Label Web Series: జ‌ర్నీ హీరో జై కొత్త వెబ్‌సిరీస్ లేబుల్ ట్రైల‌ర్ రిలీజ్ - కేజీఎఫ్ లెవెల్‌లో యాక్ష‌న్ ఎపిసోడ్స్‌

Label Web Series: జ‌ర్నీ హీరో జై యాక్ష‌న్ వెబ్‌సిరీస్‌తో త్వ‌ర‌లో ప్రేక్ష‌కుల ముందుకు రాబోతున్నాడు. ఈసిరీస్‌కు లేబుల్ అనే టైటిల్‌ను ఖ‌రారు చేశారు. లేబుల్ వెబ్‌సిరీస్ ట్రైల‌ర్ గురువారం రిలీజైంది. లేబుల్ సిరీస్ కు క‌ణా ఫేమ్ అరుణ్‌రాజా కామ‌రాజ్ ద‌ర్శ‌క‌త్వం వ‌హిస్తోన్నాడు.

చిన్న‌పిల్ల‌లు క్రైమ్‌లో ఇరుక్కోవ‌డం, వారిని ఆ కేసు నుంచి బ‌య‌ట‌ప‌డేయ‌డానికి పోరాడే లాయ‌ర్‌గా ఈ ట్రైల‌ర్‌లో జై క‌నిపిస్తున్నారు. లాయ‌ర్‌గా అత‌డి ఎంట్రీ ట్రైల‌ర్‌కు హైలైట్‌గా నిలిచింది. కంప్లీట్‌గా యాక్ష‌న్ సీక్వెన్స్‌లో ట్రైల‌ర్ ఇంట్రెస్టింగ్‌గా సాగింది.

యాక్ష‌న్ ఎపిసోడ్స్‌ను డిజైన్ చేసిన తీరు ఆక‌ట్టుకుంటోంది. భార‌త రాజ్యాంగంలోని ఆర్టిక‌ల్ 20 గురించి ఈ సిరీస్‌లో చ‌ర్చించ‌బోతున్న‌ట్లు స‌మాచారం. లేబుల్ వెబ్‌సిరీస్‌లో జైతో పాటు తాన్య హోప్‌, మ‌హేంద్ర కీల‌క పాత్ర‌లు పోషిస్తున్నారు. లేబుల్ వెబ్‌సిరీస్ డిస్నీ ప్ల‌స్ హాట్ స్టార్ లో స్ట్రీమింగ్ కానుంది.

మొత్తం ప‌ది ఎపిసోడ్స్‌తో లేబుల్ వెబ్‌ సిరీస్ రూపొందినట్లు సమాచారం. తెలుగుతో పాటు త‌మిళం, మ‌ల‌యాళం, క‌న్న‌డ‌, హిందీ భాష‌ల్లో ఈ సిరీస్ స్ట్రీమింగ్ కానున్న‌ట్లు డిస్నీ ప్ల‌స్ హాట్ స్టార్ ప్ర‌క‌టించింది. త్వ‌ర‌లోనే స్ట్రీమింగ్ డేట్‌ను రివీల్ చేయ‌బోతున్నారు. జ‌ర్నీ, అనంత‌పురం సినిమాతో తెలుగు ప్రేక్ష‌కుల‌కు చేరువ‌య్యాడు జై. ప్ర‌స్తుతం జై హీరోగా న‌టిస్తోన్న ఆరు సినిమాలు సెట్స్‌పై ఉన్నాయి