Bigg Boss Gowtham Krishna: హీరోగా ఎంట్రీ ఇస్తోన్న బిగ్‌బాస్ గౌత‌మ్ కృష్ణ - సోలో బాయ్ ట్ర‌యాంగిల్ ల‌వ్‌స్టోరీ

Bigg Boss Gowtham Krishna: బిగ్ బాస్ సీజన్ 7లో ఓ కంటెస్టెంట్‌గా పాల్గొన్నాడు గౌత‌మ్ కృష్ణ‌. ఫైన‌ల్ చేరే కంటెస్టెంట్స్‌లో ఒక‌రిగా గౌత‌మ్ కృష్ణ నిలుస్తాడ‌ని బిగ్‌బాస్ ఫ్యాన్స్ భావించారు. కానీ అనుకోకుండా హౌజ్ నుంచి ఏడో వారంలోనే ఎలిమినేట్ అయ్యాడు. బిగ్‌బాస్ సీజ‌న్ 7 ద్వారా తెలుగు ఆడియెన్స్‌కు చేరువైన గౌత‌మ్ కృష్ణ తాజాగా హీరోగా ఎంట్రీ ఇస్తున్నాడు. అత‌డు హీరోగా న‌టిస్తోన్న కొత్త సినిమాకు సోలోబాయ్ అనే టైటిల్‌ను ఖ‌రారు చేశారు.

ట్ర‌యాంగిల్ ల‌వ్ స్టోరీగా తెర‌కెక్కుతోన్న సోలో బాయ్‌లో శ్వేతా అవాస్తి, రమ్య పసుపులేటి హీరోయిన్లుగా న‌టిస్తున్నారు. ఈ మూవీకి పి. నవీన్ కుమార్ దర్శకత్వం వ‌హిస్తోండ‌గా...సెవెన్ హిల్స్ సతీష్ నిర్మించారు. . మ‌రో బిగ్‌బాస్ కంటెస్టెంట్ ఆట సందీప్ సోలో బాయ్‌కి కొరియోగ్ర‌ఫీ అందిస్తుండ‌టం గ‌మ‌నార్హం. గ‌తంలో ఆకాశ‌వీధిలో సినిమాలో గౌత‌మ్ కృష్ణ ఓ కీల‌క పాత్ర పోషించాడు. లాంగ్ గ్యాప్ త‌ర్వాత హీరోగా సోలో బాయ్‌తో రీఎంట్రీ ఇస్తున్నాడు.

ఆకాశ వీధిలో త‌ర్వాత‌...

ఆకాశ‌వీధిలో న‌టుడిగా త‌న‌కు మంచి గుర్తింపును తెచ్చిపెట్టింద‌ని గౌత‌మ్ కృష్ణ అన్నాడు. ఆ త‌ర్వాత చాలా అవ‌కాశాలు వ‌చ్చినా క‌థ‌లు న‌చ్చ‌క‌పోవ‌డంతో సినిమాలు చేయ‌లేక‌పోయాన‌ని తెలిపాడు. "బిగ్‌బాస్‌లో ఫ్యాన్స్‌ నన్ను బాగా ఆదరించారు. బిగ్ బాస్ త‌ర్వాత తాను చేస్తోన్న ఫ‌స్ట్ ప్రాజెక్ట్‌గా “సోలో బాయ్ష ప్రేక్ష‌కుల ముందుకు రాబోతుంది” అని గౌత‌మ్ కృష్ణ చెప్పాడు.

“మంచి కాన్సెప్ట్‌తో ఎవ‌రూ సినిమా చేసినా తెలుగు ప్రేక్ష‌కులు ఆద‌రిస్తుంటారు. అలాగే మా సోలో బాయ్‌ని కూడా హిట్ చేస్తార‌నే న‌మ్మ‌క‌ముంద‌ని” గౌత‌మ్ కృష్ణ అన్నాడు.

బ‌ట్ట‌ల రామ‌స్వామి బ‌యోపిక్...

బట్టల రామస్వామి బయోపిక్ త‌ర్వాత తాను ప్రొడ్యూస్ చేస్తోన్న సినిమా ఇద‌ని నిర్మాత అన్నాడు. యూత్ ఆడియెన్స్‌కు క‌నెక్ట్ అయ్యే ఫుల్ రొమాంటిక్ అంశాల‌తో ఎంట‌ర్‌టైనింగ్‌గా ఈ మూవీ ఉంటుంద‌ని అన్నారు. రెండు పాటలు మినహా పూర్తి చిత్రం షూటింగ్ పూర్తయింద‌ని ప్రొడ్యూస‌ర్ తెలిపాడు. . ఈ త్వ‌ర‌లో టీజర్, ట్రైలర్స్‌ను రిలీజ్ చేస్తామ‌ని అన్నాడు.

ఎంట‌ర్‌టైన్‌మెంట్‌తో అంత‌ర్లీనంగా మంచి సోష‌ల్ మెసేజ్ఈ మూవీలో ఉంద‌ని చెప్పాడు. యూత్‌తో పాటు ఫ్యామిలీ ఆడియెన్స్‌ను మెప్పించేలా ఈ మూవీ ఉంటుంద‌ని డైరెక్ట‌ర్ తెలిపాడు. సోలో బాయ్‌లో పోసాని కృష్ణ‌ముర‌ళి, అనితాచౌద‌రి, ష‌ఫీ కీల‌క పాత్ర‌లు పోషిస్తున్నారు. ఈ సినిమాకు జుడా శాండీ మ్యూజిక్ అందిస్తున్నాడు.

గౌత‌మ్ బిగ్‌బాస్ రెమ్యున‌రేష‌న్‌...

కాగా బిగ్‌బాస్‌లో కంటెస్టెంట్‌గా పాల్గొన్నందుకు గౌత‌మ్ కృష్ణ భారీగానే రెమ్యున‌రేష‌న్ అందుకున్న‌ట్లు స‌మాచారం. రోజుకు ఇర‌వై ఐదు వేలు, వారానికి ల‌క్ష డెబ్బై ఐదు ల‌క్ష‌ల రెమ్యున‌రేష‌న్ ఒప్పందంతో అత‌డు బిగ్‌బాస్ హౌజ్‌లోకి అడుగుపెట్టిన‌ట్లు స‌మాచారం.

మొత్తం ఏడు వారాలు బిగ్‌బాస్‌ హౌజ్‌లో ఉన్నందుకు గాను అత‌డు ఇర‌వై రెండు ల‌క్ష‌ల డెబ్బై ఐదు వేలు రెమ్యున‌రేష‌న్ అందుకున్న‌ట్లు బిగ్‌బాస్ ఫ్యాన్స్ చెబుతోన్నారు. బిగ్‌బాస్ హౌజ్‌లో అడుగుపెట్టిన తొలిరోజు నుంచి ఎవ‌రితో క‌ల‌వ‌కుండా సోలోగా గేమ్ ఆడ‌ట‌మే గౌత‌మ్ కృష్ణ ఎలిమినేష‌న్‌కు కార‌ణ‌మ‌ని ప్ర‌చారం జ‌రిగింది.