Time Travel OTT: ఓటీటీలోకి ట్విస్ట్‌ల‌తో మ‌తిపోగొట్టే క‌న్న‌డ టైమ్ ట్రావెల్ మూవీ - ఐఎమ్‌డీబీలో 9 రేటింగ్‌!

Time Travel OTT: క‌న్న‌డ టైమ్ ట్రావెల్ మూవీ మ‌ర్ఫీ త్వ‌ర‌లోనే ఓటీటీ ప్రేక్ష‌కుల ముందుకు రాబోతోంది. బీఎస్ ప్ర‌దీప్ ద‌ర్శ‌క‌త్వం వ‌హించిన ఈ సినిమాలో ప్ర‌భు ముండ్కూర్‌, రోషిణి ప్ర‌కాష్ హీరోహీరోయిన్లుగా న‌టించారు. అక్టోబ‌ర్ నెల‌లో క‌న్న‌డంలో థియేట‌ర్ల‌లో రిలీజైన ఈ మూవీ విమ‌ర్శ‌కుల ప్ర‌శంస‌ల‌ను అందుకున్న‌ది. కాన్సెప్ట్‌తో పాటు హీరోహీరోయిన్ల యాక్టింగ్ బాగుంద‌ని ఆడియెన్స్ పేర్కొన్నారు. ఐఎమ్‌డీబీలో ప‌దికిగాను 9 రేటింగ్‌ను సొంతం చేసుకున్న‌ది.

అమెజాన్ ప్రైమ్‌లో...

థియేట‌ర్ల‌లో రిలీజైన దాదాపు నెల‌న్న‌ర త‌ర్వాత మ‌ర్ఫీ మూవీ ఓటీటీలోకి వ‌స్తోంది. డిసెంబ‌ర్ 6 నుంచి అమెజాన్ ప్రైమ్‌లో ఈ టైమ్ ట్రావెల్ మూవీ స్ట్రీమింగ్ కాబోతున్న‌ట్లు స‌మాచారం. క‌న్న‌డంతో పాటు తెలుగు, త‌మిళం, మ‌ల‌యాళ భాష‌ల్లోనూ ఈ క‌న్న‌డ సినిమా రిలీజ్ కానున్న‌ట్లు తెలిసింది.

మ‌ర్ఫీ క‌థ ఇదే...

డేవిడ్ (ప్ర‌భు) తాత‌య్య ఎప్పుడూ ఓ రేడియోను రిపేర్ చేస్తూ క‌నిపిస్తాడు. ఆ రేడియోను ముట్ట‌డానికి డేవిడ్ చాలా సార్లు ప్ర‌య‌త్నిస్తాడు. కానీ తాత‌య్య అందుకు ఒప్పుకోడు. తాత‌య్య లేని టైమ్ చూసి ఆ రేడియోను డేవిడ్ ఆప‌రేట్ చేస్తాడు. ఆ రేడియో ద్వారా కాలంలో వెన‌క్కి వెళ్లిన డేవిడ్‌కు జ‌న‌ని (రోషిణి ప్ర‌కాష్‌) అనే కాలేజీ స్టూడెంట్ ప‌రిచ‌యం అవుతుంది.

కొద్ది రోజుల్లోనే జ‌న‌నితో ప్రేమ‌లో ప‌డ‌తాడు డేవిడ్‌. జ‌ననిని డేవిడ్ ఎలా క‌ల‌సుకున్నాడు? కాలంలో వెన‌క్కి వెళ్ల‌డం సాధ్య‌మైందా? ఆ రేడియో ద్వారా త‌న తండ్రి చావుకు సంబంధించిన ఓ నిజం డేవిడ్ ఎలా తెలుసుకున్నాడు? డేవిడ్ తాత‌య్య రిచీ గ‌తం ఏమిటి? అన్న‌దే మ‌ర్ఫీ మూవీ క‌థ‌.

ఉర్వికి అవార్డులు...

మ‌ర్ఫీ మూవీకి డైరెక్ట‌ర్ బీఎస్ ప్ర‌దీప్‌తో హీరో ప్ర‌భు ముండ్కూర్ స్క్రీన్‌ప్లేను అందించారు. అర్జున్ జ‌న్యా మ్యూజిక్ అందించారు. మ‌ర్ఫీ కంటే ముందు బీఎస్ ప్ర‌దీప్ ద‌ర్శ‌క‌త్వం వ‌హించిన ఉర్వి మూవీ అనేక అవార్డుల‌ను అందుకున్న‌ది. క‌మ‌ర్షియ‌ల్‌గా పెద్ద హిట్‌గా నిలిచింది.

తెలుగు సినిమాల‌తోనే...

మ‌ర్ఫీ మూవీలో హీరోయిన్‌గా న‌టించిన రోషిణి ప్ర‌కాష్ యాక్టింగ్ కెరీర్ తెలుగు సినిమాల‌తోనే మొద‌లైంది. క‌మెడియ‌న్ స‌ప్త‌గిరి హీరోగా న‌టించిన స‌ప్త‌గిరి ఎక్స్‌ప్రెస్ మూవీతో హీరోయిన్‌గా అరంగేట్రం చేసింది. స‌త్య‌దేవ్ 47 డేస్, వ‌రుణ్‌తేజ్ గాండీవ‌ధారి అర్జున సినిమాల్లో ఓ కీల‌క పాత్ర‌లు చేసింది. త‌మ‌న్నా లీడ్ రోల్‌లో న‌టించిన తెలుగు వెబ్‌సిరీస్ లెవెన్త్ అవ‌ర్‌లో రోషిణి ప్ర‌కాష్ న‌టించింది. క‌న్న‌డంతో పాటు త‌మిళంతో ప‌లు సినిమాలు చేసింది.