Mrunal Thakur On Sitaramam Sequel: సీతారామం సీక్వెల్‌పై మృణాల్ ఠాకూర్ ఇంట్రెస్టింగ్ కామెంట్స్‌

Mrunal Thakur On Sitaramam Sequel: దుల్కార్ స‌ల్మాన్‌, మృణాల్ ఠాకూర్ జంట‌గా న‌టించిన సీతారామం సినిమా బ్యూటీఫుల్ ల‌వ్‌స్టోరీగా ప్రేక్ష‌కుల మ‌న్న‌న‌ల్ని అందుకున్న‌ది. క‌ల్ట్ క్లాసిక్‌గా నిలిచిన ఈ సినిమాకు సీక్వెల్ రాబోతున్న‌ట్లు కొంత‌కాలంగా ప్ర‌చారం జ‌రుగుతోంది.

ఈ సీక్వెల్‌పై హీరోయిన్ మృణాల్ ఠాకూర్ ఇంట్రెస్టింగ్ కామెంట్స్ చేసింది. ఆదివారం ట్విట్ట‌ర్ ద్వారా అభిమానుల‌తో ముచ్చ‌టించింది మృణాల్ ఠాకూర్‌. వారు అడిగిన ప‌లు ప్ర‌శ్న‌ల‌కు స‌మాధానాలు ఇచ్చింది. ఈ సంద‌ర్భంగా ఓ అభిమాని సీతారామం 2 ఉంటుందా అని అడిగాడు. సీతారామం 2 వ‌స్తుందా లేదా అన్న‌ది నాకు తెలియ‌దు.కానీ ఈ సీక్వెల్ రావాల‌ని తాను బ‌లంగా కోరుకుంటున్న‌ట్లు తెలిపింది.

అంతే కాకుండా ఈ సినిమాలోని ప‌లు వ‌ర్కింగ్ స్టిల్స్‌ను షేర్ చేసింది. ఈ సినిమా షూటింగ్‌ను తాను మిస్ అవుతోన్న‌ట్లు చెప్పింది. మృణాల్ ఠాకూర్ కామెంట్స్‌తో మ‌రోసారి సీతారామం సీక్వెల్ వార్త‌లు తెర‌పైకి వ‌చ్చాయి. సీతారామం సీక్వెల్ చేయ‌బోతున్న‌ట్లు గ‌తంలో ద‌ర్శ‌కుడు కూడా వెల్ల‌డించిన సంగ‌తి తెలిసిందే.

దేశ‌భ‌క్తికి ప్రేమ‌క‌థ‌ను జోడించి రూపొందించిన ఈ సినిమాకు హ‌ను రాఘ‌వ‌పూడి ద‌ర్శ‌క‌త్వం వ‌హించాడు. యాభై కోట్ల బ‌డ్జెట్‌తో రూపొందిన ఈ సినిమా వంద కోట్ల క‌లెక్ష‌న్స్ రాబ‌ట్టింది. ఈ సినిమాలో దుల్కార్ స‌ల్మాన్‌, మృణాల్ ఠాకూర్ కెమిస్ట్రీ తెలుగు ప్రేక్ష‌కుల్ని మెప్పించింది. గ‌త ఏడాది తెలుగులో హ‌య్యెస్ట్ గ్రాసింగ్ తెలుగు మూవీగా సీతారామం మూవీ నిలిచింది.