Tata Nexon: సేల్స్ లో టాటా నెక్సాన్ మరో రికార్డు; కస్టమర్లకు 1 లక్ష వరకు బెనిఫిట్స్-tata nexon celebrates 7 lakh sales milestone offers benefits up to rs 1 lakh ,బిజినెస్ న్యూస్
తెలుగు న్యూస్  /  బిజినెస్  /  Tata Nexon: సేల్స్ లో టాటా నెక్సాన్ మరో రికార్డు; కస్టమర్లకు 1 లక్ష వరకు బెనిఫిట్స్

Tata Nexon: సేల్స్ లో టాటా నెక్సాన్ మరో రికార్డు; కస్టమర్లకు 1 లక్ష వరకు బెనిఫిట్స్

HT Telugu Desk HT Telugu
Jun 15, 2024 08:49 PM IST

సక్సెస్ ఫుల్ ఎస్ యూ వీ మోడల్ కారు టాటా నెక్సాన్ మరో రికార్డును అధిగమించింది. అమ్మకాల్లో 7 లక్షల మార్క్ ను దాటి రికార్డు సృష్టించింది. టాటా నెక్సాన్ ప్రస్తుతం నాలుగు వేరియంట్లు, ఏడు కలర్ ఆప్షన్లలో లభ్యమవుతోంది. రెండు ఇంజన్ ఆప్షన్లు అందుబాటులో ఉన్నాయి. టాటా నెక్సాన్ ఎలక్ట్రిక్ వెర్షన్ కూడా ఉంది.

టాటా నెక్సాన్ పై రూ. 1 లక్ష వరకు ప్రయోజనాలు
టాటా నెక్సాన్ పై రూ. 1 లక్ష వరకు ప్రయోజనాలు

Tata Nexon: భారత మార్కెట్లో సబ్-4 మీటర్ కాంపాక్ట్ ఎస్యూవీ టాటా నెక్సాన్ ను 7 లక్షల యూనిట్లకు పైగా విక్రయించినట్లు టాటా మోటార్స్ (Tata Motors) ప్రకటించింది. ఈ విజయాన్ని పురస్కరించుకుని దేశవ్యాప్తంగా ఉన్న టాటా మోటార్స్ ప్యాసింజర్ వెహికల్ డీలర్లు, షోరూమ్ లు ప్రత్యేక ఈవెంట్లు, కస్టమర్ మీట్ లను నిర్వహిస్తున్నాయి. టాటా నెక్సాన్ ను బుక్ చేసుకుని డెలివరీ కోసం ఎదురుచూస్తున్న వినియోగదారులకు రూ .1 లక్ష వరకు (మోడల్, వేరియంట్ ను బట్టి) ప్రయోజనాలు కూడా ఉన్నాయి. ఈ ప్రయోజనాలు జూన్ 30 వరకు చేసిన బుకింగ్ లకు, పరిమిత కాలానికి మాత్రమే అని గమనించాలి.

నాలుగు వేరియంట్లలో..

స్మార్ట్, ప్యూర్, క్రియేటివ్, ఫియర్ లెస్ అనే నాలుగు వేరియంట్లలో టాటా నెక్సాన్ లభిస్తుంది. అదనంగా, డార్క్ ఎడిషన్ వెర్షన్ కూడా ఉంది. కానీ, ఇది క్రియేటివ్ వేరియంట్, ఫియర్ లెస్ వేరియంట్లలో మాత్రమే లభిస్తుంది. అలాగే, టాటా నెక్సాన్ మొత్తం ఏడు రంగుల్లో లభిస్తుంది.

టాటా నెక్సాన్ స్పెసిఫికేషన్స్

టాటా నెక్సాన్ (Tata Nexon) లో 1.2-లీటర్ టర్బో పెట్రోల్ ఇంజన్, 1.5-లీటర్ డీజల్ ఇంజన్ ఆప్షన్స్ ఉన్నాయి. టర్బో పెట్రోల్ ఇంజన్ 118 బీహెచ్ పీ పవర్, 170ఎన్ఎమ్ టార్క్ ను ప్రొడ్యూస్ చేస్తుంది. టాటా నెక్సాన్ లో వేరియంట్ ను బట్టి 5-స్పీడ్ మాన్యువల్ గేర్ బాక్స్, 6-స్పీడ్ మాన్యువల్ గేర్ బాక్స్, కొత్త 7-స్పీడ్ డ్యూయల్ క్లచ్ ఆటోమేటిక్ గేర్ బాక్స్ ఆప్షన్స్ ఉన్నాయి. టాటా నెక్సాన్ డీజల్ ఇంజన్ 113 బీహెచ్ పీ పవర్, 260 ఎన్ఎమ్ టార్క్ ను ప్రొడ్యూస్ చేస్తుంది. ఇది 6-స్పీడ్ మాన్యువల్ గేర్ బాక్స్ లేదా 6-స్పీడ్ ఎఎమ్ టి గేర్ బాక్స్ తో వస్తుంది.

2017 నుంచి 7 లక్షల అమ్మకాలు..

ఈ సందర్భంగా టాటా ప్యాసింజర్ ఎలక్ట్రిక్ మొబిలిటీ లిమిటెడ్ చీఫ్ కమర్షియల్ ఆఫీసర్ వివేక్ శ్రీవత్స మాట్లాడుతూ, ‘‘2017 లో లాంచ్ అయినప్పటి నుండి, నెక్సాన్ డిజైన్, భద్రత, సౌకర్యం, డ్రైవింగ్ ఆనందంలో కొత్త ప్రమాణాలను నెలకొల్పింది. గత ఏడేళ్లుగా, విస్తరిస్తున్న కస్టమర్ బేస్ యొక్క అచంచలమైన మద్దతు, ప్రేమ నెక్సాన్ ను పరిశ్రమలో ఐకానిక్ బ్రాండ్ గా మార్చాయి. ఈ 7 సంవత్సరాలలో 7 లక్షల అమ్మకాల మైలురాయిని సాధించగలిగాం. వినియోగదారులు మాపై ఉంచిన విశ్వాసం వల్లనే అది సాధ్యమైంది. ఈ సందర్భంగా కొత్త వినియోగదారులకు రూ. 1 లక్ష వరకు ఉత్తేజకరమైన ఆఫర్స్ ను అందిస్తున్నాము’’ అన్నారు.

WhatsApp channel