Pawan Kalayan Watched Waltair Veerayya song: అన్న బాస్‌ పాట చూసి మురిసిపోయిన పవన్‌ కల్యాణ్‌.. ఫొటో వైరల్

Pawan Kalayan Watched Waltair Veerayya song: మెగాస్టార్‌ చిరంజీవి ఫ్యాన్స్‌కు పండగలాంటి వార్త మంగళవారం (నవంబర్‌ 22) ఉదయమే వచ్చిన సంగతి తెలుసు కదా. చిరు నెక్ట్స్‌ మూవీ వాల్తేర్‌ వీరయ్య మూవీ నుంచి బాస్‌ పార్టీ సాంగ్‌ ప్రోమోను మేకర్స్‌ రిలీజ్‌ చేశారు. ఈ పాట బుధవారం (నవంబర్‌ 23) సాయంత్రం 4.05 గంటలకు రిలీజ్‌ చేయనున్నట్లు అనౌన్స్‌ చేశారు.

అయితే ఈ ఫస్ట్‌ సింగిల్‌ను ఇప్పటికే చిరు తమ్ముడు, పవర్‌ స్టార్‌ పవన్‌ కల్యాణ్‌ చూసేశాడు. దీనికి సంబంధించిన ఫొటో ఇప్పుడు వైరల్‌ అవుతోంది. ప్రోమో చూస్తుంటేనే పక్కా మాస్‌ నంబర్‌గా కనిపిస్తోంది. దీనికి దేవిశ్రీప్రసాద్‌ వాయిస్‌, మ్యూజిక్ అందరితో స్టెప్పులేయించేలా ఉంది. అందుకేనేమో ఈ పాటను పవన్‌ ఆసక్తిగా చూస్తుంటే అతన్ని చూసి అన్న చిరంజీవి నవ్వుతూ కనిపించాడు.

ఈ ఫొటోలు సోషల్‌ మీడియాలో వైరల్‌ అయ్యాయి. ఉదయం నుంచి ఈ పాట ప్రోమో సంచలనాలు సృష్టిస్తుంటే.. సాయంత్రానికి పవన్‌ ఈ పాటను చూస్తున్న ఫొటో వైరల్‌ అయింది. ఇంతకుమించిన ఫొటో మెగాభిమానులకు ఇంకేముంటుంది. ప్రోమోలో మొదట దేవీ శ్రీ ప్రసాద్‌ మాస్‌ లిరిక్స్‌ను పాడుతూ కనిపించగా.. చిరంజీవి మెల్లగా లుంగీ పైకి ఎత్తుతూ ఫీల్డ్‌లోకి అడుగుపెట్టడం చూడొచ్చు.

ఈ పాట కోసం ఫ్యాన్స్‌ ఆసక్తిగా ఎదురు చూస్తున్నారు. పవన్‌, చిరంజీవితోపాటు ఈ ఫొటోలో వాల్తేర్‌ వీరయ్య డైరెక్టర్‌ బాబీ, హరిహర వీర మల్లు డైరెక్టర్‌ క్రిష్‌ కూడా ఉన్నారు. ఈ పాటను పవన్‌ చూస్తుంటే ఎలా ఉంది అని చిరు అడిగినట్లుగా ఫొటో చూస్తే తెలుస్తోంది. ఈ మధ్యే మెగాస్టార్‌ గాడ్‌ఫాదర్‌ మూవీ నుంచి వచ్చిన మాస్‌ నంబర్‌ కూడా సూపర్‌ హిట్‌ కాగా.. ఇప్పుడు వాల్తేర్‌ వీరయ్య పాట కూడా సంచలనాలు సృష్టిస్తుందని మేకర్స్‌ ఆశతో ఉన్నారు.