Anasuya Ari Movie: అన‌సూయ తెలుగు మూవీని బాలీవుడ్‌లో రీమేక్ చేస్తోన్న అభిషేక్ బ‌చ్చ‌న్‌

Anasuya Ari Movie: అన‌సూయ భ‌ర‌ద్వాజ్ ప్ర‌ధాన పాత్ర‌లో న‌టిస్తోన్న అరి మూవీని బాలీవుడ్‌లో రీమేక్ చేసేందుకు అమితాబ్ బ‌చ్చ‌న్ త‌న‌యుడు బాలీవుడ్ హీరో అభిషేక్ బ‌చ్చ‌న్ ఆస‌క్తిని చూపుతోన్న‌ట్లు ప్ర‌చారం జ‌రుగుతోంది. అరి సినిమాకు జ‌య‌శంక‌ర్ ద‌ర్శ‌క‌త్వం వ‌హిస్తున్నాడు. త్వ‌ర‌లో ఈ మూవీ థియేట‌ర్ల ద్వారా తెలుగు ప్రేక్ష‌కుల ముందుకు రాబోతోంది. అరి సినిమాకు... మై నేమ్ ఈజ్ నో బడీ అనేది ఉపశీర్షిక. అనసూయ భరద్వాజ్ తో పాటు వినోద్ వర్మ, సూర్య పురిమెట్ల, సాయి కుమార్, కీల‌క పాత్ర‌లు పోషిస్తున్నారు.

త్వ‌ర‌లో రిలీజ్ డేట్‌....

ఆరి సినిమా నుంచి ఇప్పటి వరకు విడుదల చేసిన క్యారెక్టర్ లుక్స్, ట్రైలర్, సాంగ్ కు మంచి రెస్పాన్స్ వచ్చింది. ఇవాళ అయోధ్య రామమందిర ప్రారంభోత్సవం సంద‌ర్భంగా ఈ సినిమాలో సూర్య పురిమెట్ల క్యారెక్టర్ లుక్‌ను రిలీజ్ చేశారు. ఈ ఫస్ట్ లుక్ ఇంట్రెస్ట్ క్రియేట్ చేస్తూ ఆకట్టుకుంటోంది. అరి సినిమా రిలీజ్ డేట్‌ను త్వ‌ర‌లో అనౌన్స్ చేసేందుకు స‌న్నాహాలు చేస్తున్నారు. ‘అరి’ మూవీలో ఓ ప్రముఖ నిర్మాణ సంస్థ భాగస్వామి కానుంది. అరి సినిమా హిందీ రీమేక్ పై బాలీవుడ్ స్టార్ హీరో అభిషేక్ బచ్చన్ ఆసక్తి చూపిస్తున్నట్లు తెలుస్తోంది. త్వ‌ర‌లో రీమేక్‌పై కూడా క్లారిటీ రానున్న‌ట్లు తెలుస్తోంది.

పేప‌ర్ బాయ్ త‌ర్వాత‌...

అరి సినిమాకు అనూప్ రూబెన్స్ సంగీతాన్ని అందిస్తున్నారు. గ‌తంలో జ‌య‌శంక‌ర్ పేప‌ర్ బాయ్ అనే సినిమాకు ద‌ర్శ‌క‌త్వం వ‌హించాడు. కొంత గ్యాప్ త‌ర్వాత అరి సినిమాను తెర‌కెక్కిస్తోన్నాడు. ఇందులో అన‌సూయ క్యారెక్ట‌ర్ మ‌ల్టీ డైమెన్ష‌న్స్‌లో సాగుతుంద‌ని స‌మాచారం.

పుష్ప 2లో విల‌న్‌గా...

క్యారెక్ట‌ర్ రోల్స్‌, విల‌న్ పాత్ర‌లు చేస్తూ అన‌సూయ ఫుల్ బిజీగా ఉంది. గ‌త ఏడాది తెలుగులో అన‌సూయ న‌టించిన ఐదు సినిమాలు రిలీజ‌య్యాయి. మైఖేల్‌, రంగ‌మార్తండ‌, విమానం, పెద‌కాపు, ప్రేమ విమానం సినిమాల్లో డిఫ‌రెంట్ రోల్స్ చేసింది. ప్ర‌స్తుతం అల్లు అర్జున్ హీరోగా సుకుమార్ ద‌ర్శ‌క‌త్వంలో రూపొందుతోన్న పుష్ప 2లో నెగెటివ్ షేడ్ రోల్‌లో క‌నిపించ‌బోతున్న‌ది అన‌సూయ‌.

దాక్ష‌య‌ణిగా ఫ‌స్ట్ పార్ట్‌కు మించి సీక్వెల్‌లో ఆమె విల‌నిజం ఉంటుంద‌ని ప్ర‌చారం జ‌రుగుతోంది. సినిమాల కార‌ణంగా గ‌త కొంత‌కాలంగా యాంక‌రింగ్‌కు దూరంగా ఉంటోంది అన‌సూయ‌. జ‌బ‌ర్ధ‌స్థ్‌తో పాటు ప‌లు టీవీ షోస్ అన‌సూయ‌కు మంచి పేరు తెచ్చిపెట్టాయి. టీవీ, సినిమాల‌కు డేట్స్ అడ్జెస్ట్ చేయ‌డం ఇబ్బందిగా మార‌డంతో బుల్లితెర‌కు గుడ్‌బై చెప్పేసింది.

ఫ్లాష్‌బ్యాక్‌తో త‌మిళంలోకి ఎంట్రీ...

ఫ్లాష్‌బ్యాక్ అనే మూవీతో ఈ ఏడాది అన‌సూయ కోలీవుడ్‌లోకి ఎంట్రీ ఇస్తోంది. ప్ర‌భుదేవా హీరోగా న‌టిస్తోన్న ఈ మూవీ త్వ‌ర‌లో రిలీజ్ కానుంది. ఫ్లాష్‌బ్యాక్‌తో పాటు మ‌రికొన్ని త‌మిళ సినిమాల‌కు అన‌సూయ గ్రీన్ సిగ్న‌ల్ ఇచ్చింది. మ‌ల‌యాళంలో మ‌మ్ముట్టి హీరోగా న‌టించిన భీష్మ‌ప‌ర్వంలో అన‌సూయ కీల‌క పాత్ర పోషించింది.