Bigg Boss Elimination: రెండు రోజుల ముందుగానే ఈ వారం ఎలిమినేషన్.. మధ్యలోనే గంగవ్వ అవుట్.. కారణం ఇదే!

Bigg Boss Telugu 8 Elimination This Week Gangavva: బిగ్ బాస్ తెలుగు 8 సీజన్ మంచి రసవత్తరంగానే సాగుతోంది. వైల్డ్ కార్డ్ ఎంట్రీల తర్వాత బిగ్ బాస్ 8 తెలుగు హౌజ్‌లో మరింత కామెడీ, గొడవలు, ఫైట్స్ జరుగుతున్నాయి. నామినేషన్స్ సమయంలో ఈ గొడవలు మరింతగా ఎక్కువగా ఉంటున్నాయి. ఇదిలా ఉంటే, ఈ వారం ఎలిమినేషన్ రెండు రోజుల ముందుగానే జరగనుంది.

వాలంటీర్ ఎలిమినేషన్

అది కూడా నామినేషన్స్‌లో లేని కంటెస్టెంట్ గంగవ్వ ఈవారం మధ్యలోనే ఎలిమినేట్ అయి హౌజ్‌ను వీడనుందని సమాచారం. బిగ్ బాస్ తెలుగు 8 ఎనిమిదో వారం ఆరుగురు కంటెస్టెంట్స్ నిఖిల్, పృథ్వీరాజ్, విష్ణుప్రియ, ప్రేరణ, నైనిక పావని, మెహబూబ్ నామినేట్ అయిన విషయం తెలిసిందే. వీరు కాకుండా మధ్యలో గంగవ్వ వాలంటీర్‌గా ఎగ్జిట్ అయ్యేందుకు ఛాన్సెస్ ఉన్నాయని టాక్ నడుస్తోంది.

ఎందుకంటే, తాజాగా గంగవ్వపై అటవీశాఖ అధికారులు కేసు నమోదు చేశారు. బిగ్ బాస్ గంగవ్వతోపాటు యూట్యూబర్ రాజుపై జగిత్యాల అటవీశాఖ అధికారులకు జంతు సంరక్షణ కార్యకర్త ఆదులాపురం గౌతమ్ ఫిర్యాదు చేశారు. గంగవ్వ బిగ్ బాస్‌ (బిగ్ బాస్ తెలుగు 4 సీజన్)కు రాకముందు మై విలేజ్ షో అనే యూట్యూబ్ ఛానెల్‌తో చాలా పాపులర్ అయిన విషయం తెలిసిందే.

జ్యోతిష్యం కోసం

బిగ్ బాస్ తెలుగు 4 అనంతరం కూడా మై విలేజ్ షో యూట్యూబ్ ఛానెల్‌లో పలు వీడియోలు చేస్తూ అలరించింది. రెండేళ్ల క్రితం ఓ వీడియోలో భాగంగా జ్యోతిష్యం కోసం చిలుకను ఉపయోగించారు యూట్యూబర్ రాజు, గంగవ్వ. 2022, మే 20న గంగవ్వ చిలుక పంచాగం అనే వీడియోను అప్‌లోడ్ చేశారు.

దాంతో సొంత ప్రయోజనాల కోసం మూగ జీవాలను హింసించి, వన్య ప్రాణుల రక్షణ చట్టం ఉల్లంఘించారని గౌతమ్ ఫిర్యాదు చేశారు. వినోదం కోసం చిలుకను వాడుకోవడం చట్టం ఉల్లంఘన కిందకు వస్తుందన్న గౌతమ్ ఆరోపించారు. దాంతో ఇప్పటికే యూట్యూబర్ రాజును పోలీసులు అరెస్ట్ చేశారు. కాబట్టి, గంగవ్వను కూడా అరెస్ట్ చేయాల్సిన అవసరం వస్తుందని టాక్ నడుస్తోంది.

ప్రస్తుతం బిగ్ బాస్ తెలుగు 8 సీజన్‌లో గంగవ్వ వైల్డ్ కార్డ్ ఎంట్రీతో అడుగుపెట్టి గేమ్‌తో అలరిస్తోంది. ఒకవేళ గంగవ్వను అరెస్ట్ చేయాల్సి వస్తే ఈ వారం గంగవ్వ వాలంటీర్‌గా ఎలిమినేట్ అయ్యే అవకాశం ఉందని పలువురు రివ్యూవర్లు చెబుతున్నారు. ఒకవేళ గంగవ్వ ఎలిమినేట్ అయితే ఆ తర్వాత నామినేషన్స్‌లో ఉన్న కంటెస్టెంట్స్‌ నుంచి ఎవరినీ ఎలిమినేట్ చేసే ఛాన్స్ లేదని టాక్.

రెండు రోజుల ముందుగానే

ఇక ఈ వారం బిగ్ బాస్ తెలుగు 8 ఎలిమినేషన్ కూడా రెండు రోజుల ముందుగానే ప్లాన్ చేయనున్నారని సమాచారం. రెగ్యులర్‌గా ఆదివారం నాడు ఎలిమినేషన్ కంటెస్టెంట్‌ను చూపిస్తారు. కానీ, దాని షూటింగ్ శనివారం జరుగుతుంది. కానీ, ఈ బిగ్ బాస్ తెలుగు 8 ఎనిమిదో వారం ఎలిమినేషన్ శుక్రవారం (అక్టోబర్ 25) జరగనుందని, శనివారం (అక్టోబర్ 26) నాడు దీపావళి స్పెషల్ ఎపిసోడ్ షూట్ చేయనున్నారని సమాచారం.

అయితే, బిగ్ బాస్ 8 తెలుగు ఎనిమిదో వారం ఎలిమినేషన్‌ ఎపిసోడ్‌ను మాత్రం శనివారం చూపించనున్నారు. అలాగే, దివాళీ స్పెషల్ ఎపిసోడ్‌ను ఆదివారం ప్రసారం చేయనున్నారని తెలుస్తోంది. ఒకవేళ గంగవ్వ ఎలిమినేషన్‌ అయితే ఈవారం నామినేషన్స్‌లో ఉన్న కంటెస్టెంట్స్ సేఫ్ అయినట్లే తెలుస్తోంది.