OTT Movies: ఒక్కరోజే ఓటీటీలో రిలీజైన బెస్ట్ 5 సినిమాలు.. ఒక్కోటి ఒక్కో జోనర్.. స్ట్రీమింగ్ ఎక్కడంటే?

ఏప్రిల్ 19న ఒక్కరోజే ఓటీటీలోకి 5 బెస్ట్ అండ్ డిఫరెంట్ జోనర్ సినిమాలు స్ట్రీమింగ్‌కు వచ్చాయి. మరి వాటి ఓటీటీ ప్లాట్ ఫామ్స్ ఏంటో పూర్తిగా తెలుసుకుందాం. 

సైన్స్ ఫిక్షన్ ఫాంటసీ యాక్షన్ థ్రిల్లర్ గా తెరకెక్కిన రెబల్ మూన్ పార్ట్ 2 ఏప్రిల్ 19 నుంచి నెట్ ఫ్లిక్స్ లో స్ట్రీమింగ్ అవుతోంది. దీనికి సూపర్ హిట్ డైరెక్టర్ జాక్ స్నైడర్ దర్శకత్వం వహించారు.  

ఏప్రిల్ 19 నుంచి జీ5లో ప్రసారం అవుతోన్న క్రైమ్ థ్రిల్లర్ కామ్ చాలూ హై (హిందీ). పలాష్ ముచ్చల్ దర్శకత్వం వహించిన ఈ చిత్రంలో రాజ్ పాల్ యాదవ్, గియా మానెక్, కురంగి నాగరాజ్ ప్రధాన పాత్రల్లో నటించారు.  

ఆర్టికల్ 370 (హిందీ) ఏప్రిల్ 19 నుంచి జియోలో స్ట్రీమింగ్ అవుతోంది. ప్రియమణి, యామీ గౌతమ్ ప్రధాన పాత్రల్లో నటించిన ఈ చిత్రం ఫిబ్రవరి 23 న థియేటర్లలో విడుదలై మంచి టాక్ తెచ్చుకుంది. ఇప్పుడు ఇది ఓటీటీలో కూడా మంచి రెస్పాన్స్ తెచ్చుకుంటోంది. ఈ చిత్రానికి ఆదిత్య సుహాస్ జంబుల్ దర్శకత్వం వహించారు. 

ఏప్రిల్ 19 నుంచి డిస్నీ హాట్ స్టార్‌లో సైరన్ (తమిళంతోపాటు తెలుగు ఇతర భాషల్లో) స్ట్రీమింగ్ అవుతోంది. ఇందులో కీర్తి సురేష్, జయం రవి, అనుపమ పరమేశ్వరన్, సముద్రఖని, యోగిబాబు నటించారు. ఇది రివేంజ్ క్రైమ్ డ్రామాగా తెరకెక్కింది.   

ఏప్రిల్ 19 నుంచి అమెజాన్ ప్రైమ్ వీడియోలో ఓటీటీ స్ట్రీమింగ్ అవుతోన్న తమిళ సస్పెన్స్ క్రైమ్ థ్రిల్లర్ సినిమా రణం. కోలీవుడ్ లో రూపొందిన ఈ క్రైమ్ థ్రిల్లర్ సినిమాకు షరీఫ్ దర్శకత్వం వహించారు. ఈ చిత్రంలో వైభవ్ రెడ్డి, నందితా శ్వేత, తాన్యా హోప్ ప్రధాన పాత్రల్లో నటించారు. ఒక నర్సు హత్య నేపథ్యంలో ఈ చిత్రం సాగుతుంది.