IND vs PAK Match: ఇండియా, పాక్ మ్యాచ్‌కు ర‌జ‌నీకాంత్‌, అమితాబ్ - 11 వేల మంది పోలీసుల‌తో భ‌ద్ర‌త

IND vs PAK Match:వ‌ర‌ల్డ్ క‌ప్‌లో అత్యంత ఆస‌క్తిని రేకెత్తిస్తోన్న మ్యాచ్‌ల‌లో ఇండియా, పాకిస్థాన్ పోరు ఒక‌టి. దాయాది దేశాల మ‌ధ్య అహ్మ‌దాబాద్ వేదిక‌గా అక్టోబ‌ర్ 14న ఈ మ్యాచ్ జ‌రుగ‌నుంది. ఈ మ్యాచ్‌ను వీక్షించేందుకు రికార్డ్ స్థాయిలో అభిమానులు హాజ‌రుకాబోతున్న‌ట్లు స‌మాచారం.

సాధార‌ణ క్రికెట్ అభిమానుల‌తో పాటు సినీ, రాజ‌కీయ రంగాల‌కు చెందిన ప‌లువురు ప్ర‌ముఖులు ఇండియా, పాకిస్థాన్ మ్యాచ్‌కు హాజ‌రుకానున్న‌ట్లు స‌మాచారం. ఈ మ్యాచ్‌కు బిగ్‌బి అమితాబ్‌బ‌చ్చ‌న్‌తో పాటు ర‌జ‌నీకాంత్ స్పెష‌ల్ అట్రాక్ష‌న్‌గా నిల‌వ‌బోతున్న‌ట్లు స‌మాచారం. వీరికి బీసీసీసీ గోల్డెన్ టికెట్స్ అంద‌జేసింది. వీరితో పాటు ప‌లువురు బాలీవుడ్‌, టాలీవుడ్‌తో పాటు వివిధ భాష‌ల‌కు చెందిన సినిమా స్టార్స్ హాజ‌రుకానున్న‌ట్లు తెలిసింది.

ఇండియా, పాకిస్థాన్ మ్యాచ్ రోజు ఆర్జిత్ సింగ్‌తో స్పెష‌ల్ లైవ్ ప‌ర్ఫామెన్స్ కూడా ఉండ‌బోతున్న‌ట్లు స‌మాచారం. వ‌ర‌ల్డ్ క‌ప్ ఆరంభ వేడుక‌ల్లో ఆర్జిత్ సింగ్ లైవ్ ప‌ర్ఫామెన్స్ షో ఉండాల్సింది. కానీ సాంకేతిక స‌మ‌స్య‌ల‌తో వాయిదాప‌డింది. అత‌డి లైవ్ ప‌ర్ఫామెన్స్‌ను ఇండియా, పాకిస్థాన్ మ్యాచ్ రోజు రీ షెడ్యూల్ చేసిన‌ట్లు స‌మాచారం. ఈ మ్యాచ్‌కు స‌చిన్ టెండూల్క‌ర్‌తో పాటు ప‌లువురు మాజీ క్రికెట‌ర్లు హాజ‌రుకానున్న‌ట్లు తెలిసింది.

ఈ మ్యాచ్‌కు పెద్ద సంఖ్య‌లో సెల‌బ్రిటీలు హాజ‌రుకానున్న నేప‌థ్యంలో 11 వేల మంది పోలీసుల‌తో క‌ట్టుదిట్ట‌మైన భ‌ద్ర‌తా ఏర్పాట్లు చేస్తోన్న‌ట్లు తెలిసింది. ఎన్ఎస్‌జీ, ఆర్ఏఎఫ్‌తో పాటు బాంబు స్క్వాడ్ టీమ్‌లు కూడా ప‌నిచేయ‌బోతున్న‌ట్లు స‌మాచారం.