Ileana D Cruz: దోబూచులాడుతున్న ఇలియానా: ప్రియుడి ఫొటోను మరోసారి పోస్ట్ చేసినా..

Ileana D Cruz: టాలీవుడ్‍లో సుమారు చాలా సంవత్సరాల పాటు స్టార్ హీరోయిన్‍గా వెలుగొందింది ఇలియానా. తెలుగులో దాదాపు స్టార్ హీరోలందరితో కలిసి నటించింది. ఆమె హీరోయిన్‍గా చేసిన చిత్రాలు కొన్ని బ్లాక్‍బ్లాస్టర్‌లు అయ్యాయి. ఇండస్ట్రీ హిట్‍లు సాధించాయి. అయితే, ఈ క్రమంలోనే 2013 సమయంలో బాలీవుడ్‍కు వెళ్లింది ఇలియానా. అక్కడ వరుసగా సినిమాల్లో చేసినా.. అనుకున్నంత మేర సక్సెస్ కాలేకపోయింది. దీంతో కొంతకాలం నుంచి చాలా తక్కువ సినిమాల్లోనే కనిపిస్తోంది. ప్రస్తుతం ఇలియానా..ప్రెగ్నెంట్‍గా ఉంది. అయితే, తన బాయ్ ఫ్రెండ్ ఎవరో మాత్రం ఇంత వరకు చెప్పడం లేదు. ఈ క్రమంలో తాజా ఇన్‍‍స్టాగ్రామ్‍లో ఓ స్టోరీ పోస్ట్ చేసింది ఇలియానా. ఈ ఫొటోలోనూ తన లవర్ ముఖం కనిపించకుండా అభిమానులతో దోబూచులాడింది.

తాను ప్రెగ్నెసీతో ఉన్నానని ఇలియానా కొన్ని ఫొటోలను పోస్ట్ చేసింది. బేబీ బంప్‍తో ఉన్న ఫొటోలను అభిమానులతో పంచుకుంది. అయితే, తన బాయ్‍ఫ్రెండ్ ఎవరనే విషయాన్ని మాత్రం ఇంత వరకు చెప్పలేదు. ఈ తరుణంలో ఇన్‍స్టాగ్రామ్‍లో తాజాగా ఓ స్టోరీ పోస్ట్ చేసింది ఇలియానా. ఇందులో తన ప్రియుడు ఉన్నాడు. కానీ ఆ ఫొటోలో అతడి ముఖం కనిపించకుండా జాగ్రత్త పడింది ఇలియానా. గతంలోనే ఇలానే ఓసారి చేసింది. అతడి ఫొటోను షేర్ చేసినా.. ముఖాన్ని కనిపించనివ్వలేదు.

తాజాగా, తన లవర్.. తమ పెంపుడు కుక్కకు ముద్దు పెడుతున్న ఫొటోను ఇన్‍స్టాగ్రామ్ స్టోరీగా అప్‍లోడ్ చేసింది ఇలియానా. ఈ ఫొటోలోనూ ప్రియుడి ముఖం కనిపించకుండా చేసింది. తన లవర్ గురించి చెప్పకుండా అభిమానులతో దోబూచులాడుతోంది. దీంతో అతడు ఎవరో చెప్పాలంటూ ఇలియానా ఫ్యాన్స్ డిమాండ్ చేస్తున్నారు. వివరాలు ఇంకెప్పుడు వెల్లడిస్తావని ప్రశ్నిస్తున్నారు. ఇలియానా లవర్ ఎవరనేది మరోసారి హాట్ టాపిక్‍గా మారింది.

ఇలియానా చివరిగా బిగ్ బుల్ అనే సినిమాలో కనిపించింది. 2021లో ఈ మూవీ డిస్నీ+ హాట్‍స్టార్‌లో రిలీజ్ అయింది. అభిషేక్ బచ్చన్ ఈ చిత్రంలో ప్రధాన పాత్ర పోషించాడు. ఈ సినిమా తర్వాత మరే చిత్రంలోనూ కనిపించలేదు ఇలియానా. ప్రస్తుతం ప్రెగ్నీసీతో ఉన్న ఇలియానా.. ఏ సినిమా చేయడం లేదు. మళ్లీ మూవీల్లోకి ఎప్పుడు కమ్‍బ్యాక్ ఇస్తుందో చూడాలి.