Bigg Boss 7 Telugu : నాగార్జున ముందే భోలేపై మోనిత ఫైర్.. శోభాకు గట్టిగా ట్రై చేస్తున్న తేజ

బిగ్ బాస్ 7 తెలుగు(Bigg Boss 7 Telugu) శనివారం ఎపిసోడ్‍లో మెుదట కెప్టెన్సీ టాస్క్ జరిగింది. కళ్లకు గంతలు కట్టుకుని.. Captain అని ఇంగ్లీషులో బోర్డుపై పెట్టాలని టాస్క్ ఇచ్చాడు బిగ్ బాస్. సందీప్, అర్జున్ మధ్య పోటి ఉంది. ఇందులో అర్జున్ గెలిచి హౌస్‍లో మూడో కెప్టెన్ అయ్యాడు. యావర్ కెప్టెన్ బ్యాడ్జ్ తీసుకొచ్చి అర్జున్‍కు ఇచ్చాడు. తర్వాత అందరు వీకెండ్ ఎపిసోడ్ కోసం సిద్ధమయ్యారు. ఈ సందర్భంగా శోభా శెట్టి, అమర్‍పై నాగార్జు ప్రాంక్ చేశారు. శోభాకు వచ్చిన కేక్ విషయంలో సీరియస్ అయినట్టు నటించారు. కానీ తర్వాత అమర్‍దీప్ కోసం ప్రత్యేకంగా కేక్ తెప్పించారు. దానిపై వెల్ డన్ అమర్‍దీప్ అని రాయించారు. ఈ వారం అమర్‍దీప్ ఆటను మెచ్చుకున్నారు నాగార్జున.

నామినేషన్స్ సమయంలో భోలే బూతులు వాడిన విషయం తెలిసిందే. అప్పటి నుంచి శోభా శెట్టి(Shobha Shetty), ప్రియాంకను క్షమాపణలు అడుగుతూనే ఉన్నాడు. వీకెండ్ ఎపిసోడ్లో మళ్లీ ఈ విషయాన్ని చర్చకు పెట్టారు నాగార్జున. అలా మాట్లాడటం తప్పు కదా అని భోలేతో అన్నారు. అతడు కూడా తప్పే సర్.. ఫ్లోలో వచ్చిందని చెప్పుకొచ్చాడు. కానీ హౌస్‍లో డిగ్నిటీ ఉండాలని, ఇంకోసారి రిపీట్ చెయెుద్దని చెప్పారు. కానీ క్షమాపణలు అడిగిన తీరులో నిజాయితీ కనిపించిందని బోలేకు థాంక్స్ చెప్పారు నాగార్జున. అతడి క్షమాపణలు యాక్సెప్ట్ చేశావా అని శోభాశెట్టిని అడగ్గా.. చేయలేదని సీరియస్ గా మాట్లాడింది. ఈ విషయంలో ప్రియాంక రియాక్ట్ అయిన విధానాన్ని మెచ్చుకున్నారు నాగ్.

పల్లవి ప్రశాంత్‍(Pallavi Prashanth)ను సందీప్ మాస్టర్ ఊరోడు అన్నాడనే విషయంపై నాగార్జున మాట్లాడారు. కానీ ఈ విషయంలో ప్రశాంత్‍నే తప్పుబట్టారు. సందీప్ ఒట్టు వేయాల్సిన అవసరం లేదని చెప్పారు. ఇక శోభా శెట్టి యాక్సెప్ట్ చేస్తే.. టాటు వేయించుకునేందుకు సిద్ధమని టేస్టీ తేజ చెప్పుకొచ్చాడు. శోభా అనే పేరు రెండు అక్షరాలే కాబట్టి.. రెండు తోడల మీద రెండు అక్షరాలు వేయించుకుంటానని ఫన్నీగా మాట్లాడాడు.

ఎవరైనా ఏదైనా మాట్లాడేది ఉందా అని అడగ్గా.. శివాజీ గురించి అర్జున్ మాట్లాడాడు. శివాజీ అన్నకు చేయి సరిగా లేదని, ఇంకా ఎన్ని రోజులు ఇలా లాక్కొస్తాడని హౌస్‍లో అందరి మనసులో ఉందని అడిగాడు అర్జున్. దీంతో శివాజీని కన్ఫెషన్ రూములోకి నాగార్జున పిలిచి మాట్లాడారు. నొప్పి ఎక్కువగా ఉందని, పంపించమని అడిగాడు శివాజీ. ట్రీట్మెంట్ ఇప్పిస్తామని నాగార్జున చెప్పగా సరేనని ఒప్పుకున్నాడు. శివాజీ రెట్టింపు ఉత్సాహంతో ఆడుతాడని హౌస్‍లో అందరి ముందు చెప్పారు నాగార్జున.

కంటెస్టెంట్ల మధ్య నిచ్చెన, పాము టాస్క్ పెట్టారు నాగార్జున. ఎవరు ఎవరికీ పాము, నిచ్చెన చెప్పాలని అడిగారు. ఇందులో ఎక్కువ మంది అర్జున్, శివాజీ నిచ్చెనగా చెప్పారు. అంతేకాదు.. పాము కూడా శివాజీ పేరునే ఎక్కువ మంది చెప్పుకొచ్చారు. ఈ సందర్భంగా శోభా శెట్టి పాముగా భోలే పేరు చెప్పింది. అప్పుడు కూడా సీరియస్‍గా మాట్లాడింది. ఇదే తగ్గించుకోవాలని, చెప్పేది వినాలని భోలే సమాధానం ఇచ్చాడు.