Hanuman Trailer: నీ రాక అనివార్యం హ‌నుమా! - విజువ‌ల్ ట్రీట్‌గా హ‌నుమాన్ ట్రైల‌ర్

Hanuman Trailer: తేజా స‌జ్జా హీరోగా న‌టిస్తోన్న హ‌నుమాన్ మూవీ ట్రైల‌ర్ వ‌చ్చేసింది. స్ట‌న్నింగ్‌ విజువ‌ల్స్‌, భారీ యాక్ష‌న్ సీక్వెన్స్‌ల‌తో ట్రైల‌ర్ సినీ ల‌వ‌ర్స్‌ను ఆక‌ట్టుకుంటోంది.

ఈ ట్రైల‌ర్‌లో హ‌నుమంతుడి సాయంతో సూప‌ర్ ప‌వ‌ర్స్ సొంతం చేసుకున్న యువ‌కుడిగా తేజా స‌జ్జా క‌నిపిస్తోన్నాడు. హ‌నుమంతుడి సోత్రాల‌తో ఈ ట్రైల‌ర్ ఇంట్రెస్టింగ్‌గా ప్రారంభ‌మైంది. నీ పేరేంటి అన్న‌య్య అని పిల్ల‌లు అడిగిన ప్ర‌శ్న‌కు హ‌నుమాన్ అని తేజా స‌జ్జా స‌మాధానం చెబుతూనే కుస్తీ వీరుల‌ను ఒక్క దెబ్బ‌తో మ‌ట్టి క‌రిపించిన‌ట్లుగా ట్రైల‌ర్‌లో చూపించారు.

ప‌వ‌ర్ సూట్‌లో ఉంటే స‌రిపోదు నాలో ఉండాలి. నా న‌ర‌న‌రాల్లో ఉండాలి అంటూ క‌రుడుగ‌ట్టిన విల‌న్‌గా విన‌య్ రాయ్ ట్రైల‌ర్‌లో ఎంట్రీ ఇచ్చాడు. తేజా స‌జ్జాపై ఎటాక్ చేయ‌డానికి వ‌చ్చిన రౌడీల‌ను వీర లెవెల్ దంచికొడుతూ వ‌ర‌ల‌క్ష్మి శ‌ర‌త్‌కుమార్ వ‌చ్చిన‌ యాక్ష‌న్ ఎపిసోడ్ ఆక‌ట్టుకుంటుంది. ట్రైల‌ర్ చివ‌ర‌లో మాన‌వాళి మ‌నుగ‌డ‌ను కాపాడ‌టానికి నీ రాక అనివార్యం హ‌నుమా అనే డైలాగ్ ట్రైల‌ర్‌కు హైలైట్‌గా నిలిచింది.

హ‌నుమంతుడి స‌హాయంతో దుష్ట‌శ‌క్తుల‌పై పోరాడే సూప‌ర్ హీరోగా తేజా స‌జ్జా ఈ మూవీలో క‌నిపించ‌బోతున్నాడు. ట్రైల‌ర్ విజువ‌ల్స్, గ్రాఫిక్స్ హాలీవుడ్ స్థాయిలో ఉన్నాయి. హ‌నుమాన్ సినిమాకు ప్ర‌శాంత్ వ‌ర్మ ద‌ర్శ‌క‌త్వం వ‌హిస్తోన్నాడు. సూప‌ర్ హీరో క‌థాంశానికి భ‌క్తిని మిక్స్ చేస్తూ హ‌నుమాన్ సినిమాను తెర‌కెక్కిస్తోన్నాడు. జాంబీ రెడ్డి త‌ర్వాత తేజా స‌జ్జా, డైరెక్ట‌ర్ ప్ర‌శాంత్ వ‌ర్మ కాంబినేష‌న్‌లో రూపొందుతోన్న మూవీ ఇది. అమృత అయ్య‌ర్ హీరోయిన్‌గా న‌టిస్తోన్న

ఈ సినిమాలో వ‌ర‌ల‌క్ష్మి శ‌ర‌త్‌కుమార్ కీల‌క పాత్ర పోషిస్తోంది. వాన ఫేమ్ విన‌య్ రాయ్ విల‌న్‌గా న‌టిస్తోన్నాడు. ప్ర‌శాంత్ వ‌ర్మ సినిమాటిక్ యూనివ‌ర్స్‌లో భాగంగా హ‌నుమాన్ మూవీ రాబోతోంది. సంక్రాంతి హ‌నుమాన్ ప్రేక్ష‌కుల ముందుకు రాబోతోంది. మ‌హేష్‌బాబు గుంటూరుకారం, వెంక‌టేష్ సైంధ‌వ్‌, నాగార్జున నా సామిరంగ‌ల‌తో పోటీగా హ‌నుమాన్ రిలీజ్ కాబోతుండ‌టం ఆస‌క్తిక‌రంగా మారింది.