Bigg Boss 6 Telugu 57 Episode: ఆదిరెడ్డి ఎలిమినేట్ అవుతాడ‌ని ఏడ్చేసిన గీతూ - నో డ‌బుల్ ఎలిమినేషన్
Bigg Boss 6 Telugu 57 Episode: ఈ వారం డ‌బుల్ ఎలిమినేషన్ ఉంటుంద‌ని చెప్పి చివ‌రి వ‌ర‌కు హౌజ్‌మేట్స్‌లో టెన్ష‌న్ క్రియేట్ చేశాడు నాగార్జున. చివ‌ర‌లో ఆదిరెడ్డి, మ‌రీనా ఇద్ద‌రిని సేవ్ చేశాడు ఆదిరెడ్డి ఎలిమినేట్ అవుతున్నాడ‌ని భావించిన గీతూ ఎమోష‌న‌ల్ అయిపోయి ఏడ్చేసింది.
Bigg Boss 6 Telugu 57 Episode: బిగ్‌బాస్ ఏడో వారంలో ఊహించ‌ని విధంగా సూర్య ఎలిమినేట్ అయ్యాడు. స్టేజ్‌పైకి వ‌చ్చిన సూర్య తాను ఇంత త్వ‌ర‌గా ఎలిమినేట్ అవుతాన‌ని ఎక్స్‌పెక్ట్ చేయ‌లేద‌ని అన్నాడు. ఇప్ప‌టివ‌వ‌ర‌కు తాను ఎక్కువ‌గా నామినేష‌న్స్‌లో లేన‌ని, బాగా ఆడుతున్నాడ‌నే ఫీలింగ్‌లో ప్రేక్ష‌కులు ఓట్లు వేయ‌డం మ‌ర్చిపోయిండొచ్చ‌ని సూర్య చెప్పాడు. నామినేష‌న్స్ బిగ్గెస్ట్ టాస్క్ అందులో ఉంటేనే గేమ్‌లో స‌ర్వైవ్ అవుతామ‌ని తెలుసుకునే లోపు తాను ఎలిమినేట్ అయ్యాన‌ని సూర్య నాగార్జున‌తో అన్నాడు. సూర్య‌ను స్టేజ్‌పై చూడ‌గానే ఇనాయా మ‌రోసారి ఎమోష‌న‌ల్ అయ్యింది.
ఫైర్, ఫ్లవర్స్...
ఈ హౌజ్‌లో ఫ్లవర్స్ ఎవ‌రు, ఫైర్ ఎవ‌రో చెప్పాల‌ని సూర్య‌కు నాగార్జున టాస్క్ ఇచ్చాడు. రేవంత్, గీతూ, శ్రీహాన్, బాలాదిత్య ఫైర్ అని సూర్య పేర్కొన్నాడు. ఫైర్ పాజిటివ్ ఫ్ల‌వ‌ర్ నెగెటివ్ అని నాగార్జున క్లారిటీ ఇవ్వ‌డంతో ఫొటోల‌ను మార్చేశాడు. రేవంత్, గీతూ, శ్రీహాన్, బాలాదిత్య ఫొటోల‌ను ఫ్ల‌వ‌ర్ బోర్డ్‌పై పెట్టాడు. ఫైమా, ఇనాయా, రాజ్, కీర్తి ఫైర్ అని పేర్కొన్నాడు. ఈ క్ర‌మంలో ఇనాయా, సూర్య సైగ‌ల‌తో మాట్లాడుకోవ‌డం ఆస‌క్తిని రేకెత్తించింది.
ఇనాయా మ్యాచింగ్ డ్రెస్
సూర్య కోస‌మే మ్యాచింగ్ డ్రెస్ వేసుకున్న‌ట్లు ఇనాయా చెప్పింది. ఇద్ద‌రి ఆట క‌లిపి తాను ఆడుతాన‌ని పేర్కొన్న‌ది. అపోజిట్ ప‌ర్స‌న్స్ క్లోజ్ అవుతారంటే తాను న‌మ్మ‌లేద‌ని, హౌజ్‌లో ఇనాయా ద్వారా అది చూశాన‌ని రాజ్ అన్నాడు. ఇనాయాలో ఫైర్ ఇంకా క‌న‌బ‌డాల‌ని చెప్పాడు. సూర్య గుర్తుగా చేతికి పెట్టుకున్న ఉంగ‌రాన్ని చూపించింది ఇనాయా.
డ‌బుల్ ఎలిమినేషన్..
ఆ త‌ర్వాత ఈ వారం మ‌రో ఎలిమినేషన్ ఉంటుంద‌ని నాగార్జున పేర్కొన్నాడు. క‌త్తుల టాస్క్‌లో తొలుత శ్రీస‌త్య, రాజ్ సేఫ్ అయ్యారు. ఆ త‌ర్వాత బిగ్‌బాస్ హౌజ్‌లో సంతోష్‌శోభ‌న్‌, ఫ‌రియా అబ్దుల్లా సంద‌డి చేశారు. హౌజ్‌లోకి వ‌చ్చిన వారు కంటెస్టెంట్స్‌ను రెండు టీమ్స్‌గా విడ‌గొట్టి గేమ్ ఆడించారు. పీపీతో గేమ్ ఆడించాడు. డ్యాన్స్‌ల‌తో కంటెస్టెంట్స్ సంద‌డి చేశారు. ఆ త‌ర్వాత ఫిష్ టాస్క్‌లో వాసంతి, శ్రీహాన్ సేఫ్ అయ్యారు. ఆ త‌ర్వాత క‌ల‌ర్ టాస్క్‌లో కీర్తి, రేవంత్, ఫిష్ టాస్క్‌లో రోహిత్‌, గీతూ సేఫ్ అయ్యారు.
శ్రీహాన్ అప‌రిచితుడు...
ఆ త‌ర్వాత కంటెస్టెంట్స్‌తో మ‌నిషికో పేరు టాస్క్ ఆడించాడు నాగార్జున. ఇందులో ఏ ట్యాగ్‌కు ఎవ‌రు సెట్ అవుతారో చెప్ప‌మ‌ని నాగార్జున హౌజ్‌మేట్స్‌ను ఆదేశించాడు. ఇందులో ర‌చ్చ అనే ట్యాగ్‌ను గీతూకు ఇచ్చింది మ‌రీనా ఇచ్చింది. చాలా ర‌చ్చ చేస్తుంద‌ని చెప్పింది. అప‌రిచితుడు అనే ట్యాగ్‌ను శ్రీహాన్‌కు కీర్తి ఇచ్చింది. శ్రీహాన్‌లో మ‌రో కోణం ఉంద‌ని అన్న‌ది. మ‌హాన‌టి అనే ట్యాగ్‌ను ఇనాయాకు ఇచ్చాడు శ్రీహాన్. ప్ర‌తివారం ఒక్కోలా మారిపోతుంద‌ని అన్నాడు.
క‌ప‌ట‌ధారి అనే ట్యాగ్‌ను శ్రీహాన్‌కు ఇచ్చింది ఇనాయా. ప్ర‌తి విష‌యంలో క‌న్నింగ్‌గా క‌న‌బ‌డుతాడ‌ని అన్న‌ది. శ్వేత‌నాగు అనే ట్యాగ్‌ను కీర్తికి ఇచ్చింది శ్రీస‌త్య. వ‌కీల్ సాబ్ అనే ట్యాగ్‌ను బాలాదిత్య‌కు ఇచ్చాడు రేవంత్. ఈ టాస్క్‌లో రేవంత్‌కు ఒక్క ట్యాగ్ కూడా ప‌డ‌లేదు. ప‌డ‌వ టాస్క్‌లో బాలాదిత్య, ఫైమా సేఫ్ అయ్యారు. ఆ త‌ర్వాత ఇచ్చిన టాస్క్‌లో ఇనాయా సేఫ్ అయ్యింది. ఆ త‌ర్వాత ఇచ్చిన ఆల్చిప్ప టాస్క్ ఇనాయా సేఫ్ అయ్యింది. నామినేష‌న్స్‌లో మ‌రీనా, ఆదిరెడ్డి ఉండ‌టంతో ఈ ఇద్ద‌రిలో ఒక‌రు ఎలిమినేట్ అవుతార‌ని నాగార్జున అన్నాడు.
ఎమోష‌న‌ల్ అయిన గీతూ
ఆదిరెడ్డి ఎలిమినేట్ అవుతాడ‌ని భావించిన గీతూ ఏడ్చేసింది. ఆదిరెడ్డి వెళ్లిపోతే త‌న‌ను అర్థం చేసుకునే వాళ్లు ఉండ‌రంటూ క‌న్నీళ్లు పెట్టుకున్న‌ది. కుండ టాస్క్‌లో మ‌రీనా, ఆదిరెడ్డి ఇద్ద‌రు సేఫ్ అని నాగార్జున ప్ర‌క‌టించ‌డంతో హౌజ్ అంద‌రూ సంతోషంగా ఫీల‌య్యారు
