Upcoming compact SUVs in India : ఇండియాలో లాంచ్​కు రెడీ అవుతున్న ఎస్​యూవీలు ఇవే..!

Upcoming compact SUVs in India 2024 : ఇండియా ఆటోమొబైల్​ మార్కెట్​లోని ఎస్​యూవీ సెగ్మెంట్​లో ఇప్పటికే విపరీతమైన పోటీ నెలకొంది. కస్టమర్ల నుంచి మంచి డిమాండ్​ కనిపిస్తుండటంతో.. ఆటోమొబైల్​ సంస్థలన్నీ.. ఎస్​యూవీలపైనే ఫోకస్​ పెడుతున్నాయి. ఇండియాలో ఎస్​యూవీల జోరుకు ఇప్పట్లో బ్రేక్​లు పడేడట్టు లేవు. అందుకే.. తమ లైనప్​లో మరిన్ని ఎస్​యూవీలను చేర్చేందుకు.. సంస్థలు ప్రయత్నిస్తున్నాయి. ఈ నేపథ్యంలో.. రానున్న రోజుల్లో వివిధ ఆటోమొబైల్​ సంస్థల నుంచి లాంచ్​ అయ్యే ఎస్​యూవీల వివరాలను ఇక్కడ తెలుసుకుందాము..

స్కోడా..

రానున్న ఎస్​యూవీల లిస్ట్​లో స్కోడా ముందుంటుంది! ఈ సంస్థ.. ఎస్​యూవీలపై చాలా ఫోకస్​ చేసింది. స్కోడా కుషాక్​ రేంజ్​లో మరో ఎస్​యూవీ లాంచ్​ అవుతుందని సమాచారం. ఈ వెహికిల్​కి సంబంధించిన టెస్ట్​ డ్రైవ్​ ఇప్పటికే చాలాసార్లు జరిగింది. ఇక ఎస్​యూవీకి పేరు కోసం.. క్విక్​, కైమక్​, కైలక్​, కారిక్​, కైరోక్​ వంటి పేర్లను సంస్థ పరిశీలిస్తోందట.

ఈ స్కోడా కొత్త ఎస్​యూవీలో 1.0 లీటర్​, 3 సిలిండర్​, టర్బో పెట్రోల్​ ఇంజిన్​ ఉండనుంది. ఇది.. 115 హెచ్​పీ పవర్​ని, 178 ఎన్​ఎం టార్క్​ని జనరేట్​ చేస్తుంది. మేన్యువల్​తో పాటు ఆటోమెటిక్​ ట్రాన్స్​మిషన్​ గేర్​బాక్స్​ ఆప్షన్​ కూడా ఉంటుంది.

న్యూ జెన్​ హ్యుందాయ్​ వెన్యూ..

Best selling SUVs 2024 : హ్యుందాయ్​ వెన్యూకు ఇండియాలో ఉన్న బెస్ట్​ సెల్లింగ్​ ఎస్​యూవీల్లో వెన్యూ ఒకటి. దీనిని అప్డేట్​ చేసి చాలా కాలమైంది. ఇక ఇప్పుడు.. దీని అప్డేటెడ్​ వర్షెన్​, లాంచ్​కు రెడీ అవుతోంది సమాచారం. 2025 తొలినాళ్లల్లోనే ఇది మార్కెట్​లోకి ఎంట్రీ ఇస్తుందని తెలుస్తోంది. 2025 హ్యుందాయ్​ వెన్యూలో సరికొత్త డిజైన్​తో పాటు అనేక కొత్త ఫీచర్స్​ ఉంటాయని తెలుస్తోంది. మెకానిక్స్​ పరంగా పెద్దగా మార్పులు కనిపించకపోవచ్చు.

కియా క్లావిస్​..

ఇండియాలో కియా క్లావిస్​ ఎస్​యూవీ లాంచ్​కు రెడీ అవుతుంది. సైరోస్​ అనే పేరు ఉన్న ఈ ఎస్​యూవీ.. 2025 తొలినాళ్లల్లో ఇది లాంచ్​ అవ్వొచ్చు. ఇది.. బెస్ట్​ సెల్లింగ్​ కియా సోనెట్​, కియా సెల్టోస్​ మధ్యలో ఉంటుంది.

Kia Clavis launch in India : ఈ కియా క్లావిస్​ డిజైన్​ స్టైలిష్​గా ఉంటుందని సమాచారం. ఇందులో.. ఐసీఈ, హైబ్రీడ్​, ఎలక్ట్రిక్​ వేరియంట్లు ఉంటాయట. ఎలక్ట్రిక్​ వర్షెన్​.. 2025 రెండో భాగంలో లాంచ్​ అవ్వొచ్చు. భారీ టచ్​స్క్రీన్​ ఇన్ఫోటైన్​మెంట్​ సిస్టెమ్​, వయర్​లెస్​ యాపిల్​ కార్​ప్లే, ఆండ్రాయిడ్​ ఆటో, డిజిటల్​ కన్సోల్​, అడాస్​తో పాటు అనేక ఫీచర్స్​ ఉండనున్నాయి.

ఇండియా ఆటోమొబైల్​ మార్కెట్​పై చాలా సీరియస్​గా ఫోకస్​ చేసింది కియా. లైనప్​లో సాలిడ్​ వెహికిల్స్​ని పెట్టి, వాటిని లాంచ్​కు రెడీ చేస్తోంది.

సిట్రోయెన్..

ఇండియా ఆటోమొబైల్​ మార్కెట్​పై ఫోకస్​ చేసిన ఫ్రెంచ్ ఆటో దిగ్గజం సిట్రోయెన్.. ఇప్పటికే సీ5 ఎయిర్​క్రాస్, సీ3 ఎయిర్​క్రాస్ మోడల్స్​ని లాంచ్​ చేసింది. సిట్రోయెన్​ సీ3కి కూడా మంచి డిమాండ్​ ఉంది. ఇక ఇప్పుడు.. మరో కొత్త ఎస్​యూవీని ఇండియాలో లాంచ్​ చేసేందుకు ప్లాన్​ చేస్తోంది. దీని పేరు సిట్రోయెన్​ బసాల్ట్! ఈ కొత్త ఎస్​యూవీకి సంబంధించిన టెస్ట్​ డ్రైవ్​.. భారతీయ రోడ్లపై అనేకసార్లు జరిగింది. ఈ మోడల్​.. ఈ జూన్​లోనే లాంచ్​ అవుతుందని టాక్​ నడుస్తోంది. పూర్తి వివరాల కోసం ఇక్కడ క్లిక్​ చేయండి.