OnePlus 12R sale: వన్ ప్లస్ 12 ఆర్, వన్ ప్లస్ బడ్స్ 3 సేల్ ప్రారంభం
OnePlus 12R sale: భారత్ మార్కెట్లో వన్ ప్లస్ 12 ఆర్, వన్ ప్లస్ బడ్స్ 3 సేల్ ప్రారంభమైంది. లాంచ్ సందర్భంగా ఈ డివైజెస్ పై వన్ ప్లస్ పలు లాంచింగ్ ఆఫర్స్ ను ప్రకటించింది.
OnePlus 12R price: వన్‌ప్లస్ ఇటీవల వన్‌ప్లస్ 12 సిరీస్, వన్‌ప్లస్ బడ్స్ 3ని విడుదల చేసింది. వీటిలో కొన్ని భారీ అప్‌గ్రేడ్‌లు, కొన్ని కొత్త ఫీచర్లు ఉన్నాయి. ఇప్పుడు, OnePlus 12R, OnePlus బడ్స్ 3 లను వివిధ ఆన్‌లైన్ ప్లాట్‌ఫారమ్‌లు, OnePlus స్టోర్‌లలో వినియోగదారులు కొనుగోలు చేసుకోవచ్చు.
ధర, ఇతర వివరాలు..
OnePlus 12R, OnePlus బడ్స్ 3 విక్రయం ఫిబ్రవరి 6, 2024న ప్రారంభమైంది. ఈ రెండు డివైజెస్ మధ్య-శ్రేణి విభాగంలో అందుబాటులో ఉన్నాయి. ఇప్పుడు వన్‌ప్లస్ స్టోర్ యాప్, అమెజాన్, ఫ్లిప్‌కార్ట్, ఇతర ఇ-కామర్స్ ప్లాట్‌ఫామ్స్, అనేక ఇతర ఆఫ్‌లైన్ భాగస్వామి స్టోర్‌లు వంటి వాటిలో వన్ ప్లస్ 12 ఆర్, వన్ ప్లస్ బడ్స్ 3 లను కొనుగోలు చేయవచ్చు. వన్ ప్లస్ 12 ఆర్ (OnePlus 12R) ధర రూ.39999 ల నుంచి ప్రారంభమవుతుంది. వన్ ప్లస్ బడ్స్ 3 (OnePlus Buds 3) ధర రూ.5499 నుంచి ప్రారంభమవుతుంది. పలు ఈ కామర్స్ ప్లాట్ ఫామ్స్ వివిధ బ్యాంక్ కార్డులపై 10% వరకు డిస్కౌంట్ లభిస్తుంది.
వన్ ప్లస్ 12 ఆర్ స్పెసిఫికేషన్స్
OnePlus 12R స్మార్ట్ ఫోన్ లో 120Hz రిఫ్రెష్ రేట్‌తో 6.78-అంగుళాల AMOLED ProXDR డిస్‌ప్లే ఉంటుంది. ఇందులో గ్రాఫిక్-ఇంటెన్సివ్ గేమింగ్ కోసం Adreno 740 GPUతో పాటు Qualcomm Snapdragon 8 Gen 2 చిప్‌సెట్ ను అమర్చారు. ఫోటోగ్రఫీ కోసం, OnePlus 12R 50MP Sony IMX890 ప్రధాన కెమెరా, 8MP అల్ట్రా-వైడ్ యాంగిల్ లెన్స్, 2MP మాక్రో లెన్స్‌ను కలిగి ఉంది. ముందువైపు, ఇది 16MP సెల్ఫీ కెమెరాతో వస్తుంది. ఈ స్మార్ట్‌ఫోన్ లో 5500mAh బ్యాటరీ ఉంటుంది. ఇది 100 W SUPERVOOC ఛార్జర్‌కు మద్దతు ఇస్తుంది. వన్ ప్లస్ 12 ఆర్ స్మార్ట్‌ఫోన్ రెండు స్టోరేజ్ వేరియంట్‌లలో లభిస్తుంది. అవి ఒకటి 8GB RAM, 128GB ఇంటర్నల్ స్టోరేజ్, మరొకటి 16GB RAM, 256GB స్టోరేజ్ వేరియంట్.
టాపిక్