Citroen C3 Shine launch : సిట్రోయెన్ సీ3 టాప్ ఎండ్ వేరియంట్ లాాంచ్.. విశేషాలివే!
Citroen C3 Shine launched : సిట్రోయెన్ సీ3 షైన్ వేరియంట్ లాంచ్ అయ్యింది. పూర్తి వివరాలు..
Citroen C3 new variant launch : సంస్థకు బెస్ట్ సెల్లింగ్ మోడల్గా ఉన్న సీ3కి కొత్త వేరియంట్ను తాజాగా లాంచ్ చేసింది సిట్రోయెన్ సంస్థ. దీని పేరు సిట్రోయెన్ సీ3 షైన్. ఈ వేరియంట్ ఎక్స్షోరూం ధర రూ. 7.60లక్షలుగా ఉంది. ఈ మోడల్ విశేషాలు ఇక్కడ తెలుసుకుందాము..
సిట్రోయెన్ సీ3 షైన్ విశేషాలు..
సిట్రోయెన్ సీ3లో ఇప్పటికే రెండు వేరియంట్స్ ఉన్నాయి. అవి లైవ్, ఫీల్. ఇక ఇప్పుడు షైన్ పేరుతో మరో వేరియంట్ను యాడ్ చేసింది సిట్రోయెన్. ఎలక్ట్రికల్లీ అడ్జెస్టెబుల్ వింగ్ మిర్రర్స్, రేర్ పార్కింగ్ కెమెరా, మేన్యువల్ డే/ నైట్ రేర్ వ్యూ మిర్రస్, ఫ్రెంట్ ఫాంగ్ ల్యాంప్స్ వస్తున్నాయి. ఇప్పటివరకు లేని రేర్ వైపర్, వాషర్, డీఫాగర్ని కూడా యాడ్ చేసింది.
Citroen C3 Shine launched : లైవ్, ఫీల్ వేరియంట్స్లో అలాయ్ వీల్స్ అనేవి యాక్ససరీస్ లిస్ట్లో ఉండేవి. కాగా.. షైన్ మోడల్లో 15 ఇంచ్ డైమెంట్ కట్ అలాయ్ వీల్స్ స్టాండర్డ్గా వస్తున్నాయి. ఇక ఇప్పుడు సిట్రోయెన్ సీ3లో మై సిట్రోయెన్ కనెక్ట్ యాప్ ఉంది. ఇందులో 35కుపైగా కనెక్టివిటీ ఫీచర్స్ లభిస్తున్నాయి.
సిట్రోయెన్ సీ3 షైన్లో 1.2 లీటర్, 3 సిలిండర్ నేచురల్లీ ఆస్పిరేటెడ్ ఇంజిన్ ఉంది. ఇది 82 హెచ్పీ పవర్ను, 115 ఎన్ఎం టార్క్ను జనరేట్ చేస్తుంది. ఇందులో 5 స్పీడ్ గేర్బాక్స్ కూడా ఉంటుంది.
Citroen C3 Shine on road price in India : టాటా పంచ్, మారుతీ సుజుకీ ఇగ్నిస్, రెనాల్ట్ కైగర్, నిస్సాన్ మాగ్నైట్కు ఇప్పటికే గట్టిపోటీనిస్తోంది సిట్రోయెన్ సీ3. ఇక కొత్త వేరియంట్తో ఈ పోటీ మరింత పెరగనుంది.
7 సీటర్ సిట్రోయెన్ సీ3.. లాంచ్కు రెడీ!
ఇండియా మార్కెట్లోకి 7 సీటర్ ఎస్యూవీని లాంచ్ చేసేందుకు సిట్రోయెన్ ఏర్పాట్లు చేసుకుంటోంది. ఇది సిట్రోయెన్ సీ3కి 7 సీటర్ వర్షెన్ అని తెలుస్తోంది. సీ5 ఎయిర్క్రాస్, సీ3లతో ఇండియా మార్కెట్లోకి అడుగుపెట్టింది సిట్రోయెన్. ఇటీవలే ఈసీ3 పేరుతో ఈవీని లాంచ్ చేసింది. ఇక ఇప్పుడు 7 సీటర్ ఎస్యూవీ లాంచ్కు సిద్ధమవుతోంది. ఈ 7 సీటర్ ఎస్యూవీ ఫ్రెంట్ డిజైన్.. సీ3ని పోలి ఉండొచ్చు. బంపర్ మౌంటెడ్ హెడ్లైట్స్, డీఆర్ఎల్స్, క్లామ్షెల్ బానెట్, స్లీక్ గ్రిల్, వైడ్ ఎయిర్ డ్యామ్, రేక్డ్ విండ్స్క్రీన్, డిజైనర్ అలాయ్ వీల్స్, వ్రాప్ అరౌండ్ టెయిల్లైట్స్, రూఫ్ మౌంటెడ్ స్పాయిలర్ వంటివి లభించనున్నాయి. పూర్తి వివరాల కోసం ఇక్కడ క్లిక్ చేయండి.
సంబంధిత కథనం