Tata Nexon SUV : టాటా నెక్సాన్​లో కొత్త ఎంట్రీ లెవల్​ వేరియంట్లు.. భారీగా దిగొచ్చిన ఎస్​యూవీ ధర!

Tata Nexon on road price Hyderabad : టాటా మోటార్స్​ బెస్ట్​ సెల్లింగ్​ ఎస్​యూవీల్లో ఒకటి టాటా నెక్సాన్​. ఇక ఇప్పుడు.. ఈ కాంపాక్ట్ ఎస్​యూవీలో కొత్త, ఎంట్రీ లెవల్ వేరియంట్లను విడుదల చేసింది. ఫలితంగా టాటా నెక్సాన్​ ప్రారంభ ధర గణనీయంగా తగ్గింది. మహీంద్రా ఎక్స్​యూవీ 3ఎక్స్ఓ భారతదేశంలో లాంచ్ అయిన కొన్ని రోజుల్లోనే టాటా మోటార్స్​ ఈ వ్యూహాత్మక చర్య తీసుకోవడం గమనార్హం . ఇప్పటికే విపరీతమైన పోటీ ఉన్న కాంపాక్ట్​ ఎస్​యూవీ సెగ్మెంట్​లో.. ఈ కొత్త వేరియంట్లతో పోటీని మరింత పెంచేసింది దిగ్గజ ఆటోమొబైల్​ సంస్థ.

టాటా నెక్సాన్​ ఎంట్రీ లెవల్​ వేరియంట్లు..

టాటా నెక్సాన్ పెట్రోల్ వేరియంట్ ప్రారంభ ధర ఇప్పుడు రూ .8 లక్షలు. డీజిల్ వేరియంట్ ప్రారంభ ధర రూ .10 లక్షలు. టాటా నెక్సాన్ కొత్త ఎంట్రీ లెవల్ పెట్రోల్ వేరియంట్ స్మార్ట్ (ఓ).. మునుపటి బేస్ వేరియంట్ స్మార్ట్ కంటే రూ .15,000 తక్కువగా ఉంది రూ.7.49 లక్షల ధర కలిగిన మహీంద్రా ఎక్స్​యూవీ 3ఎక్స్​ఓలో.. తక్కువ వేరియంట్ల నుంచి ఎదురవుతున్న పోటీని ఎదుర్కొనేందుకు ఈ కొత్త వేరియంట్లు అందుబాటులోకి వచ్చాయి.

Tata Nexon entry level variants launch : అదనంగా.. టాటా మోటార్స్ స్మార్ట్ +, స్మార్ట్ + ఎస్ వేరియంట్ల ధరలను వరుసగా రూ .30,000, రూ .40,000 తగ్గించింది సంస్థ. టాటా నెక్సాన్ స్మార్ట్ ప్లస్ ధర రూ.8.90 లక్షలు కాగా.. స్మార్ట్ ప్లస్ ఎస్ ధర రూ.9.40 లక్షలు.

ఇదీ చూడండి:- Citroen Basalt SUV : సిట్రోయెన్​ కొత్త ఎస్​యూవీ ఫొటోలు లీక్​.. స్టైలిష్​గా!

డీజిల్ విషయానికి వస్తే, టాటా నెక్సాన్ ఇప్పుడు స్మార్ట్ +, స్మార్ట్ + ఎస్ అనే రెండు కొత్త వేరియంట్లను అందిస్తుంది. స్మార్ట్ + వేరియంట్ కొత్త ఎంట్రీ లెవల్ ధర రూ .10 లక్షలు. స్మార్ట్ + ఎస్ వేరియంట్ ధర రూ .10.60 లక్షలు. ఈ కొత్త వేరియంట్ల ఫలితంగా నెక్సాన్ డీజిల్ బేస్ ధర రూ .1.10 లక్షలు తగ్గింది.

టాటా నెక్సాన్​లో.. 122 బీహెచ్​పీ పవర్​, 170 ఎన్ఎమ్ టార్క్​ని జనరేట్​ చేసే 1.2-లీటర్ టర్బో-పెట్రోల్ ఇంజిన్.. లేదా 117 బీహెచ్​పీ, 260 ఎన్ఎమ్ టార్క్​ను జనరేట్​ చేసే 1.5-లీటర్ డీజిల్ యూనిట్ ఆప్షన్స్​ ఉన్నాయి. ఇంజిన్లు.. 5-స్పీడ్ మాన్యువల్, 6-స్పీడ్ మాన్యువల్, 6-స్పీడ్ ఏఎంటీ, అలాగే 7-స్పీడ్ డ్యూయెల్ క్లచ్ ఆటోమేటిక్​తో కనెక్ట్​ చేసి ఉంటాయి.

Tata Nexon on road price : టాటా నెక్సాన్​లో 10.25 ఇంచ్​ టచ్ స్క్రీన్, అదే పరిమాణంలో పూర్తి డిజిటల్ డ్రైవర్ డిస్​ప్లే, వైయర్​ లెస్ ఛార్జర్, వెంటిలేటెడ్, హైట్​ ఎడ్జెస్టిబుల్​ ఫ్రెంట్ సీట్లు, క్రూజ్ కంట్రోల్, సబ్ వూఫర్​తో కూడిన 9-స్పీకర్ జేబీఎల్ సౌండ్ సిస్టెమ్, వాయిస్-అసిస్టెడ్ ఎలక్ట్రిక్ సన్ రూఫ్​తో పాటు మరెన్నో ఫీచర్లు ఉన్నాయి.

భద్రత విషయానికి వస్తే, టాటా నెక్సాన్​లో ఆరు ఎయిర్ బ్యాగులు, హిల్-స్టార్ట్ అసిస్ట్, ఈఎస్పీ, టీపీఎంఎస్, 360-డిగ్రీ కెమెరా, మరెన్నో ఉన్నాయి. టాటా నెక్సాన్ మహీంద్రా ఎక్స్​యూవీ 3ఎక్స్ఓ, కియా సోనెట్, హ్యుందాయ్ వెన్యూ, మారుతి బ్రెజ్జా, ఫ్రాంక్స్ ,టయోటా టైసర్వం టి ప్రసిద్ధ కాంపాక్ట్ ఎస్​యూవీలతో పోటీపడుతుంది.