Honor X9b 5g : 108ఎంపీ రేర్​ కెమెరాతో హానర్​ ఎక్స్​9బీ.. ఇండియా లాంచ్​కు రెడీ!

Honor X9b price in India : హానర్​ సంస్థ నుంచి సరికొత్త స్మార్ట్​ఫోన్​ ఇండియాలో లాంచ్​కు సిద్ధమవుతోంది. దీని పేరు హానర్​ ఎక్స్​9బీ. ఈ గ్యాడ్జెట్​.. ఫిబ్రవరి 15న ఇండియాలో రిలీజ్​​ అవ్వనుంది. ఈ నేపథ్యంలో ఈ మోడల్​ ఫీచర్స్​, ధర వంటి వివరాలను ఇక్కడ తెలుసుకుందాము..

హానర్​ ఎక్స్​9బీ ఫీచర్స్​ ఇవేనా..?

ఈ హానర్​ ఎక్స్​9బీ స్మార్ట్​ఫోన్​.. ఇప్పటికే అంతర్జాతీయ మార్కెట్​లో అందుబాటులో ఉంది. ఇండియాలో లాంచ్​ అవుతున్న మొబైల్​కి, అంతర్జాతీయ మార్కెట్​లో అందుబాటులో ఉన్న గ్యాడ్జెట్​కి మధ్య పెద్దగా డిఫరెన్స్​ ఉండకపోవచ్చు!

Honor X9b 5G : హానర్​ ఎక్స్​9బీలో.. 120 హెచ్​జెడ్​ రిఫ్రెష్​ రేట్​తో కూడిన 6.78 ఇంచ్​ కర్వ్​డ్​ ఎడ్జ్​ అమోలెడ్​ డిస్​ప్లే ఉంటుంది. ఫింగర్​ప్రింట్​ స్కానర్​ ఇంటిగ్రేటెడ్​గా ఉంటుంది. స్నాప్​డ్రాగన్​ 6 జెన్​ 1 ప్రాసెసర్​ ఇందులో ఉండే అవకాశం ఉంది. ఈ స్మార్ట్​ఫోన్​లో 8జీబీ ర్యామ్​, 8జీబీ వర్చ్యువల్​ ర్యామ్​, 256జీబీ స్టోరేజ్​ వంటివి ఉంటాయని తెలుస్తోంది. ఆండ్రాయిడ్​ 13 లేదా ఆండ్రాయిడ్​ 14 సాఫ్ట్​వేర్​పై ఈ హానర్​ మొబైల్​ పనిచేసే అవకాశం ఉంది. ఇందులో.. మిడ్​నైట్​ బ్లాక్​, సన్​షైన్​ ఆరేంజ్​ కలర్​ ఆప్షన్స్​ ఉంటాయని సమాచారం.

ఇదీ చూడండి:- OnePlus 12R sale: వన్ ప్లస్ 12 ఆర్, వన్ ప్లస్ బడ్స్ 3 సేల్ ప్రారంభం

ఇక ఈ హానర్​ ఎక్స్​9బీలో 108ఎంపీతో కూడిన ట్రిపుల్​ రేర్​ కెమెరా వస్తుందని సంస్థ.. అధికారికంగా ప్రకటించింది. ఇందులో ఏఐ పవర్డ్​ మోషన్​ సెన్సింగ్​ కెమెరా కూడా ఉంటుందని సమాచారం. సెల్ఫీ కెమెరాపై ప్రస్తుతం క్లారిటీ లేదు. ​

Honor X9b 5g specifications : ఫిబ్రవరి 15న జరగనున్న ఓ ఈవెంట్​లో.. ఈ ఎక్స్​9బీ స్మార్ట్​ఫోన్​ని లాంచ్​ చేస్తుంది హానర్​ సంస్థ. అదే ఈవెంట్​లో.. ఛాయిస్​ ఎక్స్​5 ఇయర్​బడ్స్​, ఛాయిస్​ వాచ్​ని కూడా లాంచ్​ చేస్తుందట! అంతేకాకుండా.. ఎక్స్​9బ కొనే వారికి.. రూ. 2,999 విలువ చేసే మొబైల్​ ప్రాటెక్షన్​ ప్లాన్​ని సంస్థ ఉచితంగా ఇస్తుందట. ఈ ప్రాటెక్షన్​ ప్లాన్​లో 1 టైమ్​ స్క్రీన్​ రిప్లేస్​మెంట్​ (మొబైల్​ కొన్న మొదటి 6 నెలలు), 18 నెలల వారెంటీ, డోర్​ టు డోర్​ అసిస్టెన్స్​ వంటివి ఉంటాయని టాక్​ నడుస్తోంది.

Honor X9b price details : కాగా.. ఈ హానర్​ ఎక్స్​9బీ స్మార్ట్​ఫోన్​ ధరకు సంబంధించిన వివరాలు ప్రస్తుతం అందుబాటులో లేవు. ఇతర ఫీచర్స్​పైనా క్లారిటీ రావాల్సింది. లాంచ్​ టైమ్​ నాటికి వీటిపై ఓ స్పష్టత వస్తుందని మార్కెట్​ వర్గాలు భావిస్తున్నాయి.