Bigg Boss 7 Telugu : సందీప్ ఎలిమినేట్.. రతికా మీద యావర్ ఫోకస్.. అందరికి అదే అభిప్రాయం

బిగ్ బాస్ 7 తెలుగు(Bigg Boss 7 Telugu) తాజా ఎపిసోడ్ ఆసక్తిగా సాగింది. ప్రియాంక, శోభా శెట్టి, అమర్‍దీప్‍కు గట్టి షాక్ తగిలింది. తమతో క్లోజ్‍గా ఉన్న ఆట సందీప్ ఎలిమినేట్ అయ్యాడు. ఇప్పటి వరకూ సందీప్ నామినేషన్స్ లోకి రాలేదు. కానీ వచ్చిన మెుదటిసారే.. బయటకు వెళ్లాల్సిన పరిస్థితి ఏర్పడింది. నామినేషన్స్ లోకి వస్తే.. ఎవరు ఏంటి అని జనాలకు అర్థమయ్యేది. కానీ సందీప్ నామినేషన్స్ లోకి రాకపోయేసరికి.. అతడికి ప్రజల్లో ఫాలోయింగ్ కూడా పెరగలేదు. దీంతో జనాలు బయటకు పంపించేశారు.

కానీ సందీప్ ఎలిమినేషన్(Sandeep Elimination) మాత్రం.. శోభా, ప్రియాంక, అమర్‍దీప్‍కు పెద్ద దెబ్బ అనే చెప్పాలి. వీరు నలుగురు కలిసి ఆడినట్టుగా జనాల్లోకి వెళ్లింది. ఎలిమినేషన్ ప్రాసెస్‍లో చివరి వరకు శోభా, సందీప్ వచ్చారు. సందీప్ ఎలిమినేట్ అవ్వడంతో శోభా తట్టుకోలేకపోయింది. బాగా ఏడ్చేసింది. నా బలం పోయిందని కన్నీరు పెట్టుకుంది. వెళ్లే ముందు సందీప్ కూడా అందరి గురించి పాజిటివ్‍ అభిప్రాయం చెప్పాడు. ఇక శోభా ఇప్పటికీ డేంజర్ జోన్‍లోనే ఉన్నట్టుగా తెలుస్తోంది. ఆమె ఆట తీరుపై జనాలకు చిరాకు వచ్చింది. ప్రతీ విషయంలో గొడవ పడటం అనేది ఎవరికీ నచ్చడం లేదు. హౌస్‍లోని కంటెస్టెంట్లకు ఇదే అభిప్రాయం ఉంది.

మరోవైపు రతికా(Rathika) మాత్రం బయట నుంచి వచ్చినా.. ఇంకా తన ఆట మాత్రం మెుదలుపెట్టలేదు. ఎక్కువగా యావర్‍తో కలిసి ఉంటుంది. నాగార్జున కూడా ఇంకా రతికా ఆట మెుదలు కాలేదనే చెప్పుకొచ్చారు. కంటెస్టెంట్లు కూడా అదే అభిప్రాయంలో ఉన్నారు. సోమవారం నామినేషన్స్ లోనూ రతికాను ఇదే విషయంపై నామినేట్ చేసే అవకాశాలు ఎక్కువగా ఉన్నాయి. ప్రశాంత్ దగ్గరకు వెళ్లి మాట్లాడమని అడగటం కూడా రతికాకు నెగెటివ్ అయ్యిందనే చెప్పాలి. నెక్ట్స్ వీక్ నామినేషన్‍లో రతికా ఉండే అవకాశం ఉంది.

ఇక తాజా ఎపిసోడ్‍లో బిగ్ బాస్ ఓ టాస్క్ ఇచ్చాడు. ఇద్దరి ఫొటోలు ఇచ్చి.. అందులో బోటులో నుంచి ఎవరిని కిందకు తోసేస్తావనే ప్రశ్న అడిగారు నాగార్జున. అయితే యావర్ సమయం వచ్చినప్పుడు శివాజీ, రతికా ఫొటోలు పెట్టారు. యావర్ మాత్రం.. శివాజీని సేఫ్ చేస్తానని, రతికాను కిందకు తోసేస్తానని చెప్పాడు. శివాజీ తనకు మెుదటి నుంచి పిల్లర్‍లాగా సపోర్ట్ చేస్తున్నాడని, అందుకే అన్న అంటే ఇష్టమని తెలిపాడు. కానీ ఈ విషయాన్ని రతికా మాత్రం జీర్ణించుకోలేకపోయింది. యావర్ వచ్చినా సరిగా మాట్లాడలేదు. ఎందుకు అలా చేయాల్సి వచ్చిందని వివరించే ప్రయత్నం చేసినా.. కొంచెం టైమ్ కావాలని అడిగింది.

నాగార్జున కూడా హౌస్‍లో ఏదో గొడవ జరిగినట్టుగా ఉందని అన్నాడు. అవును సర్.. ఎవరు ఏంటో.. అర్థమవుతుందని, ఎలా బ్యాలెన్స్ గా ఉండాలో తెలుస్తుందని చెప్పుకొచ్చింది. నీ కారణంగా ఇతరులు బ్యాలెన్స్ తప్పుతారని, నువ్ తప్పవు అని నాగార్జున అన్నారు. శివాజీ, ప్రశాంత్ మాత్రం యావర్ ను బోటులో నుంచి తోసేస్తామని చెప్పుకొచ్చారు. కారణం కూడా ఫోకస్ తప్పుతున్నాడని తెలిపారు. దీంతో యావర్ ఫోకస్ రతికా మీద పెడుతున్నట్టుగా జనాలకు అర్థమైంది. సందీప్ మాస్టర్ వెళ్తూ.. వెళ్తూ.. కూడా యావర్ ఫోకస్ తప్పకు అని చెప్పాడు. మెున్నటి వరకూ బాగా ఆడిన యావర్.. రతికా రాగానే ఫోకస్ తప్పుతున్నట్టుగా ప్రజల్లోకి వెళ్తుంది.