రూ. 100 కోట్ల క్లబ్‌లో 'గంగూబాయి కాటియావాడీ’

సంజయ్ లీలా బన్సాలీ, ఆలియా భట్ కాంబినేషన్‌లో వచ్చిన "గంగూబాయి కాటియావాడీ" చిత్రం బాక్సాఫీస్ వసూళ్లు రూ.100 కోట్ల మార్కును దాటాయి.

1960లలో ముంబైలోని రెడ్‌లైట్ ఏరియా అయిన కామాటిపురలోని శక్తివంతమైన మహిళల్లో ఒకరైన గంగూబాయి పాత్రలో అలియా నటించింది.

ఫిబ్రవరి 25న థియేటర్లలో విడుదలైన ఈ చిత్రానికి ప్రేక్షకులు, విమర్శకుల నుంచి విశేష స్పందన లభిస్తోంది.

చిత్రనిర్మాత సంజయ్ లీలా బన్సాలీ ట్విటర్‌లో చిత్రం బాక్సాఫీస్ గణాంకాలను పంచుకున్నారు. ‘ఆమె మన హృదయాలను, బాక్సాఫీస్‌ను శాసిస్తోంది. 'గంగూబాయి కాటియావాడీ' చిత్రాన్ని చూడటానికి టిక్కెట్లు కొనండి..’ అని ట్వీట్ చేశారు.

ఆలియా కూడా సినిమా రూ. 100 కోట్ల మార్కును దాటిన విషయాన్ని ఇన్‌స్టాగ్రామ్‌లో పంచుకుంది. "అందరి ప్రేమకు ధన్యవాదాలు" అని పేర్కొంది.

ఈ చిత్రంలో విజయ్ రాజ్, సీమా పహ్వా, శంతను మహేశ్వరి కూడా నటించారు. నటుడు అజయ్ దేవగన్ కూడా ఇందులో అతిథి పాత్రలో నటించారు.