Bigg Boss: ఈ వీక్ ఎలిమినేట్ అయ్యేది వీళ్లే? - నాకు రిలేష‌న్స్ సెట్ కావు...విష్ణుప్రియ‌తో ల‌వ్‌ట్రాక్‌పై పృథ్వీ కామెంట్స్

Bigg Boss: బిగ్‌బాస్ తెలుగు సీజ‌న్ 8లో గ్రాండ్ ఫినాలేకు చేరుకునే కంటెస్టెంట్స్‌ ఎవ‌ర‌న్న‌ది ఆస‌క్తిక‌రంగా మారింది. గౌత‌మ్, నిఖిల్‌తో పాటు మ‌రో న‌లుగురు కంటెస్టెంట్స్ మ‌ధ్య ఓటింగ్‌తో పాటు టాస్కుల్లో గ‌ట్టిపోటీ నెల‌కొంది. ఎవ‌రికి వారు త‌గ్గేదేలే అంటూ ఫినాలే రేసులో కొన‌సాగుతోన్నారు.

నిఖిల్ వ‌ర్సెస్ గౌత‌మ్‌…

ఓటింగ్‌లో సీజ‌న్ ఆరంభం నుంచి నిఖిల్ టాప్‌లో కొన‌సాగుతూ వ‌స్తోన్నాడు. గౌత‌మ్ అత‌డికి గ‌ట్టి పోటీ ఇస్తోన్నాడు. ప్ర‌స్తుతం ఇద్ద‌రి మ‌ధ్య ఓటింగ్‌లో ఐదు శాతం వ‌ర‌కు మాత్ర‌మే డిఫ‌రెన్స్ ఉన్న‌ట్లు స‌మాచారం. ప్ర‌స్తుతం ఓటింగ్‌తో గేమ్ ప‌రంగా చూసుకుంటే. నిఖిల్‌, గౌత‌మ్‌తో పాటు ప్రేర‌ణ‌, న‌బీల్ ఫైన‌ల్ చేరుకోనున్న‌ట్లు ప్ర‌చారం జ‌రుగుతోంది.

ఓటింగ్ టాప్‌....

ప్ర‌స్తుతం ఓటింగ్‌లో నిఖిల్ టాప్‌లో ఉండ‌గా...రెండో స్థానంలో గౌత‌మ్ కృష్ణ నిలిచాడు. మూడో ప్లేస్‌లో న‌బీల్ ఉండ‌గా...ప్రేర‌ణ నాలుగు స్థానంలో కొన‌సాగుతోంది. ఆ త‌ర్వాత ప్లేసుల్లో విష్ణుప్రియ, పృథ్వీ, అవినాష్‌, టేస్టీ తేజ ఉన్నారు.

డ‌బుల్ ఎలిమినేష‌న్‌...

ఈ వీక్ బిగ్‌బాస్‌లో డ‌బుల్ ఎలిమినేష‌న్ ఉండ‌బోతున్న‌ట్లు స‌మాచారం. ఓటింగ్‌లో చివ‌ర‌లో ఉన్న అవినాష్, టేస్టీ తేజ‌తో పాటు, విష్ణుప్రియ‌ పృథ్వీల‌లో ఇద్ద‌రు హౌజ్ నుంచి బ‌య‌ట అడుగుపెట్ట‌బోతున్న‌ట్లు స‌మాచారం. ఆ ఇద్ద‌రు ఎవ‌ర‌న్న‌ది ఆస‌క్తిక‌రంగా మారింది. లాస్ట్ వీక్‌లో పృథ్వీ టాస్కుల్లో బాగా ఆడ‌టం కొంత అత‌డికి క‌లిసివ‌చ్చే అవ‌కాశం క‌నిపిస్తోంది. ఈ వీక్ డేంజ‌ర్‌జోన్‌లో విష్ణుప్రియ‌, అవినాష్ ఉన్న‌ట్లు తెలుస్తోంది. ఈ ఇద్ద‌రు ఎలిమినేట్ అయ్యే ఛాన్సెస్ ఎక్కువ‌గా క‌నిపిస్తున్నాయ‌ని అంటున్నారు.

అఖిల్‌, అలేఖ్య హారిక‌.

టికెట్ టూ ఫినాలే టాస్కుల్లో భాగంగా బిగ్‌బాస్ మాజీ కంటెస్టెంట్స్‌ అఖిల్‌, అలేఖ్య‌ హారిక హౌజ్‌లోకి వ‌చ్చారు. వాళ్ల‌ను చూసి వైల్డ్ కార్డులు కావొచ్చున‌ని కంటెస్టెంట్స్ భ‌య‌ప‌డిపోయారు.

వ‌చ్చి రావ‌డంతోనే విష్ణుప్రియ‌ను టార్గెట్ చేశాడు అఖిల్‌. ఫోర్స్‌ఫుల్ రిలేష‌న్స్ క‌రెక్ట్ కాద‌ని, వాటిని వ‌దిలేసి ముందుకు వెళితేనే జ‌ర్నీ బాగుంటుంద‌ని విష్ణుప్రియ‌, పృథ్వీ ల‌వ్ ట్రాక్‌పై కామెంట్స్ చేశాడు. ఓ ప‌ర్స‌న్ మీద ఇష్టం ఉంద‌ని అన్నాను...కానీ అది ప్రేమ అని...మ‌రోటి అని నేను ఎక్క‌డ చెప్ప‌లేదంటూ అఖిల్‌పై విష్ణుప్రియ కౌంట‌ర్ వేసింది. నేను నాలానే ఉంటూ వ‌స్తోన్నాన‌ని అన్న‌ది.

రిలేష‌న్స్ సెట్ కావు...

విష్ణుప్రియ తో ల‌వ్ ట్రాక్‌పై పృథ్వీ ఒపినియ‌న్ అడిగింది హారిక‌. విష్ణుప్రియ త‌న‌కు మంచి ఫ్రెండ్ మాత్ర‌మేన‌ని, ఈ రిలేష‌న్స్ నాకు సెట్ కావంటూ పృథ్వీ క్లారిటీ ఇచ్చాడు. ఇదే విష‌యం చాలా సార్లు విష్ణుప్రియ‌తో చెప్పాన‌ని అన్నాడు.

న‌చ్చితే ఉంటాను...

నాకు ఇష్ట‌మైన వాళ్ల‌ను పైన పెట్ట‌డం నాకు ఇష్టం అంటూ అఖిల్‌తో వాదించింది విష్ణుప్రియ‌. నా బిహేవియ‌ర్ న‌చ్చితే ఆడియెన్స్ నాకు ట్రోఫీ ఇస్తారు. వాళ్ల‌కు నేను న‌చ్చ‌లేదంటే ఇక్క‌డ ఉండ‌ను అంటూ అఖిల్‌తో వాద‌న‌కు దిగింది.

న‌లుగురి పేర్లు...

ఆ త‌ర్వాత టికెట్ టూ ఫినాలే రేసుకోసం ఇద్ద‌రిని సెలెక్ట్ చేసేందుకు కంటెస్టెంట్స్‌తో ర‌క‌ర‌కాల గేమ్స్ ఆడించారు అఖిల్ హారిక‌. చివ‌ర‌కు గౌత‌మ్‌, రోహిణిని సెలెక్ట్ చేశారు. వీరితో పాటు మ‌రి ఇద్ద‌రి పేర్లు కూడా చెప్ప‌మ‌ని బిగ్‌బాస్ అడ‌గ‌టంతో టేస్టీ తేజ‌, విష్ణుప్రియ‌ను టికెట్ టూ ఫినాలే కోసం ఎంపిక‌చేశారు.