Suvarna Sundari Release Date: పూర్ణ సూప‌ర్ నాచుర‌ల్ థ్రిల్ల‌ర్‌ సువ‌ర్ణ సుంద‌రి రిలీజ్ డేట్ ఫిక్స్

Suvarna Sundari Release Date:ప్ర‌స్తుతం తెలుగు, త‌మిళ భాష‌ల్లో డిఫ‌రెంట్ రోల్స్ చేస్తూ బిజీగా ఉంది న‌టి పూర్ణ‌. ఆమె క‌థానాయిక‌గా న‌టించిన తాజా సినిమా సువ‌ర్ణ సుంద‌రి ఫిబ్ర‌వ‌రి 3న ప్రేక్ష‌కుల ముందుకు రాబోతున్న‌ది. సూప‌ర్ నాచుర‌ల్ థ్రిల్ల‌ర్‌గా తెర‌కెక్కిన ఈ సినిమాలో సీనియ‌ర్ న‌టి జ‌య‌ప్ర‌ద కీల‌క పాత్ర‌ను పోషించింది.

సాక్షి చౌద‌రి మ‌రో హీరోయిన్‌గా న‌టించింది. ఈ సినిమాకు సురేంద్ర మాదార‌పు ద‌ర్శ‌క‌త్వం వ‌హించాడు. 2019లోనే ఈ సినిమా షూటింగ్ పూర్త‌యింది. క‌రోనా కార‌ణంగా చాలా రోజుల పాటు వాయిదా ప‌డిన ఈ సినిమాను ఫిబ్ర‌వ‌రి 3న రిలీజ్ చేయ‌నున్న‌ట్లు డైరెక్ట‌ర్ పేర్కొన్నాడు.

బింబిసార‌, కార్తికేయ -2 త‌ర‌హాలో సోషియా ఫాంట‌సీ జాన‌ర్‌లో రూపొందిన సువ‌ర్ణ సుంద‌రి త‌ప్ప‌కుండా తెలుగు ప్రేక్ష‌కుల్ని మెప్పిస్తుంద‌నే న‌మ్మ‌క‌ముంద‌ని డైరెక్ట‌ర్ పేర్కొన్నాడు. సువ‌ర్ణ సుంద‌రి సినిమాలో సాయికుమార్‌, కోట శ్రీనివాస‌రావు ప్ర‌ధాన పాత్ర‌ల్లో క‌నిపించ‌బోతున్నారు.

ఈ సినిమాకు సాయికార్తిక్ సంగీతాన్ని అందించాడు. కాగా తెలుగులో సీమ‌ట‌పాకాయ్‌, అవును, ల‌డ్డుబాబుతో పాటు ప‌లు సినిమాల్లో హీరోయిన్‌గా న‌టించింది పూర్ణ‌. ఆ త‌ర్వాత క్యారెక్ట‌ర్ ఆర్టిస్ట్‌గా సెకండ్ ఇన్నింగ్‌ను ప్రారంభించిన ఆమె అఖండ‌, దృశ్యం-2 సినిమాల‌తో మంచి గుర్తింపును సొంతం చేసుకున్న‌ది. ప్ర‌స్తుతం నాని ద‌స‌రా సినిమాలో పూర్ణ కీల‌క పాత్ర చేస్తోంది.