Bold OTT: నేరుగా ఓటీటీలోకి వ‌స్తోన్న కోలీవుడ్ బోల్డ్ మూవీ - లస్ట్ స్టోరీస్ స్ఫూర్తితో
Bold OTT: త‌మిళ బోల్డ్ మూవీ ష్! నేరుగా ఓటీటీలోకి వ‌స్తోంది. న‌వంబ‌ర్ 29 నుంచి ఆహా ఓటీటీలో ఈ మూవీ స్ట్రీమింగ్ కాబోతోంది. ష్! మూవీలో శ్రీరామ్‌, సోనియా అగర్వాల్, ఇనియా, ఐశ్వ‌ర్య ద‌త్తా కీల‌క పాత్ర‌ల్లో క‌నిపించ‌బోతున్నారు.
త‌మిళ బోల్డ్ మూవీ ష్! థియేట‌ర్ల‌లో కాకుండా నేరుగా ఓటీటీలో రిలీజ్ అవుతోంది. ఈ ఆంథాల‌జీ మూవీ న‌వంబ‌ర్ 29 నుంచి ఆహా త‌మిళ్ ఓటీటీలో స్ట్రీమింగ్ కాబోతోంది. మంగ‌ళ‌వారం ఈ సినిమా రిలీజ్ డేట్‌ను ఆహా ఓటీటీ అనౌన్స్‌చేసింది. ఈ మేర‌కు కొత్త పోస్ట‌ర్‌ను ట్విట్ట‌ర్ ద్వారా అభిమానుల‌తో పంచుకున్న‌ది.
నాలుగు క‌థ‌ల‌తో...
ష్! మూవీలో శ్రీరామ్‌, సోనియా అగర్వాల్, ఇనియా, ఐశ్వ‌ర్య ద‌త్తా కీల‌క పాత్ర‌ల్లో న‌టించారు. నాలుగు క‌థ‌ల స‌మాహారంగా ఈ ఆంథాల‌జీ మూవీ తెర‌కెక్కుతోంది. బాలీవుడ్‌లో సూప‌ర్ హిట్‌గా నిలిచిన బోల్డ్ మూవీ లస్ట్ స్టోరీస్ స్ఫూర్తితో ష్ తెర‌కెక్కుతోన్న‌ట్లు ప్ర‌చారం జ‌రుగుతోంది.
లస్ట్...రొమాన్స్...
ష్! మూవీకి పృథ్వీ ఆదిత్య, వాలి మోహ‌న్ దాస్‌, హ‌రీష్, కార్తీకేయ‌న్ ద‌ర్శ‌క‌త్వం వ‌హించారు. 2010 నుంచి 2020 వ‌ర‌కు డిఫ‌రెంట్ టైమ్‌లైన్స్‌లో ఈ ఆంథాల‌జీ మూవీ సాగ‌నున్న‌ట్లు స‌మాచారం. ఈ సినిమాలోని క‌థ‌ల‌న్నీ లస్ట్, రొమాన్స్ అంశాల చుట్టూ సాగ‌నున్న‌ట్లు తెలుస్తోంది.స్కూల్ ఏజ్‌లో ప్రేమ‌క‌థ...పెళ్లికి ముందు...పెళ్లి త‌ర్వాత...మిడిల్ ఏజ్‌లో రొమాన్స్ అంశాలతో నాలుగు జంటల క‌థ‌తో ష్! మూవీ సాగ‌నున్న‌ట్లు స‌మాచారం.
7/జీ బృందావ‌న కాల‌నీ హీరోయిన్‌...
ష్ మూవీలో 7/జీ బృందావ‌న కాల‌నీ ఫేమ్ సోనియా అగర్వాల్ కాలేజీ ఫ్రొఫెస‌ర్ పాత్ర‌లో క‌నిపించ‌బోతున్న‌ట్లు స‌మాచారం. శ్రీరామ్‌, ఐశ్వ‌ర్య ద‌త్తా క‌లిసి ఓ క‌థ‌లో క‌నిపిస్తార‌ని స‌మాచారం.
బోల్డ్ అంశాలతో పాటు అంత‌ర్లీనంగా ప్ర‌తి క‌థ‌లో ఓ మెసేజ్ ఉంటుంద‌ని అంటున్నారు.
పిండం మూవీ...
హీరోగా, క్యారెక్ట‌ర్ ఆర్టిస్ట్‌గా తెలుగు, త‌మిళ భాష‌ల్లో ప‌లు సినిమాలు చేస్తోన్నాడు శ్రీరామ్‌. గ‌త ఏడాది తెలుగులో పిండం మూవీలో హీరోగా న‌టించాడు. ర‌వితేజ రావ‌ణాసుర‌లో ఓ కీల‌క పాత్ర పోషించాడు. ఈ ఏడాది మ‌ల‌యాళంలో ఆనంద‌పురం డైరీస్ పేరుతో థ్రిల్ల‌ర్ మూవీ చేశాడు. త‌మిళంలో నాలుగు సినిమాల్లో న‌టించాడు.
7/ జీ బృందావ‌న కాల‌నీ మూవీతో బ్లాక్‌బ‌స్ట‌ర్ స‌క్సెస్‌ను అందుకున్న‌ది సోనియా అగర్వాల్. హీరోయిన్‌గా తెలుగు, త‌మిళంలో యాభైకిపైగా సినిమాలు చేసింది. క్యారెక్ట‌ర్ ఆర్టిస్ట్‌గా సెకండ్ ఇన్నింగ్ మొద‌లుపెట్టిన సోనియా అగర్వాల్ డిఫ‌రెంట్ క్యారెక్ట‌ర్స్ చేస్తోంది.
