న్ ద‌ర్శ‌క‌త్వం వ‌హిస్తోన్నాడు. సంతోష్ షాన‌మోని సినిమాటోగ్రాఫ‌ర్‌గా ప‌నిచేస్తున్నాడు. డిసెంబ‌ర్‌లోనే నెల‌లోనే ఈ సీరియ‌ల్ టెలికాస్ట్ ప్రారంభం కాబోతున్న‌ట్లు స‌మాచారం. త్వ‌ర‌లోనే లాంఛింగ్ డేట్‌ను జీ తెలుగు అనౌన్స్‌చేయ‌నుంది.

ప్ర‌భాక‌ర్ లీడ్ రోల్‌లో ఇటీవ‌ల ప్రారంభ‌మైన ఇల్లు ఇల్లాలు పిల్ల‌లు సీరియ‌ల్ ఫ‌స్ట్ వీక్‌లోనే అద‌ర‌గొట్టింది. లాంఛింగ్ వీక్‌లో 12.21 రేటింగ్‌ను సొంతం చేసుకున్న‌ది. స్టార్ మా సీరియ‌ల్ టీఆర్‌పీ రేటింగ్‌లో టాప్ 2 ప్లేస్‌లో నిలిచింది.

నాలుగో సీరియ‌ల్‌...

జీ తెలుగులో మేఘ‌న లోకేష్ చేస్తోన్న నాలుగో సీరియ‌ల్ ఇది. మేఘ‌న లోకేష్ ప్ర‌ధాన పాత్ర‌లో న‌టించిన ర‌క్త సంబంధం, క‌ళ్యాణం క‌మ‌నీయం ప్ర‌స్తుతం జీ తెలుగులో టెలికాస్ట్ అవుతోన్నాయి. క‌ళ్యాణ వైభోగ‌మే పేరుతో గ‌తంలో ఓ సీరియ‌ల్ చేసింది. స్టార్ మాలో టెలికాస్ట్ అయిన శ‌శిరేఖ ప‌రిణ‌యంలో లీడ్‌లో రోల్‌లో క‌నిపించింది. ఇది మా ప్రేమ‌క‌థ పేరుతో హీరోయిన్‌గా తెలుగులో ఓ సినిమా చేసింది. ఈ మూవీలో యాంక‌ర్ ర‌వి హీరోగా న‌టించాడు.