Comedian Dhanraj: డైరెక్ట‌ర్‌గా మారిన జ‌బ‌ర్ధ‌స్త్ క‌మెడియ‌న్ - స‌ముద్ర‌ఖ‌ని లీడ్ రోల్‌గా మూవీ
Comedian Dhanraj:: జ‌బ‌ర్ధ‌స్త్ క‌మెడియ‌న్ ధ‌న్‌రాజ్ డైరెక్ట‌ర్‌గా ఎంట్రీ ఇస్తున్నాడు. అత‌డి డైరెక్ష‌న‌ల్ డెబ్యూ మూవీ ఆదివారం ప్రారంభ‌మైంది. ఈ సినిమాలో స‌ముద్ర‌ఖ‌ని కీల‌క పాత్ర పోషిస్తున్నాడు
Comedian Dhanraj: బలగం సినిమాతో పెద్ద క‌మ‌ర్షియ‌ల్ హిట్‌ను అందుకున్నాడు జ‌బ‌ర్ధ‌స్త్ క‌మెడియ‌న్ వేణు. అత‌డి బాట‌లోనే మ‌రికొంద‌రు జ‌బ‌ర్ధ‌స్త్ కంటెస్టెంట్స్ మెగాఫోన్ ప‌ట్ట‌బోతున్నారు. తాజాగా ఈ లిస్ట్‌లో ధ‌న్‌రాజ్ చేరాడు. డైరెక్ట‌ర్‌గా ఎంట్రీ ఇవ్వ‌బోతున్నాడు. తండ్రీకొడుకుల అనుబంధంతో ఓ సినిమాను రూపొందిస్తున్నాడు.
ఆదివారం ఈ సినిమా పూజా కార్య‌క్ర‌మాల‌ను నిర్వ‌హించారు. ఈ వేడుక‌లో బలగం వేణు, శివ‌బాలాజీతో పాటు డైరెక్ట‌ర్లు రాజేంద్ర, భ‌ర‌త్ క‌మ్మ పాల్గొన్నారు. స‌ముద్ర‌ఖ‌ని తో పాటు ధ‌న్‌రాజ్ ఈ సినిమాలో కీల‌క పాత్ర‌ల‌ను పోషిస్తున్నారు. వీరిద్ద‌రు తండ్రీకొడుకులుగా న‌టించ‌బోతున్నారు. ధ‌న్‌రాజ్ డెబ్యూ మూవీకి విమానం ద‌ర్శ‌కుడు శివ‌ప్ర‌సాద్ యానాల క‌థ, మాట‌లు స‌మ‌కూర్చుతున్నాడు.
న‌వంబ‌ర్ సెకండ్ వీక్ నుంచి ఈ సినిమా సెట్స్‌పైకి రానున్న‌ట్లు ధ‌న్‌రాజ్ తెలిపాడు. ఇందులో హ‌రీష్ ఉత్త‌మ‌న్‌, మోక్ష, అజ‌య్ ఘోష్‌, పృథ్వీ కీల‌క పాత్ర‌లు పోషిస్తున్నారు. అరుణ్ చిలువేరు సంగీతాన్ని అందిస్తున్నాడు. ధ‌న్‌రాజ్ డైరెక్ష‌న‌ల్ డెబ్యూ మూవీ పూజా కార్య‌క్ర‌మంలో సుడిగాలి సుధీర్‌, చ‌మ్మ‌క్ చంద్ర, తాగుబోతు ర‌మేష్ రాకెట్ రాఘ‌వ‌తో పాటు ప‌లువురు జ‌బ‌ర్ధ‌స్త్ క‌మెడియ‌న్స్ పాల్గొన్నారు.
జై సినిమాతో టాలీవుడ్‌లోకి ఎంట్రీ ఇచ్చిన ధ‌న్‌రాజ్ జ‌గ‌డం, ప‌రుగు, గ‌బ్బ‌ర్‌సింగ్‌, రాజుగారిగ‌దితో పాటు ప‌లు సినిమాల్లో క‌మెడియ‌న్‌గా క‌నిపించాడు. జ‌బ‌ర్ధ‌స్త్‌తో పాటు కామెడీ స్టార్స్‌, అదిరింది వంటి కామెడీ షోల‌లో ఓ కంటెస్టెంట్‌గా వ్య‌వ‌హ‌రించాడు. బిగ్‌బాస్ తెలుగు సీజ‌న్ వ‌న్‌లో కంటెస్టెంట్‌గా పాల్గొన్నాడు.
టాపిక్