Subbaraju Wedding: బ్యాచ్‌ల‌ర్ లైఫ్‌కు గుడ్ బై చెప్పిన టాలీవుడ్ న‌టుడు - పెళ్లి ఫొటోల‌తో స‌ర్‌ప్రైజ్‌

Subbaraju Wedding: టాలీవుడ్ న‌టుడు సుబ్బ‌రాజు ఓ ఇంటివాడ‌య్యాడు. త‌న పెళ్లి ఫొటోల‌ను షేర్ చేసి అభిమానుల‌ను స‌ర్‌ప్రైజ్ ఇచ్చాడు. ఈ ఫొటోల్లో బీచ్ ఒడ్డున‌ పెళ్లి దుస్తుల్లో సుబ్బ‌రాజుతో పాటు అత‌డి భార్య క‌నిపిస్తోన్నారు. వ‌ధువు ఎవ‌రు? పెళ్లి ఎప్పుడు జ‌రిగింద‌న్న‌ది మాత్రం సుబ్బ‌రాజు వెల్ల‌డించ‌లేదు.

సింపుల్‌గా పెళ్లి....

కుటుంబ‌స‌భ్యులు, కొద్ది మంది స‌న్నిహితుల స‌మ‌క్షంలో సింపుల్‌గా సుబ్బ‌రాజు పెళ్లి జ‌రిగిన‌ట్లుగా తెలుస్తోంది. సుబ్బ‌రాజు వైఫ్ ఓ ఎన్ఆర్ఐ అని స‌మాచారం. న‌ల‌భై ఏడేళ్ల వ‌య‌సులో సుబ్బ‌రాజు పెళ్లిచేసుకోవ‌డం ఆస‌క్తిక‌రంగా మారింది. కొత్త జంట‌కు అభిమానులు శుభాకాంక్ష‌లు అంద‌జేస్తోన్నారు.

వంద‌కుపైగా సినిమాలు...

తెలుగులో వంద‌కుపైగా సినిమాల్లో విల‌న్‌గా, క్యారెక్ట‌ర్ ఆర్టిస్ట్‌గా న‌టించాడు సుబ్బ‌రాజు. కృష్ణ‌వంశీ ద‌ర్శ‌క‌త్వంలో రూపొందిన ఖ‌డ్గం మూవీతో టాలీవుడ్‌లోకి ఎంట్రీ ఇచ్చాడు సుబ్బ‌రాజు. పూరి జ‌గ‌న్నాథ్ ద‌ర్శ‌క‌త్వంలో వ‌చ్చిన అమ్మ నాన్న ఓ త‌మిళ అమ్మాయి విల‌న్‌గా అత‌డికి మంచి పేరు తెచ్చిపెట్టింది. దేశ‌ముదురు, పోకిరి, భ‌ద్ర‌, బిల్లా, దూకుడు, టెంప‌ర్‌తో పాటు ప‌లు సూప‌ర్ హిట్ సినిమాల్లో విల‌న్‌గా న‌టించాడు.

బాహుబ‌లిలో...

ప్ర‌భాస్ బాహుబ‌లి మూవీలో కూమ‌ర‌వ‌ర్మ అనే యువ‌రాజుగా కామెడీ రోల్‌లో సుబ్బ‌రాజు న‌టించాడు. పూరి జ‌గ‌న్నాథ్ ప్ర‌తి సినిమాలో సుబ్బ‌రాజు త‌ప్ప‌కుండా క‌నిపిస్తుంటాడు. తెలుగులోనే కాకుండా త‌మిళం, మ‌ల‌యాళం, హిందీ, క‌న్న‌డ భాష‌ల్లో సినిమాలు చేశాడు సుబ్బ‌రాజు.

పెళ్లికి దూరం...

పెళ్లికి తాను దూరంగా ఉండాల‌ని అనుకుంటున్న‌ట్లు ప‌లు ఇంట‌ర్వ్యూల్లో సుబ్బ‌రాజు చెప్పాడు. ఒంట‌రిగానే ఉండ‌టానికి ఇష్ట‌ప‌డుతానంటూ చెప్పాడు. పెళ్లి చేసుకోవ‌డానికి త‌న‌కు బ‌ల‌మైన రీజ‌న్ అంటూ ఇప్ప‌టివ‌ర‌కు దొర‌క‌లేద‌ని చెబుతూ వ‌చ్చాడు. స‌డెన్‌గా పెళ్లిచేసుకొని అభిమానుల‌కు షాకిచ్చాడు.

అనుకోకుండా న‌టుడిగా...

కంప్యూట‌ర్ హార్డ్‌వేర్ జాబ్ చేసే సుబ్బ‌రాజు అనుకోకుండా సినిమాల్లోకి ఎంట్రీ ఇచ్చాడు.ల్యాప్‌ట్యాప్ రిపేర్ చేయ‌డానికి డైరెక్ట‌ర్ త‌న ఇంటికి సుబ్బ‌రాజుకు త‌న ఖ‌డ్గం సినిమాలో రోల్ ఇచ్చాడు కృష్ణ‌వంశీ. కొన్నాళ్లుగా సినిమాల స్పీడు త‌గ్గించాడు సుబ్బ‌రాజు ఇటీవ‌ల రిలీజైన విజ‌యేంద‌ర్‌రెడ్డి సినిమాలో పొలిటిక‌ల్ లీడ‌ర్ పాత్ర‌లో క‌నిపించాడు.