Punch iCNG vs Fronx CNG : టాటా పంచ్​ వర్సెస్​ మారుతీ ఫ్రాంక్స్​.. ఏ సీఎన్​జీ మోడల్​ బెస్ట్​?

Tata Punch iCNG vs Maruti Suzuki Fronx CNG : టాటా పంచ్​ సీఎన్​జీ మోడల్​ను ఇటీవలే లాంచ్​ చేసింది దిగ్గజ ఆటోమొబైల్​ సంస్థ టాటా మోటార్స్​. ఈ మోడల్​.. ఇప్పటికే మార్కెట్​లో ఉన్న మారుతీ సుజుకీ ఫ్రాంక్స్​ సీఎన్​జీకి గట్టిపోటీనిస్తోంది. ఈ నేపథ్యంలో ఈ రెండింటినీ పోల్చి.. ఏది బెస్ట్​? అన్నది ఇక్కడ తెలుసుకుందాము..

వీటి ఫీచర్స్​ వివరాలు ఇవే..

టాటా పంచ్​ ఐసీఎన్​జీలో 7 ఇంచ్​ టచ్​స్క్రీన్​ వస్తోంది. రెయిన్​ సెన్సింగ్​ వైపర్స్​, ఆటో హెడ్​ల్యాంప్స్​, 16 ఇంచ్​ డైమండ్​ కట్​ అలాయ్​ వీల్స్​ వంటివి లభిస్తున్నాయి. వాయిస్​ అసిస్టెడ్​ సన్​రూఫ్​ ఫీచర్​ అట్రాక్టివ్​గా ఉంది. డ్యూయెల్​ ఎయిర్​బ్యాగ్స్​, ఏబీఎస్​ విత్​ ఈబీడీ, బ్రేక్​ స్వే కంట్రోల్​, కార్నర్​ స్టెబులిటీ కంట్రోల్​లు వస్తున్నాయి.

Tata Punch iCNG on road price Hyderabad : మరోవైపు మారుతీ సుజుకీ ఫ్రాంక్స్​లో ఎలక్ట్రికల్లీ అడ్జెస్టెబుల్​, ఫోల్డెబుల్​ ఓఆర్​వీఎంలు, కీలెస్​ ఎంట్రీ, స్టీరింగ్​ మౌంటెడ్​ కంట్రోల్స్​, ఆటో క్లైమేట్​ కంట్రోల్​, 7 ఇంచ్​ టచ్​స్క్రీన్​, కార్​ప్లే, ఏఎస్​పీ, హిల్​ హోల్డ్​ అసిస్ట్​, డ్యూయెల్​ ఎయిర్​బ్యాగ్స్​ వంటివి లభిస్తున్నాయి.

ఇదీ చూడండి:- Hyundai Exter CNG vs Tata Punch iCNG : ఎక్స్​టర్​ వర్సెస్​ పంచ్​- సీఎన్​జీ మోడల్స్​లో ఏది బెస్ట్​?

వీటి ఇంజిన్​ స్పెసిఫికేషన్స్​ ఇవే..

టాటా పంచ్​ ఐసీఎన్​జీలో 1.2 లీటర్​ 3 సిలిండర్​ ఇంజిన్​ ఉంటుంది. సీఎన్​జీ మోడ్​లో ఇది 72.5 హెచ్​పీ పవర్​ను, 103 ఎన్​ఎం టార్క్​ను జనరేట్​ చేస్తుంది. 5 స్పీడ్​ మేన్యువల్​ గేర్​బాక్స్​ స్టాండర్డ్​గా వస్తోంది. ఈ మోడల్​ మైలేజ్​.. 26.99 కి.మీ/కేజీ అని సంస్థ చెబుతోంది.

Maruti Suzuki Fronx CNG on road price Hyderabad : కాగా ఈ టాటా కారులో 1 పెద్ద సిలిండర్​ బదులు.. రెండు చిన్న సిలిండర్లు ఉంటాయి. ఫలితంగా బూట్​ స్పేస్​ సాధారణ సీఎన్​జీ కార్ల కన్నా ఎక్కువగానే ఉంటుంది.

ఇక మారుతీ సుజుకీ ఫ్రాంక్స్​ సీఎన్​జీలో 1.2 లీటర్​ 4 సిలిండర్​ ఇంజిన్​ ఉంటుంది. ఇది 76 హెచ్​పీ పవర్​ను, 98.5 ఎన్​ఎం టార్క్​ను జనరేట్​ చేస్తుంది. ఇందులోనూ 5 స్పీడ్​ మేన్యువల్​ గేర్​బాక్స్​ స్టాండర్డ్​గా వస్తోంది. ఈ మోడల్​.. 28.51 కి.మీ/ కేజీ మైలేజ్​ ఇస్తుంది.

వీటి ధరలెంతంటే..

Tata Punch iCNG price : మారుతీ సుజుకీ ఫ్రాంక్స్​కి రెండు సీఎన్​జీ వేరియంట్లే ఉన్నాయి. వాటి ఎక్స్​షోరూం ధరలు రూ. 8.41లక్షలు, రూ. 9.28లక్షలు. మరోవైపు టాటా పంచ్​ ఐసీఎన్​జీ ఎక్స్​షోరూం ధరలు రూ. 7.10లక్షల నుంచి రూ. 9.68లక్షల మధ్యలో ఉంటుంది.