Bigg Boss OTT Telugu Live Streaming |ఓటీటీ బిగ్‌బాస్‌..వారియ‌ర్స్ vs ఛాలెంజ‌ర్స్

మొత్తం ప‌దిహేడు మంది కంటెస్టెంట్స్ బిగ్‌బాస్ హౌస్‌లోకి అడుగుపెట్టారు. వారంద‌రూ ఇంట్లో అడుగుపెట్ట‌గానే లాక్ చేసుకొని హోస్ట్ నాగార్జున వెళ్లిపోయారు. నీకు వంట చేయ‌డం వ‌చ్చా అని అషూరెడ్డిని అరియానా అడిగింది. ఔన‌ని ఆషూరెడ్డి చెప్పిన స‌మాధానానికి నీ వంట తిని మేము బ‌తుకుతామా అంటూ అరియానా కౌంట‌ర్ ఇవ్వ‌డం ఆస‌క్తిని పంచుతోంది

చివ‌రి కంటెస్టెంట్‌గా బిగ్‌బాస్ హౌస్‌లోకి అఖిల్ వ‌చ్చాడు. సీజ‌న్‌ 4 ర‌న్న‌ర‌ప్ గా నిలిచిన అత‌డికి ఓటీటీ బిగ్‌బాస్ ట్రోఫీని నాగార్జున చూపించారు. ఈ సారి ఎలాగైనా ట్రోపీని గెల‌వాల‌ని అత‌డితో నాగ్ చెప్పారు. రెండోసారి వ‌చ్చిన ఈ అవ‌కాశాన్ని స‌ద్వినియోగం చేసుకుంటాన‌ని అఖిల్ ఆశాభావం వ్య‌క్తం చేశారు.

బిగ్‌బాస్ షో ద్వారా అంద‌రికి ప‌రిచ‌య‌మ‌య్యాన‌ని..మ‌రోసారి ఈ షోలో అడుగుపెట్టడాన్ని ప్ల‌స్‌గా భావిస్తున్నాన‌ని హ‌మీదా చెప్పింది. సింగ‌ర్ శ్రీ‌రామ్ ఎలా ఉన్నాడంటూ హ‌మీదాను నాగార్జున అడ‌గ్గా..ఆమె సిగ్గుప‌డ‌టం న‌వ్వుల‌ను పంచింది. కంటెస్టెంట్స్ ఐదుగురి క‌ళ్లు చూపించి ఇందులో ఎవ‌రు ఇష్ట‌మో చెప్పాల‌ని నాగార్జున ఇచ్చిన టాస్క్ కు ఆమె ఓ ఆప్ష‌న్ ను ఎంచుకుంది.

‘ఆవ‌కాయ్ బిర్యానీ’ హీరోయిన్ బిందుమాధ‌వి ఓటీటీ బిగ్‌బాస్ లోకి అడుగుపెట్టింది. త‌మిళ బిగ్‌బాస్‌లో వైల్డ్ కార్డ్ ఎంట్రీ ఇచ్చిన ఆమె ఈ సారి తెలుగు బిగ్‌బాస్ లో కంటెస్టెంట్ గా పాల్గొన‌డం ఆస‌క్తిని పంచుతోంది. త‌న స్వ‌స్థ‌లం మ‌ద‌న‌ప‌ల్లి అని, తెలుగు ప్రేక్ష‌కుల‌కు చేరువ అవ్వ‌డానికి బిగ్‌బాస్ తెలుగు త‌న‌కు చ‌క్క‌టి వేదిక‌గా ఉప‌యోగ‌ప‌డుతుంద‌ని బిందుమాధవి చెప్పింది. ఆమె తో పాటు జ‌ర్న‌లిస్ట్‌, యాంక‌ర్ శివ బిగ్‌బాస్‌లోకి వ‌చ్చారు.

బిగ్‌బాస్ ఐదో సీజ‌న్ లో కేవ‌లం 5 రోజుల్లోనే ఎలిమినేట్ అయ్యాన‌ని, ఈ సారి త‌న ఫైర్ ఎలా ఉండ‌బోతుందో చూడాల‌ని అంటోంది స‌ర‌యు.ప‌ద‌మూడో కంటెస్టెంట్ గా ఆమె బిగ్‌బాస్ లోకి ఎంట్రీ ఇచ్చింది.

తెలుగు ఆడియెన్స్ కు తాను రుణ‌ప‌డి ఉన్నాన‌ని అందుకే మ‌రోసారి బిగ్‌బాస్ హౌస్‌లోకి వ‌చ్చాన‌ని చెప్పింది తేజ‌స్వి. గ‌త సీజ‌న్ లో ఆరో వారంలోనే బిగ్‌బాస్ నుంచి ఎలిమినేట్ అయ్యాన‌ని ఈ సారి మాత్రం చివ‌రి వ‌ర‌కు ఉంటాన‌ని పేర్కొన్న‌ది. నాగార్జున కోరిక మేర‌కు సారంగ‌ద‌రియా, సామి, అట్టా సూడ‌కే అనే పాట‌ల‌కు ఫాస్ట్ గా డ్యాన్స్ చేసి ఆక‌ట్టుకుంది.

లిప్స్ సింబ‌ల్ ప‌ట్టుకొని హౌస్‌లో అడుగుపెట్టిన అనిల్ ను అరియానా రోస్ట్ చేసింది. త‌న‌కు రోస్ట్ అంటే తెలియ‌దు అంటూ అత‌డు ఎలా హౌస్‌లోకి అడుగుపెట్టాడో ఇమిటేట్ చేసి అంద‌రికి చూపించి న‌వ్వుల‌ను పూయించింది. ఆమె రోస్ట్ ను అనిల్ స్పోర్టివ్ గా తీసుకున్నాడు.

‘తొలి సంధ్య‌వేళ‌లో’ సినిమా ఫేమ్ మిత్రా శ‌ర్మ 11 వ ఛాలెంజెర్ గా బిగ్‌బాస్ హౌస్‌లోకి ఎంట్రీ ఇచ్చింది. త‌న అస‌లు పేరు మిత్ర వింద అని చెప్పింది. వింద పేరును రాజ‌మౌళి తీసుకోగా..మిత్ర మాత్రం మిగిలింది అని చెప్పింది. మ‌రి నీ మ‌గ‌ధీరుడు దొరికాడా అని నాగార్జున అడిగిన ప్ర‌శ్న‌కు ఆమె న‌వ్వులు త‌ప్ప స‌మాధానం చెప్ప‌లేదు.

కొత్త కంటెస్టెంట్ గా బిగ్‌బాస్ హౌస్‌లోకి అనిల్ వ‌చ్చాడు. హౌస్‌లో అడుగుపెట్ట‌క‌ముందే అత‌డికి నాగ్ ఓ టాస్క్ ఇచ్చాడు. లిప్ మార్క్ తో కూడిన హార్ట్ సింబ‌ల్ ఇచ్చి ఆ లిప్స్ ఎవ‌రివో క‌నిపెట్ట‌మ‌ని అన్నారు. హౌస్‌లో అనిల్ అడుగుపెట్ట‌గానే అత‌డి చేతిలో హార్ట్ సింబ‌ల్ చూసి మిగ‌తా కంటెస్టెంట్స్ ఆశ్చ‌ర్యాన్ని వ్య‌క్తం చేశారు.

ఏ బిడ్డ ఇది నా అడ్డ అంటూ స్టైలిష్ గా శ్రీ రాపాక బిగ్‌బాస్ ఇంట్లోకి వ‌చ్చింది. త‌న జాయింట్ ఫ్యామిలీ గురించి ఆమె వెల్ల‌డించింది. ఆమెకు ముందు న‌ట‌రాజ్ మాస్ట‌ర్ ఎనిమిదో కంటెస్టెంట్ గా బిగ్‌బాస్ లో అడుగుపెట్టారు. బిగ్‌బాస్ ఐదో సీజ‌న్ లో కొద్ది రోజుల్లోనే హౌస్ నుంచి బ‌య‌ట‌కు వ‌చ్చిన ఆయ‌న ఈ సారి ఎన్ని రోజులు ఉంటాడ‌నేది చూడాలి.

బిగ్‌బాస్ నాలుగో సీజ‌న్ తో పాపుల‌ర్ అయిన యాంక‌ర్ అరియానా మ‌రోసారి హౌస్‌లోకి రీఎంట్రీ ఇచ్చింది. ఏడో కంటెస్టెంట్ గా హౌస్‌లో ఆమె అడుగుపెట్టింది. ఆమె సీక్రెట్ బాయ్‌ఫ్రెండ్ గురించి నాగ్ అడ‌గ్గా..చాలా మంది ఉన్నారు అంటూ ఆమె స‌మాధానం ఇవ్వ‌డం స్టేజ్‌పై న‌వ్వుల‌ను పూయించింది.

ఆరో కంటెస్టెంట్ గా బిగ్‌బాస్ హౌస్‌లోకి ఆర్జే చైతూ వ‌చ్చారు. ఇప్ప‌టివ‌ర‌కు స్ర్కీన్ వెనుక ఉన్న తాను తొలిసారి బిగ్‌బాస్ ద్వారా అంద‌రి ముందుకు రాబోతున్నాన‌ని చైతూ చెప్పారు.

ఉండిపోవా పాట‌తో స్టైలిష్ గా బిగ్‌బాస్ స్టేజ్ పైకి వ‌చ్చింది యాంక‌ర్ స్ర‌వంతి చొక్కార‌పు. బొమ్మ‌లా రెడీ అయ్యావంటూ స్ర‌వంతి స్టేజ్‌పై అడుగుపెట్ట‌గానే నాగార్జున ఆమెకు కాంప్లిమెంట్ ఇచ్చారు. బిగ్‌బాస్ నాన్‌స్టాప్ లో గెలిచి తొలి లేడీ విన్న‌ర్ అవ్వాల‌ని ఉంద‌ని స్ర‌వంతి చెప్పింది. అంతేకాదు త‌న‌కు పెళ్లి అయ్యిందంటూ బిగ్ బాస్ స్టేజ్‌పై వెల్ల‌డించింది. భ‌ర్త‌, కొడుకు ఆమెకు శుభాకాంక్ష‌లు చెప్పిన వీడియోను ప్ర‌ద‌ర్శించి నాగార్జున.... స్ర‌వంతిని స‌ర్‌ప్రైజ్ చేశారు.

విశ్వ‌క్ సినిమాతో హీరోగా ప‌రిచ‌య‌మైన అజ‌య్ క‌తుర్వార్ బిగ్ బాస్ హౌస్‌లోకి నాలుగో కంటెస్టెంట్ గా ఎంట్రీ ఇచ్చాడు.

ఓటీటీ బిగ్‌బాస్ లోకి మూడో కంటెస్టెంట్ గా ముమైత్ ఖాన్ వ‌చ్చింది. ‘నా పేరు క‌న‌కం’ పేరుతో హుషారైన స్టెప్పుల‌తో స్టేజ్ పై అడుగుపెట్టిన ఆమె అదే ఉత్సాహంతో బిగ్‌బాస్ హౌస్‌లో తొలి స్టెప్ వేసింది. ఈ సారి డైన‌మేట్ గా అంద‌రిని అల‌రిస్తాన‌ని ముమైత్ ఖాన్ చెప్పింది. బిగ్ బాస్ హౌస్‌ ఈ సారి కలర్ ఫుల్ గా ఉందని ఆమె పేర్కొన్నది.

రెండో కంటెస్టెంట్ గా ఓటీటీ బిగ్‌బాస్ హౌస్‌లోకి క‌మెడియ‌న్ మ‌హేష్ విట్టా అడుగుపెట్టాడు. ఈ సారి క‌ప్పు కొట్ట‌డ‌మే త‌న‌కు ల‌క్ష్య‌మంటూ చెప్పారు. గ‌త సీజ‌న్ లో మ‌హేష్ విట్టాను బిగ్ బాస్ హౌజ్‌లోకి ఆహ్వానించిన ఆషూరెడ్డి మ‌రోసారి అత‌డికి వెల్‌క‌మ్ చెప్పింది.

బిగ్ బాస్ లో తొలి కంటెస్టెంట్ గా ఆషూరెడ్డి ఎంట్రీ ఇచ్చింది. తానే మొద‌ట‌గా హౌజ్‌లోకి ఎంట‌ర్ కావ‌డం ప‌ట్ల‌ ఆనందాన్ని వ్య‌క్తం చేసింది. బిగ్‌బాస్ హౌస్‌ చూసి సంతోష‌ప‌డ‌ట‌మే కాకుండా చివ‌రి వ‌ర‌కు తాను షోలో ఉండే అవ‌కాశాన్ని ఇవ్వ‌మ‌ని బిగ్‌బాస్‌ను వేడుకుంది.

ఓటీటీ బిగ్ బాస్ సంబరాలు మొదలయ్యాయి. అట్టహాసంగా ఈ షోను ప్రారంభించారు.