Best Kannada Movies on OTT: ఓటీటీలో మిస్ కాకుండా చూడాల్సిన క‌న్న‌డ సినిమాలు ఇవే

Best Kannada Movies on OTT: కేజీఎఫ్‌, కాంతారల‌తో క‌న్న‌డ ఇండ‌స్ట్రీ క్రేజ్ పాన్ ఇండియ‌న్ లెవెల్‌కు చేరుకున్న‌ది. బాలీవుడ్‌, టాలీవుడ్‌కు పోటీగా క‌న్న‌డంలో డిఫ‌రెంట్ స్టోరీస్‌తో సినిమాలు తెర‌కెక్కుతోన్నాయి. అద్భుత‌మైన నిర్మాణ విలువ‌ల‌తో క‌న్న‌డ సినిమాలు దేశ‌వ్యాప్తంగా సినీ అభిమానుల‌తో ఆక‌ట్టుకుంటోన్నాయి.

ఇటీవ‌ల కాలంలో బ్లాక్‌బ‌స్ట‌ర్ హిట్స్‌గా నిలిచిన‌ క‌న్న‌డ సినిమాలు ఓటీటీలో ప్ర‌స్తుతం అందుబాటులో ఉన్నాయి. ఆ సినిమాలు ఏవంటే?

కేజీఎఫ్ , కేజీఎఫ్ 2

క‌న్న‌డ ఇండ‌స్ట్రీ రూపురేఖ‌ల్ని స‌మూలంగా మార్చిన ఘ‌న‌త కేజీఎఫ్, కేజీఎఫ్ 2 సినిమాల‌కు ద‌క్కుతుంది. య‌ష్ హీరోగా ప్ర‌శాంత్ నీల్ ద‌ర్శ‌క‌త్వంలో రూపొందిన కేజీఎఫ్ సిరీస్ మూవీస్‌ భార‌తీయ సినీ చ‌రిత్ర‌లో హ‌య్యెస్ట్ క‌లెక్ష‌న్స్ రాబ‌ట్టిన సినిమాల్లో ఒక‌టిగా నిలిచాయి. ఈ సినిమాలో య‌శ్ హీరోయిజం, యాక్ష‌న్ సీక్వెన్స్‌లు అభిమానుల‌ను మెప్పించాయి. కేజీఎఫ్‌, కేజీఎఫ్ 2 సినిమాలు అమెజాన్ ప్రైమ్‌లో అందుబాటులో ఉన్నాయి.

కాంతార…

రిష‌బ్ శెట్టి హీరోగా న‌టిస్తూ ద‌ర్శ‌క‌త్వం వ‌హించిన కాంతార క‌న్న‌డంతో పాటు తెలుగు, హిందీ భాష‌ల్లో క‌మ‌ర్షియ‌ల్ హిట్‌గా నిలిచింది. భూత‌కోళ అనే క‌ళ నేప‌థ్యంలో రివేంజ్ డ్రామాగా రూపొందిన కాంతార విమ‌ర్శ‌కుల ప్ర‌శంస‌ల్ని అందుకున్న‌ది. ఈ సినిమా తెలుగు, క‌న్న‌డ వెర్ష‌న్స్ అమెజాన్ ప్రైమ్‌లో రిలీజ‌వ్వ‌గా, హిందీ వెర్ష‌న్ మాత్రం నెట్‌ప్లిక్స్‌లో చూడొచ్చు.

గ‌రుడ‌గ‌మ‌న వృష‌భ‌వాహ‌న‌…

రిష‌బ్‌శెట్టి, రాజ్‌బీ శెట్టి హీరోలుగా న‌టించిన గ‌రుడ‌గ‌మ‌న వృష‌భ‌వాహ‌న సినిమా జీ5 ఓటీటీలో స్ట్రీమింగ్ అవుతోంది. గ్యాంగ్‌స్ట‌ర్ డ్రామా మూవీకి రాజ్ బీ శెట్టి ద‌ర్శ‌క‌త్వం వ‌హించాడు.

స‌ప్త సాగ‌ర‌దాచే ఎల్లో…

ర‌క్షిత్ శెట్టి హీరోగా న‌టించిన స‌ప్త సాగ‌ర‌దాచే ఎల్లో, 777 ఛార్లీ సినిమాలు అమెజాన్ ప్రైమ్ స్ట్రీమింగ్ అవుతోన్నాయి. అలాగే దియా (అమెజాన్ ప్రైమ్ వీడియో), హాస్ట‌ల్ హుదుగురు బెకాగిద్దారే (జీ5 ఓటీటీ),

ల‌వ్ మాక్ టెయిల్ (అమెజాన్ ప్రైమ్‌), కావ‌లుధారి (అమెజాన్ ప్రైమ్ వీడియో), విక్రాంత్ రోణ (డిస్నీ ప్ల‌స్ హాట్‌స్టార్‌లో స్ట్రీమింగ్ అవుతోన్నాయి.