Bigg Boss Elimination: ఆట సందీప్ ఔట్.. అవమానించి మరి ఎలిమినేషన్.. బొంగులో డ్యాన్సర్ అంటూ!

Bigg Boss 7 Telugu 8th Week Elimination: సెప్టెంబర్ 3న ప్రారంభమైన బిగ్ బాస్ 7 తెలుగు సీజన్‌లో ఇప్పటివరకు అంతా అమ్మాయిలే ఎలిమినేట్ అయి వెళ్లిపోయారు. మొదటి వారం కిరణ్ రాథోడ్, రెండో వారం షకీలా, మూడో వారం సింగర్ దామిని, నాలుగోవారం రతిక, ఐదోవారం శుభ శ్రీ రాయగురు ఎలిమినేట్ అయ్యారు. వైల్డ్ కార్డుతో ఎంట్రీ ఇచ్చిన వాళ్లల్లో కూడా ఆరో వారం నయని పావని, ఏడో వారం పూజా మూర్తి ఎలిమినేట్ అయ్యారు.

షూటింగ్ పూర్తి

కానీ, మొదటిసారి హౌజ్ నుంచి ఒక అబ్బాయి ఎలిమినేట్ అయ్యాడు. అది కూడా టాప్ కంటెస్టెంట్, టైటిల్ ఫేవరెట్‌గా బరిలోకి దిగిన ఆట సందీప్. బిగ్ బాస్ 7 తెలుగు 8వ వారం ఎలిమినేషన్‌లో ఊహించని ట్విస్ట్ జరిగింది. ఈవారం అనూహ్యంగా ఎవరూ ఊహించనివిధంగా ఆట సందీప్ ఎలిమినేట్ అయ్యాడు. దీనికి సంబంధించిన షూటింగ్ కూడా పూర్తి అయిందని బిగ్ బాస్ వర్గాల నుంచి వచ్చిన సమాచారం. అయితే, ఎలిమినేషన్‌కు ముందు ఆట సందీప్‌ను బీబీ టీమ్ అవమానించినట్లుగా టాక్ నడుస్తోంది.

బొంగులో ఆన్సర్

బిగ్ బాస్ 7 తెలుగు అక్టోబర్ 28వ తేది శనివారం నాటి ఎపిసోడ్‌లో ఒక్కొక్కరి ఆట తీరుపై నాగార్జున రివ్యూ ఇచ్చాడు. అందులో భాగంగానే ఆట సందీప్‌ను లేపి బొంగులో డ్యాన్సర్ గురించి మాట్లాడుకుందాం అని నాగ్ అన్నారు. సందీప్ నువ్ డ్యాన్సర్‌వా.. కొరియోగ్రాఫర్‌వా అని నాగ్ అడిగితే.. రెండు అని సమాధానం ఇచ్చాడు. దానికి బొంగులో ఆన్సర్ ఇవ్వకు నాకు అని నాగ్ ఫైర్ అయ్యారు. నువ్ టైటిల్ గెలిచింది డ్యాన్సర్‌గానే కదా.. ఎందుకు అంత యాటిట్యూడ్ అంటూ విరుచుకుపడ్డారు.

కరెక్ట్ కాదంటూ

అయితే, ఇదివరకు ప్రశాంత్‌తో సందీప్ అన్న మాట గురించి ప్రస్తావిస్తూ బొంగులో డ్యాన్సర్ అంటూ నాగార్జున చురకలు అంటించారు. ఇలా ఎలిమినేషన్‌కు ముందు రోజు సందీప్‌ డ్యాన్స్ పై నెగెటివ్ కామెంట్స్ చేస్తూ అవమానించారని టాక్. ఎలిమినేషన్ అవుతాడని తెలిసిన నాగార్జున సందీప్‌ను అలా మాటలు అనడం కరెక్ట్ కాదని పలువురు అభిప్రాయపడుతున్నారు. ఇదిలా ఉంటే బిగ్ బాస్ హౌజ్ కొంతమందికి ప్లస్ అయితే, చాలా మందికి మైనస్ అవుతుంది. ఇప్పుడు సందీప్‌కు ఈ హౌజ్ ద్వారా నెగెటివిటీ ఏర్పడిందని తెలుస్తోంది.