Bigg Boss Nonstop | మహేష్ విట్టా ఎలిమినేట్...బాబా భాస్కర్ వైల్డ్ కార్డ్ ఎంట్రీ..

బిగ్‌బాస్ నాన్‌స్టాప్‌ఏడో వారంలో మహేష్ విట్టా ఎలిమినేట్ అయ్యాడు. చివరి రౌండ్ వరకు ఆసక్తికరంగా సాగిన ఎలిమినేషన్స్ లో మహేష్ కు అదృష్టం కలిసిరాలేదు. మహేష్ విట్టా తో పాటు నటరాజ్ మాస్టర్, అరియానా, అఖిల్, బిందుమాధవి, యాంకర్ శివ, అనిల్ నామినేషన్స్ లో నిలిచారు. చివరి రౌండ్ లో నటరాజ్ మాస్టర్, మహేష్ నామినేషన్స్ లో మిగిలారు. వీరిద్దరికి నాగార్జున పెట్టిన కుండ రంగుల టాస్క్ లో మహేష్ విట్టా ఎలిమినేట్ అవుతున్నట్లు తేలింది.

అంతకుముందు కొత్త కెప్టెన్ యాంకర్ శివను నాగార్జున అభినందించారు.బిగ్‌బాస్ హౌస్ కు విలన్ గా మారడానికి కారణాలేమిటని సంచాలక్ గా పనిచేసిన ఆషూరెడ్డిని అడిగారు నాగార్జున. మిస్ కమ్యూనికేషన్ వల్ల తాను తప్పులు చేసినట్లు ఆషూరెడ్డి చెప్పింది. ఆటలో గెలవడం మాత్రమే కాదు ఆటతీరు కూడా ముఖ్యమని శివ, నటరాజ్ మాస్టర్ లకు క్లాస్ ఇచ్చాడు నాగార్జున. అరియానా, అజయ్, అఖిల్, బిందు సరిగా ఆడలేదని అన్నారు. అరియానాలో మునుపటి ఫైర్ లేదని అన్నారు. మాట్లాడే ముందు ఆలోచించుకోవాలంటూ అజయ్ కి క్లాస్ ఇచ్చారు.

హౌస్ నుంచి బయటకు వచ్చిన మహేష్ విట్టాతో నాగార్జున ఫ్లవర్స్ ఎవరూ? ఫైర్ ఎవరు? అనే టాస్క్ పెట్టారు. ఇందులో మహేష్, అజయ్, నటరాజ్, అనిల్, మిత్రా, ఆషూరెడ్డి ఫ్లవర్స్ అని, అఖిల్, శివ, బిందు, అరియానా ఫైర్ అని మహేష్ విట్టా చెప్పారు.

వైల్డ్ కార్డ్ ఎంట్రీ ద్వారా ఈ వారంబిగ్‌బాస్ హౌస్ లోకి బాబా భాస్కర్ మాస్టర్ ఎంట్రీ ఇస్తున్నట్లు నాగార్జున ప్రకటించాడు. ప్రస్తుతానికి బిగ్ బాస్ అతడికి సీక్రెట్ రూమ్ లో ఉంచారు.